AISISIAET NA 42
Ebala Ebaibuli Ai Kanu Ajaut Bon Komam Idukokina ka Adukokina
Koinonosio ice, eomitos itunga ebe itunganan yenimam edukokina mam epedori adumun aiyalama. Konye kotoma abeit, mam erai ebe iyalamasi itunga kere luedukokina ido mam bobo erai ebe ngul kere lumam edukokina eraasi lumam iyalamasi. Nuabeit ebala Ebaibuli ebe adukokina ka amamut adukokina eraasi ainakinet kaneejai Yawe.
1. Anyoin bo ajokis naka ajaut bon komam idukokina?
Ebala Ebaibuli ebe: “Loemanyi . . . iswamai ejok; lomam emanyi da iswamai ejok aitelekarit.” (Kosiom 1 Ikorinton 7:32, 33, 38.) Anu bo iwaitin luepedoria yenejai bon komam edukokina aswam ejok “aitelekarit”? Ikristayon luejaasi bon komam edukokina emameotor kepelu loka aidar lukowaikec. Kanuangun ejaatar kesi kailajaara naepol. Kwape aanyunet, epedorete ice kakesi aitanyanyaar aijaanakinikec koponesio luegelegela kwape nat alosit alimonokin akwapisinei nuepolor eipud loka ikalimonokinak. Nuepolok kakere, epedorete bobo kesi aitwasam apak naiyatakina kanu aikunyakin neejai Yawe.
2. Anyoin bo ajokis naka adukokin kotoma okisila?
Kwape ka ajaut bon komam idukokina, ejaatar edukone da keda ajokisio nuitegelikina. Ebala Ebaibuli ebe “itelekarito iarei ediopet.” (Ekalimonokinan 4:9) Kotoma abeit ikote iboro nen kanoinoi kaneejaasi Ikristayon luibwaikinitos aicoreta nuka Ebaibuli toma aswamisioit kodukonekec. Ngul luedukokinos kwape ekotore kokisila, iyapoete kesi amin, ayongit, ka apodokinit yenikowaikec. Kanuangun, eraasi kesi duc lueyuwara itia itunga luirumasi eirum. Ido ikecedwe da eraunos lueyuwara.
3. Epone ani esesenia Yawe edukone?
Naetudukokinia Yawe itunga lusodit abu ngesi kotema ebe: “Nges inyeinia ekiliokit papake ka totoke, kiketakin neejai akeberu.” (Ageun 2:24) Ekoto Yawe ekiliokit keda akeberu aminanara ka ainyikokinit aiboi nepepe, bon ebe eroko kesi kere ejarete kotoma akwap. Ecamakinit ngesi kes alacakin arai kito edotear idiope. Kojautene kangol ijaikinit Yawe yenimam edotet apedor naka aseun arai alacakin ka yenowaike arai mam. a (Matayo 19:9) Mam Yawe ecamakinit Ikristayon airot.—1 Timoteo 3:2.
KISISIAU NUIPU
Kisisiau epone loipedoria ijo araut yeniyalama ka yenisiyalamikinit Yawe karaida ijai ijo bon komam idukokina arai bo idukokina.
4. Kitwasam ejok ainakinetekon naka araut yenijai bon komam idukokina
Ayait Yesu ajaut bon komam idukokina kwape ainakinet. (Matayo 19:11, 12) Kosiom Matayo 4:23, kosodete aimor aingiset nata:
-
Epone ani abu Yesu kitwasama ainakineteke naka ajaut bon komam edukokina aijaanakinia Papake keda aingarakinia luce?
-
Anu bo iwaitin luejokuka luepedoriata Ikristayon aitwasam akecejaut bon komam edukokina?
Ijeni kereka jo?
Mam Ebaibuli itutubit ikar luebeitor itunganan adukokin. Konye isinyikokinit itunganan atitingikin ber itoni naetuboror “apak naka atumun,” nges apak naerokor eipud loka aelo egogong noi ido itukurworite atumunan aitolomun aseuneta nuejok.—1 Ikorinton 7:36, NWT.
5. Koseu ejok yeneraun iminatakon
Aseun yenedukokinos kajo erai adiopet kotoma aseuneta nuepolok noi nuiswamauni ijo. Kosiom Matayo 19:4-6, 9, kosodete aimor aingiset nata:
-
Inyo mam ibusakinitor Ikristayon amaranikin adukokin?
Ingarakini Ebaibuli ijo ajenun iponesio luibusakinit amoot kaneejai itunganan yenikoto ijo adukokinor. Nuepolok kakere, komou itunganan yenemina Yawe. b Kosiom 1 Ikorinton 7:39 keda 2 Ikorinton 6:14. Kosodete aimor aingiseta nuta:
-
Kanuinyo ibusakinitor aimany Ikristayot bon yenijaanakini Yawe?
-
Iwomit ijo epone ani epupunia Yawe arai kidukokin ijo keda itunganan yenimam emina Nges?
Arai eenikin ajokot emong looti keda asigiria naedit, ewanyunete ican. Kwape kwangin da, Ikristayot yeneseuni adukokin keda yenimam ijaanakini Yawe, eanyuni ican luipu
6. Koyaite edukone kwape eyaitor Yawe
Kolo sek aminas itunga luko Isirael alacakin kakecengor kanuka akiro nutai. Kosiom Malaki 2:13, 14, 16, kosodete aimor aingiset nata:
-
Kanuinyo elaitor Yawe elakit lomam eupanara keda nuisisianakini Ebaibuli?
Adoteu keda elakit eyaunete ican neejaasi idwe ka yenimam edotet
Koboliak EBIDIO, kosodete aimor aingiset naetupakini.
-
Arai idukokina ijo keda itunganan yenimam emina Yawe, anyoika bo nuipedori ijo aswam kanu ekonikale araut loiyalama?
7. Itwasam aicoreta nuka edukone nuijaikinit Yawe oni
Aticepak ebuni akotokin itunganan aswam kagogong noi kanu aibwaikin aicoreta nuka Yawe toma aswamisioit kodukoneke. c Konye isirerengi Yawe ngul luiswamaete ngun. Koboliak EBIDIO.
Kosiom Iburanian 13:4, kosodete aimor aingiseta nuta:
-
Iwomit kereka ijo ebe aicoreta nuka Yawe nuka edukone eraasi nuejokuka? Kanuinyo, arai bo kanuinyo mam?
Ekoto Yawe Ikristayon aiwadik edukonekec arai bo elakitikec, kwape icorakinitotor apuganisinei nuka akwapin nuegelegela. Kosiom Tito 3:1, kosodete aimor aingiset nata:
-
Arai idukokina ijo, itogogongit kereka ijo ebe erai edukonekon loiwadikauna kwape ekotor apugan?
EPEDORI ICE AINGIT EBE: “Inyo ajokis naka aiwadik edukone? Mam kereka edolit sio aiboi kwangin?”
-
Epone ani ibongokinia ijo?
NUIDAU AISISIAUN
Ajaut bon komam idukokina keda adukokina eraasi ainakineta kaneejai Yawe. Itunga luiboiete bon komam edukokina ka luedukokina epedorete adumun aiyalama ka aisilosikina arai iswamaete kesi akote naka Yawe.
Ainyogoor
-
Epone ani epedoria itunganan aitwasam akejaut bon komam edukokina?
-
Kanuinyo icorakinitor Ebaibuli adukokin kitunganan yenerai Ikristayot bon?
-
Ani bo akirot adiopet bon naecamakinitor Ebaibuli elakit?
ISISIAU BOBO NUTA
Anyoin bo apolou naka adukokin ‘kotoma Ojakait’ bon?
“Aingiseta Kaneejaasi Ikasiomak” (Watchtower, Elap Loikanyetaarei 1, 2004)
Kosesen ibidion iyarei luepedorete aingarakin ijo aitolomun aseuneta nuejok nuikamunitos eisupane keda edukone.
Kisisiau kanuinyo ebalar onac ediopet ebe nuejaiki Yawe ngesi eraasi nuepol ajokis noi adepar iboro kere luapal ngesi.
Anu bo akiro nuibusakinit itunganan airereor eroko ngesi eseuna elakit arai bo atiakakin?
“Itubusik ‘Luadau Edeke Aimorikikin’” (Watchtower, Elap Loitomonetaarei 2018)
a Koany Nuengesete 4 nuikamunitos atiakakin karaida mam idiopet edotet.
b Koinonosio ice, erai auriak kes eseikinete okookec arai bo akookec itunganan yenedukokinotor. Kojautene kangol, auriak luejaatar kamin mam isingarenitos edumune loka itunganan arai bo adoketaitike kanu itunganan ngin adukokin keda ikecekoku, konye ibore yenepol nges ajenun arai emina itunganan ngin Yawe.
c Arai irumasi ijo keda itunganan, erai aseunetekon adukokin kanges arai ajalakin nges.
