Le persone in arquante culture le pensa che sol le sarà felice se le se marida. Ma ancoi vedemo che ghen’è persone che le ze maridade che no le ze felice, e anca vedemo persone che no le se ga maridà che le ze felice. La Bìblia la mostra che maridarse o nò maridarse i ze tuti due presenti de Geovà.

1. Parché che l’è bon che una persona no la se maride?

La Bìblia la dise: ‘Quel che el se marida el fà ben, ma quel che no’l se marida el fà meio.’ (Ledi 1 Corinti 7:32, 33, 38.) Parché che una persona che no la se marida la fà meio? Parché ela no la ga de preocuparse con quel che la so dona o so omo el ga de bisogno. Alora, quei che no i ze maridadi i pol far arquante robe de pi. Par esémpio, lori i pol far de pi nel laoro a Geovà, ndar de star nte un posto che ghen’è bisogno de aiuto nela predicassion e gaver de pi tempo par far pi forte la so amicìssia con Geovà.

2. Parché che l’è bon che un omo e una dona i se maride de acordo cola lege?

Anca la persona che la se marida la fà una bela roba. La Bìblia la dise che l’è meio due che un. (Eclesiasti 4:9) E due servi de Geovà che i mete in pràtica i prinsipi dela Bìblia i se sente pròpio cossita. Quando lori i se ga maridà de acordo cola lege, lori i ga prometesto un al altro che i ndaria sempre mostrarse amor, rispeto e bontà. Cossita, lori i ze boni de slevar meio i so fioi e i se sente pi tranquili e pi sicuri che due persone che sol le vive insieme.

3. Come che Geovà el vede el matrimònio?

Quando Geovà el ga maridà el primo omo e la prima dona, lu el ga dito: ‘El omo el assarà so pare e so mare, e el se unirà ala so sposa.’ (Génesi 2:24) Geovà el vol che el omo e la dona i ame un al altro e i viva insieme par tuta la so vita. Geovà sol el assa che un omo e una dona i se divorsie quando un de lori el fà adultèrio. Anca cossita, Geovà el assa che la persona che no la ga fato el adultèrio la dessida se la vol pròpio el divòrsio. a (Mateo 19:9) Geovà anca el dise che una persona la pol gaver sol un omo o una dona. — 1 Timòteo 3:2.

 IMPARA DE PI!

5. Scoli ben la persona che te ndarè maridarte

Scòlier la persona che te ndarè maridarte l’è una dele dessision pi importante dela to vita. Ledé Mateo 19:4-6, 9, e dopo, parlé sora questo:

• Parché che un servo de Geovà no’l ga de maridarse sensa pensar ben prima?

Se te vol maridarte, la Bìblia la pol giutarte a capir che qualità saria bon che una dona un omo el gavesse. Ma ricòrdate che questa persona la ga de amar a Geovà. b Ledé 1 Corinti 7:39 e 2 Corinti 6:14. Dopo, parlé sora questo:

• Parché che gavarìssino de maridarse sol con quei che i serve a Geovà?

• Come che te pensi che Geovà el ndaria sentirse se noantri se maridéssino con una persona che no lo ama?

 6. Vedi el matrimònio come Geovà el vede

Nel passà, arquanti òmini i se divorsiea dele so done parché i pensea sol in lori stessi. Ledé Malachia 2:13, 14, 16, e dopo, parlé sora questo:

• Parché che Geovà el òdia el divòrsio che no l’è de acordo cola Bìblia?

Vardé el VÌDEO, e dopo, parlé sora questo:

• Cossa che te pol far par gaver un matrimònio felice se te sì maridà con una persona che no la serve a Geovà?

7. Meti in pràtica i consili de Geovà sora el matrimònio

 COSSA CHE TE GHÈ IMPARÀ?

La Bìblia la mostra che maridarse o nò maridarse i ze tuti due presenti de Dio. Quei che i se marida e quei che no i se marida i pol esser felici se i fà la volontà de Geovà.

Sito bon de ricordarte?

• Come una persona che no la se marida la pol doperar ben la so vita?

• Parché che la Bìblia la dise par maridarse sol con una persona che la serve a Geovà?

• Che motivo la Bìblia la dà par el divòrsio?