КИЧЭЭЛ 42
Библияда өг-бүлелиг болгаш бот чуртталганың дугайында чүнү чугаалаан?
Чамдык чоннар кижиниң аас-кежии өг-бүле тудуп алырындан хамааржыр деп санаар. Ынчалза-даа өг-бүлелиг улусту шуптузун аас-кежиктиг деп болбас, а бот кижини аас-кежик чок деп база болбас. Өг-бүлелиг-даа, өг-бүле чок-даа чурттаары Бургандан белек.
1. Өг-бүле чок бот чуртталганың эки талалары кандыгыл?
Ыдыктыг Бижилгеде: «Уруун ашакка... бербейн турар аданың кылып турары оон-даа эки» — дээн. (Номчуптуңар: 1 Коринфичилерге 7:32, 33, 38.) Өг-бүле тутпас деп шиитпирлээри чүге эки? Бот кижи өг-бүле дээш сагышсырал чок боор, аңаа чаа солун аргалар ажыттынып болур. Чижээ, суртаалдаар дээш, өске чуртче көжүп болур. Оон аңгыда кол-ла чүүл, оларның Иегова-биле найыралын быжыглаар үези хөй.
2. Бадылгалыг өг-бүлениң эки талалары кандыгыл?
Өг-бүле тударынга хамаарыштыр Библияда мынчаар бижээн: «Чаңгыс боорундан эштиг болганы дээре» (Экклесиаст 4:9). Бо сөстер библейжи дүрүмнерге дүүштүр чурттап чоруур өг-бүле улуска хамааржыр. Хоойлу ёзугаар өгленир улус бот-боттарынга хүндүткелдиг, ынакшылдыг, сагыш човангыр болурун аазаар. Бадылгалыг өг-бүлелер бадылга чок улуска бодаарга, хоойлу ёзугаар камгалалдыг. Ындыг өг-бүлелер ажы-төл кижизидеринге эки байдалдыг болур.
3. Өг-бүле тургузуунга Иегованың хамаарылгазы кандыг?
Бурган бир дугаар өг-бүлени тургускаш: «Эр кижи ада-иезин каапкаш, кадайы-биле катчып» алыр дээн (Эге дөс 2:24). Ашак-кадай улус бүгү чуртталгазында бот-боттарынга ынак, найыралы быжыг болурун Иегова күзээр. Чүгле кайы-бирээзи өскерилген таварылгада Иегова чарлыышкынны чөпшээрээн. Ындыг байдалда буруу чок талага чарлыр азы чарылбас деп, шиитпирлээр эргени Бурган берген (Матфей 19:9) a. Иегова чүгле чаңгыс кадайлыг азы ашактыг болурун чөпшээрээн (1 Тимофейге 3:2).
ХАНЫ ШИНЧИЛЕҢЕР
Өг-бүлелиг-даа, бот-даа болзуңарза, Иегованы хомудатпайн, канчаар аас-кежикти чедип алырын билип алыр силер.
4. Бот чуртталгаңарны үнелеңер
Иисус өг-бүле чок бот чуртталгазын үнелеп чораан (Матфей 19:11, 12). Матфей 4:23-тү номчааш, харыылаптыңар:
-
Иисус кижилерге дузалаар база Бурганга бараалгаар кандыг аргаларлыг турган?
Бот акы-угбалар Иисустан үлегер алыр болза, чуртталгазы өөрүшкүлүг болур. ВИДЕОНУ көргеш, айтырыгга харыылаптыңар.
-
Бот акы-угбаларда кандыг кайгамчыктыг аргалар ажыттынып турар?
Билир силер бе?
Кижи каш харлыында өгленирин Библияда айытпаан. Ынчалза-даа далашпайн өгленир болза эки деп сүмелеп турар (1 Коринфичилерге 7:36).
5. Кады чурттаар эжиңерни шилиирде ки чээнгейлиг болуңар
Кады чурттаар эжин шилиири — эң чугула шиитпирлерниң бирээзи. Матфей 19:4—6, 9-ту номчааш, харыылаптыңар:
-
Өгленирде чүге далашпас болза эки?
Кады чурттаар эжин шилип алырынга дузалаар сүмелер Бижилгеде бар. Иеговага ынак кижи-биле өгленири эң чугула b. 1 Коринфичилерге 7:39 биле 2 Коринфичилерге 6:14-тү номчааш, харыылаптыңар:
-
Кады чурттаар эжин чүгле Бурганның бараалгакчыларының аразындан дилээри чүге чугула?
-
Иеговага ынак эвес кижиге өгленип алыр болзуңарза, Ол чүү деп бодаар?
Ийи аңгы амытанга чаңгыс хомут кедирип каарга, олар ийилээ хинчектенир. Христиан кижи Иеговага ынак эвес кижи-биле өгленип алыр болза, хөй бергелерге таваржыр
6. Өг-бүле тургузуунга Иегова ышкаш хамаарылгалыг болуңар
Бурунгу Израильге чамдык эр улус кадайлары-биле херекчок чылдагаан дээш чарлыр турган. Малахия 2:13, 14, 16-ны номчааш, харыылаптыңар:
-
Иегова чугула чылдагаан чокка чарлыышкынга чүге хөңнү чок?
Өскерлиишкин, чарлыышкын буруу чок эжинге болгаш ажы-төлге улуг аарышкыны эккээр
ВИДЕОНУ көргеш, айтырыгга харыылаптыңар.
-
Кады чурттаан эжиңер чүдүлгеңерни сонуургавас болза, өг-бүлеңерниң аас-кежиинге чүнү кылып болур силер?
7. Иегованың дүрүмнери-биле чурттаңар
Чамдык улуска өг-бүлеге хамаарыштыр Иегованың дүрүмнерин сагыыр дээш, улуг өскерлиишкиннер кылыры негеттинер c. Ынчаар кызып чоруур улусту Иегова албан шаңнаар. ВИДЕОНУ көрүңер.
Еврейлерге 13:4-тү номчааш, харыылаптыңар:
-
Иегованың өг-бүлеге хамаарышкан негелделерин сагыыры берге бе?
Христианнар өгленирде азы чарлырда чуртунуң хоойлузун сагыырын Иегова күзеп турар. Титке 3:1-ни номчааш, харыылаптыңар:
-
А силер бадыланчып алган силер бе?
БИР КИЖИ МЫНЧААР АЙТЫРЫП БОЛУР: «Бадылганың херээ чүл? Ол чокка чурттап болгай».
-
Силер чүү деп харыылаар силер?
КОЛ БОДАЛ
Өг-бүлелиг-даа, бот-даа чурттаары — Бургандан йөрээл. Ынчангаш олар Иегованың негелделерин сагып, аас-кежиктиг, эки чурттап болур.
Катаптаашкын
-
Бот чурттаарын кандыг таварылгада Бургандан йөрээл деп болур?
-
Библияда чүгле Иегованың чонундан кижи-биле өгленири чугула деп чүге чугаалаан?
-
Библияда чарлырының кандыг чаңгыс чылдагааны бар?
НЕМЕЛДЕ
«Дээрги-Чаяакчыга бүзүрээр» кижи-биле чүге өгленирил?
«Номчукчуларның айтырыглары» («Таңныыл суургазы» июль 1, 2004 чыл)
Таныжып өгленирде шын шиитпир үндүреринге бо ийи видео силерге дузалаар.
Иегова оон-даа хөй йөрээген деп акывыс чугаалаан.
«Таныжым уруг алыс шынны хүлээп алыр деп идегеп турдум» (1:56)
Ашак, кадай чарлырының азы аңгы чурттаар дээн шиитпириниң мурнунда чүнү кичээнгейге алыры чугула?
«Өг-бүле тургузуун хүндүлеңер» («Таңныыл суургазы» декабрь, 2018 чыл)
a Ашаа азы кадайы өскерилбээн таварылгада аңгы чурттаарынга хамаарыштыр 4 дугаар Немелде материалдан номчуп болур.
b Чамдык культураларда оглунга азы уруунга кады чурттаар кижини ада-иези шилиир. Ындыг байдалда ада-иелер колдуунда бай-шыдалынче эвес, а Иегова-биле хамаарылгазынче кичээнгейни салыры чугула.
c Бадылга чок чурттап турар болзуңарза, чүнү канчаар болза экил? Чарлырын азы бадылажып алырын хууда бодуңар шиитпирлээр силер.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
