CHIIYO 42
Bbayibbele Lityeni Atala Akutakwata Naakuti Kutakwatwa Alukwatano?
Bamwi bantu basyoma kuti muntu takonzyi pe kubotelwa kuti katakwete naakuti katakwetwe. Pesi teeboonse pe bantu bakwetene babotelwa alubo teeboonse pe bantu batakwete naakuti batakwetwe batabotelwi. Bbayibbele lyaamba kuti kutakwata naakuti kutakwatwa akuchada nzipo.
1. Mbuubuli bubotu bwakutakwata naakuti kutakwatwa?
Bbayibbele lyaamba kuti: “Kufwumbwa uukwata ucita kabotu, pele kufwumbwa uutakwati ucita kabotu kwiinda.” (Bala 1 Bakorinto 7:32, 33, 38.) Muuliili nzila muntu uutakwete naakuti uutakwetwe mwachita “kabotu kwiinda”? MaKristu batakwete naakuti batakwetwe balalwaangunuko lwakuchita zintu nzibayanda kakutakwe chibachelezya. Muchikozyano, bamwi balakonzya kuchita zyiingi mumulimu waBwaami mbuli kulongela kulizimwi nyika kuti bakakambawuke makani mabotu. Kwiinda zyoonse, bajana chiindi chiingi chakuswena aafwiifwi aJehova.
2. Mbuubuli bubotu buba akaambo kakukwatana zili mumulawu?
Mbuli kutakwata naakuti kutakwatwa, mulukwatano amumo muli bubotu buliwo. Bbayibbele lyaamba kuti: “Bobilo bali kabotu kwiinda omwe.” (Mukambausi 4:9) Malayilile aaya abeleka loko kumaKristu bakwetene bapona kweendelana azyeelelo zyamuBbayibbele. Bantu bakwetene zili mumulawu ngabasyomezyania kuti banooyandana, kulemekana akubikkilana maanu. Eezi zipa kuti balimvwe kabakwabililidwe kusiyana abantu bakwatana luzutu kabatachadide. Kuti bakwetene bachada, nkuuba kuti bakomezye bana munzila iilikabotu.
3. Jehova ulubona biyeni lukwatano?
Chiindi Jehova naakatalisya mabambe aalukwatano wakati: “Mwaalumi uyoosiya bausyi abanyina akukakatila kumukaintu wakwe.” (Matalikilo 2:24) Jehova uyanda kuti mwaalumi amwanakazi bakwetene bayandane alubo kabakakatila kuli umwi awumwi wabo kwabuumi bwabo boonse. Uzumizya kuti balekane kuti umwi wachita bumambi. Muchiimo chili boobu, Jehova ulazumizya kuti sikubisigilwa asale kukkala mulukwatano naakuti asale kuti balekane. * (Matayo 19:9) Jehova tazumizyi pe kuti maKristu baalike.—1 Timoteyo 3:2.
YIYA ZYIINGI
Bona mbukonzya kubotelwa ambukonzya kubotezya Jehova nikuba kuti tukwete, tukwetwe naakuti kuchadide.
4. Chibelesye kabotu chipo chakutakwata naakuti kutakwatwa
Jesu wakali kuchibona kachili chipo kutakwata naakuti kutakwatwa. (Matayo 19:11, 12) Bala Matayo 4:23, mpawo musandule mubuzyo uutobela:
-
Jesu wakachibelesya biyeni chipo chakutakwata kuti abelekele Jehova akugwasya bamwi?
MaKristu balakonzya kubelesya chipo eechi chakutakwata naakuti kutakwatwa mbuli Jesu. Mweebele KAVIDIYO, mpawo musandule mubuzyo uutobela.
-
Bakwesu batakwete abachizi batakwetwe beelede kubelesya chipo chabo mukuchitaanzi?
Walizi na?
Bbayibbele talyaambi pe kuti muntu weelede kukwata naakuti kukwatwa kalaaminyaka iingane. Pesi lisungwaazya bantu kuti balindile kusikila bayinda “aciimo cakukubuka,” chiindi muntu nanga ulikulumwa aabusimbi naakuti bulombe bukonzya kumukachizya kuti asale munzila iilikabotu.—1 Bakorinto 7:36.
5. Sala muntu wakukwatanaawe munzila yabusongo
Kusala muntu wakukwatanaawe nchintu chiyanda kubikkilwa maanu loko. Bala Matayo 19:4-6, 9, mpawo musandule mubuzyo uutobela:
-
Nkamboonzi muKristu nateelede kuchijaanina kunjila mulukwatano?
Bbayibbele lilakonzya kukugwasya kuti uzibe nzweelede kulanga chiindi nusala muntu wakukwatanaawe. Kwiinda zyoonse, weelede kusala muntu wakukwatanaawe uuyanda Jehova. * Bala 1 Bakorinto 7:39 a 2 Bakorinto 6:14. Kuzwa waawo, musandule mibuzyo iitobela:
-
Nkamboonzi nitweelede kukwatana aamuntu uukomba Jehova luzutu?
-
Ubonaanga Jehova umvwa biyeni kuti wasala kukwatana aamuntu uutamukombi?
Kuti banyama babili basiyene basungwa mujokwe limwi, boonse balanjila mupenzi. Munzila iikozyenie kuti muKristu wakwatana aamuntu uutakombi unooswaanana amapenzi miingi
6. Bona lukwatano mbuli mbalubona Jehova
Bamwi baalumi bachiIsrayeli bakali kuchita chileke-leke banakazi babo. Bala Malaki 2:13, 14, 16, mpawo musandule mubuzyo uutobela:
-
Nkamboonzi Jehova nakuzonda kuchita chileke-leke?
Bumambi akulekana zipa kuti wabisigilwa kuswaanizya abana bakataazikane
Mweebele KAVIDIYO, mpawo musandule mubuzyo uutobela.
-
Kuti kukwetene aamuntu uutakombi Jehova, niinzi nzweelede kuchita kuti mubotelwe mulukwatano lwanu?
7. Belesya malayilile aaJehova aali atala alukwatano
Muntu weelede kubeleka changuzu kuti atobelezye zyeelelo zyaJehova zili atala alukwatano. * Jehova ulabalongezya bantu batobelezya zyeelelo zyakwe. Mweebele KAVIDIYO.
Bala Bahebrayo 13:4, mpawo musandule mibuzyo iitobela:
-
Ubonaanga zilagwasya na zyeelelo zyaJehova zilaatala alukwatano? Nkamboonzi?
Jehova uyanda kuti maKristu bakwetene balembesye michado yabo amapepa aakulekana kweendelana amilawu yamfulumende yakuchisi chabo. Bala Tito 3:1, mpawo musandule mubuzyo uutobela:
-
Kuti kamukwetene, mwakawulembesya na muchado wanu?
UMWI ULAKONZYA KUBUZYA KUTI: “Nkamboonzi nitweelede kuchada? Tazichiti na kuti bantu babili bakkale kabatachadide?”
-
Kujana wasandula biyeni?
CHIFWIINSYO
Kutakwata naakuti kutakwatwa akuchada nzipo zizwa kuli Jehova. Boonse balakonzya kubotelwa akukkutisikana kuti bapona kweendelana akuyanda kwaJehova.
Mibuzyo Yakwiindulula
-
Kujana muntu wachibelesya biyeni chipo chakutakwata naakuti kutakwatwa munzila iilikabotu?
-
Nkamboonzi Bbayibbele nilyaamba kuti tukwatane amuntu ukomba Jehova luzutu?
-
Nkaakali kaambo kamwi kazumizigwa aBbayibbele kakonzya kupa kuti bantu balekane?
YANDUULISISYA
Zyaambaanzi kukwata naakuti kukwatwa “buyo mu Mwami?”
“Mibuzyo Yabasikubala” (Ngaziyakulinda, July 1, 2004)
Yebela mavidiyo aatatu aakonzya kukugwasya kuti usale kabotu mumakani aakuyandana alukwatano.
Bona kuti nkamboonzi umwi mukwesu nalimvwa kuti zintu nzyaakapegwa aaJehova ziyandikana loko kwiinda nzyaakasiya.
Nziizili zimwi zintu nzibeelede kulanga-langa bantu bayanda kulekana naakuti kwaanzana?
“Lemeka ‘Aabo Leza Mbaaswaanganya’” (Ngaziyakulinda, December, 2018)
^ Langa Makani Aakumamanino 4 aali atala akwaanzana nikuba kuti umwi taachita bumambi.
^ Mulizimwi nyika, bazyali mbabo basalila bana babo bantu bakukwatanaabo. Kuti kakuli boobo, bazyali balaaluyando tabayandwiidi bana babo bantu banotede pe pesi babayandwiida bantu bayanda Jehova.
^ Kuti kukwetene aamuntu kamutachadide, zilikulinduwe kuti muchade na naakuti kusala kumusiya.
