LESOGNE 42
Ino ty Rehafe ty Baiboly Miomba ty Ndaty Tsy Manambaly Naho ty Manambaly?
Mihevetse ty ndaty amy ty tane ila’e agne, fa tsy ho sambatse ty ndaty raike naho tsy manambaly. Faie tsy ze kila ndaty manambaly ro sambatse. Maro ka ty ndaty tsy manambaly faie sambatse. Mirehake ty Baiboly fa sambe fagnomezagne boake amy i Jehovah ndra ty manambaly ndra ty tsy manambaly.
1. Inogne iaby ty tombo’e azo ty ndaty tsy manambaly?
Mirehake ty Baiboly tie: “Manao ty soa ze manambaly, faie manao ty soa ambone izay ze tsy manambaly.” (Vakio ty 1 Korintianina 7:32, 33, 38.) Nagnino ro rehafegne tie “manao ty soa ambone izay” ze tsy manambaly? Tsy misy valy ho karakarae’e iareo. Maro ka ty raha azo iareo atao. Ohatse, afake mampitombo ty fanompoa’e iareo, le afake mifindra amy ty toeragne hafa agne mba hitoriagne i talily soay. Faie ty tena lahibey, le manam-potoagne maro mba hifandrambesagne amy i Jehovah iareo.
2. Inogne iaby ty mahasoa tihoe mpivaly ara-dalàna?
Maro ka ty soa azo ze ndaty manambaly manahake o tsy manambalio avao. Mirehake ty Baiboly tie “soa ty roe naho oharegne amy ty raike.” (Mpitoriteny 4:9) Tena mahatsapa izay ze mpivaly Kristiana magnorike ty toro lala ty Baiboly. Naho fa mpivaly ara-dalàna ty ndaty roe, le manao voady iareo roe tie hifankatea, hifagnaja sady hanao izay lognandro. Ty voka’e mahatsapa ho voaro iareo fa tsy manahake ty ndaty roe miharo tragno faie tsy mpivaly ara-dalàna. Hahatsapa ho voaro ka ty ana ty ndaty mpivaly ara-dalàna.
3. Akore ty fihevera i Jehovah o fanambaliagneo?
Tamy i Jehovah namorogne o fanambaliagneoy, le nisaontsy reke tie: “Hienga ty rae’e naho ty rene’e o lahilahio le hiharo amy ty vali’e.” (Genesisy 2:24) Tea i Jehovah hifankatea naho hiharo avao iareo naho mbe velogne. Naho mijangajanga ty raike amy iareo vaho izay ty Jehovah mienga iareo hisarake. Faie engà i Jehovah hifily i raike tsy manan-tsinỳ tie hisarake ndra tsy hisarake naho nila ndaty hafa ty vali’e. a (Matio 19:9) Tsy tea i Jehovah ka tihoe mampirafe.—1 Timoty 3:2.
ANDAO HANDINEKE TY PITSOPITSO’E
Hodinehentikagne ato tie afake ho sambatse naho hampifale i Jehovah rehe ndra manambaly ndra tsy manambaly.
4. Ampiasao soa ty fahafahagne anagna’o naho tsy manambaly rehe
Tamy i Jesosy, le fagnomezagne tihoe tsy manambaly. (Matio 19:11, 12) Vakio ty Matio 4:23, sady iharò midineke ty fagnonteneagne toy:
-
Tsy nanambaly ty Jesosy. Akore ty nampiasa’e ze fahafaha’e zay mba hanompoagne an-dRae’e naho hagnampeagne ty hafa?
Afake ho sambatse ka ze Kristiana tsy manambaly naho manahake i Jesosy. Alefaso i VIDEO oy, sady iharò midineke ty fagnonteneagne toy.
-
Inogne iaby ty raha azo ty Kristiana tsy manambaly atao?
Raha Mahaliagne
Tsy rehafe ty Baiboly tie fire taogne ty ndaty raike vaho izay afake manambaly. Faie mandrisike o tanorao reke mba handigne heike, amparake ty hiafaha i fotoagne maha mafe ty fagniriagne te hila ndatỳ. Amo o fotoagne iohoe o tanorao, tsy le mahay manapa-kevetse soa.—1 Korintianina 7:36.
5. Filio soa ty ndaty ho valie’o
Fanapahan-kevetse lahibey amy ty fiaignagne tihoe mifily ty ndaty ho valiegne. Vakio ty Matio 19:4-6, 9, sady iharò midineke ty fagnonteneagne toy:
-
Nagnino ty Kristiana raike ro tsy toko’e ho meke hanambaly?
Afake magnampe azo ty Baiboly mba hahay ty raha toko’e ho fantaregne naho fa hifily valy. Toko’e ho fantare’o voaloha’e tie tena tea i Jehovah vao reke. b Vakio ty 1 Korintianina 7:39 naho ty 2 Korintianina 6:14, sady iharò midineke ty fagnonteneagne retoa:
-
Nagnino ro soa naho ndaty mitovy finoagne amantikagne ro toko’e ho valientikagne?
-
Naho ty heve’o, ino ty tsapa i Jehovah naho manambaly ndaty tsy tea aze tikagne?
Hijale ty biby roe sambe hafa naho aharo baogne. Naho manambaly ndaty tsy manompo i Jehovah ka ty Kristiana raike le hahatrea olagne maro
6. Mitovy amy i Jehovah vao ty fihevera’o o fanambaliagneo?
Maro ty lahilahy Israelita taloha nisarake tamy ty vali’e satria tea tegna. Vakio ty Malakia 2:13, 14, 16, sady iharò midineke ty fagnonteneagne toy:
-
Nagnino ro heje i Jehovah naho misy mpivaly misarake faie anto’e hafa fa tsy fagnitsakitsaham-baly?
Tena maharare vaho mampijale naho mila ndaty hafa ty raike amo o mpivalio sady misarake iareo. Mijale ka i valy tsy manan-tsinỳ naho i ajajay
Alefaso i VIDEO oy, sady iharò midineke ty fagnonteneagne toy.
-
Naho tsy manompo i Jehovah ty vali’o, le ino ty azo’o atao mba ho sambatse ty tokatragno’areo?
7. Oriho ty fitsipy i Jehovah miomba ty fanambaliagne
Mila mikezake mafe ty ndaty raike mba hagnorike ty fitsipy i Jehovah miomba ty fanambaliagne. c Ho tahie i Jehovah ze manao izay. Alefaso i VIDEO oy.
Vakio ty Hebreo 13:4, sady iharò midineke ty fagnonteneagne toy:
-
Naho ty heve’o, ho vitantikagne vao ty hagnorike ty fitsipy i Jehovah miomba ty fanambaliagne? Ino ty anto’e?
Tea i Jehovah ty mpivaly Kristiana naho misoratse ara-dalàna. Naho ohatse iareo misarake, le tea’e ho ara-dalàna ka ty fisaraha iareo. Izay ka ty ampanoe ty fanjakagne amy ty tane maro agne. Vakio ty Titosy 3:1, sady iharò midineke ty fagnonteneagne toy:
-
Naho manambaly rehe, vita soratse ara-dalàna vao ty fanambalia’areo?
MISY TY MIREHAKE TIE: “Naho fa mifankatea zahay, le fa afake miharo tragno ndra tie tsy misoratse aza.”
-
Akore ty havale’o izay?
FAMINTIGNAGNE
Sambe fagnomezagne boake amy i Jehovah ndra ty manambaly ndra ty tsy manambaly. Sambe mahasambatse iaby reo naho manao raha mifagnarake amy ty zoton’arofo i Jehovah iareo.
Fameregnagne
-
Ino ty azo ty ndaty raike atao naho tsy manambaly reke?
-
Nagnino ty Baiboly ro mirehake tie soa naho ndaty mitovy finoagne amantikagne avao ro toko’e ho valientikagne?
-
Naho ty Baiboly ro henteagne, inogne avao ty ahafahagne misarake?
FAGNAZAVAGNE FAGNAMPE’E
Ino ty dika tihoe manambaly “amy i Tompo” ao avao?
“Fagnonteneagne Boake amo o Mpamakio” (Fitalakesan-davitse 1 Jolay 2004)
Henteo ty video roa retoagne fa hagnampe azo handrambe fanapahan-kevetse soa naho fa hanambaly rehe.
Ho trea’o ato fa nahatsapa ty rahalahy raike toy tie sarobily mandikoatse ty raha nafoe’e ty raha nimey i Jehovah aze.
Inogne iaby ty raha toko’e hodinehe ty ndaty raike aloha ty hanapaha’e hevetse tie hisarake vao sa handeha lefa?
“Hajao ze ‘Naharon’Andrianagnahare Baogne’” (Fitalakesan-davitse Desambra 2018)
a Henteo ty Fagnazavagne 4 fa magnazava miomba tihoe mandeha lefa naho tsy nisy fijangajangagne.
b Amy ty tane ila’e agne, le ty rae aman-drene ro mifily ty ndaty ho valie ty ana’e. Faie bey hatea o rae aman-dreneo naho dinehe’e tie, tea i Jehovah vao i ndatỳ fa tsy tihoe manam-bola bey reke ndra managne toeragne ambone.
c Naho mbe tsy mpivaly ara-dalàna nareo, le anjara’o ty manapa-kevetse tie hisarake amy i ndatỳ sa hanambaly aze.
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
