NʼOCHUFWENYAJ 42
Mʼak toj Biblia yome toj nʼoelh lechʼefwa ihihitʼa wet toj nʼoelh lechʼefwa ihi
Iche lhipey iyhaj, toj wichi toj yen tichunhayaja toj hopkhilak lekajyaj ihi is che tawhayey. Mat tsʼilakhitʼa iyhaj toj lechʼefwas ihi toj lekajyaj ihi wok iyhaj toj lechʼefwas ihihitʼa lekajyaj ihihitʼa. Mʼak toj matche hope toj Biblia yome toj iyhaj toj lechʼefwas ihihitʼa wok toj lechʼefwas ihi hope Heowa lewʼayhat.
1. ¿Atsi mʼak toj iwoyek ikalhi toj iwoye elh toj lechʼefwa ihihitʼa?
Biblia yome toj elh «chik tawhayey, is tʼat mʼak tä iwoye. Wet elh chik nitʼuyahläk tawhayey, lhäyʼe lhip tä is» (yahyen 1 Corintios 7:32, 33, 38). ¿Atsi mʼak toj fwetaj yome toj «lhäyʼe lhip tä is» toj iwohiyela nʼoelh toj tawhayeyhitʼa? Cristianos toj lechʼefwas ihihitʼa iwoyek iwoye mʼayhay toj iyhaj toj lechʼefwas ihi iwohiyetʼak iwoye. Iche iyhaj toj athahitʼa toj iwoye mʼayhay toj ihumin hopkhilak tachumhoplhi Heowa, malhyej toja, tʼaye lhip elh hopkhilak iwo silota nʼosilotyajay toj isis. Wet mʼak toj lhayʼe lhip toj hiwʼen iyhaj toj lechʼefwas ihihitʼa hope wujpe lewhay hopkhilak ise Heowa.
2. ¿Atsi mʼak toj iwoyek ikalhi toj iwoye iyhaj toj tawhayeyhen malhyej toj ley yome?
Malhyej iwoye nʼoelh toj lechʼefwa ihihitʼa, iyhaj toj lechʼefwas ihi hate iwoyek ikalhi mʼayhay. Biblia yok: «Matche, nitäkw [wok «takwfwas», NWT] häp tä is» (Eclesiastés 4:9). Tajtso hope mʼak toj iyej iyhaj toj tawhayeyhen toj ihanlhi mʼayhay toj matchehen toj ihi Biblia. Hop wichi toj tawhayeyhen malhyej toj ley yome inʼalit lhamejen toj ihuminhila elh, toj yenhitʼa wʼet mʼayeka wet tʼuhiyela lechʼefwa. Hop toj tamenej toj lhamyaj tʼat toj ilat lhamehen toj letamsekis ihi hatehitʼa iwoye iyhaj toj tajlhamet toj iyej elh. Hate che leles ihi hiwʼenhohla letamsek wet lhip toj tʼuhawetej toj ihi toj lhaichiyhelthen.
3. ¿Chi malhyej (Ep hote) Heowa letichunhayaj toj itiyej matrimonio?
Lewhay toj Heowa yachaje pʼante hinʼu atsinha, yok: «Häp tä tamenej tä hinʼo yikchʼoye lajcha lhäyʼe lako wet lhaipʼajtej lechʼefwa» (Génesis 2:24). Heowa tataye che hinʼu wet atsinha toj tawhayeyhen inʼalit lhamejen lehumnhayaj wet lhaipʼajtitwek toj kamaj ilayhen. Wet tajlhamet iwoyek yenlhi divorcio che iche elh lhamel toj iwo lakainʼoyaja. Toj malhyejtso, Dios inuhitʼahla che hinʼu wok atsinha toj letes ihihitʼa tatshupiye toj yenlhi divorcio (Mateo 19:9). a Heowa ihuminhitʼa che cristianos wujpe lechʼefwas (1 Timoteo 3:2).
NATʼAYHETTSHI TOJ NALECHUFWENEJ
Tetshan mʼak toj am iwoyek lekalhi toj lewoye che hachʼefwa ihi wok kha hopkhilak akajyaj ihi wok lekajyenlhi Heowa.
4. Am is toj lechumyenlhi nʼowʼayhat toj hachʼefwa ihihitʼa
Jesús ihanej pʼante, toj nʼoelh toj lechʼefwa ihihitʼa, hope nʼowʼayhat (Mateo 19:11, 12). Yahyen Mateo 4:23 wet ame mʼayhayna:
-
Toj Jesús lechʼefwa ihihitʼa pʼante, ¿chi malhyej (ep hote) toj yam is lewhay toj tachumhoplhi Heowa wet toj tachʼote wichi iyhaj?
Hop cristianos toj lechʼefwas ihihitʼa iwoyek lekajyaj ihiche, che iten Jesús. Yahin VIDEO wet ame mʼayhayna:
-
¿Atsi mʼayhay toj isis toj ikalhi toj iwoye iyhaj toj lechʼefwas ihihitʼa?
Tetshan lhipna
Biblia yomhiyetʼa atsi nekchom toj nʼoelh is che tawhayey. Mat, ifwel namhohen toj is che tafwaytshi «toj nʼoelh mamse wok lhutsha», nekchomistso nʼoelh iwohiyetʼak tatshupiye mʼak toj is hop toj lenechʼethayajay matche toj takhajay (1 Corintios 7:36, NWT).
5. Am is toj letshupiye elh toj lhenla hachʼefwa
Toj letshupiye elh toj lhenla hachʼefwaya hope mʼak toj matche toj laha ihi toj is che letshupiye toj lewohiyela. Yahyen Mateo 19:4-6, 9 wet ame mʼayhayna:
-
¿Atsi mʼak toj tamenej toj cristiano, is che itichunejlhi mʼayhay toj kamaj tawhayeyhitʼa?
Biblia tachʼotla ame toj lehanej nʼokey toj is che inʼalit hinʼu wok atsinha toj lhehiyeja. Mat, is che letʼukwe elh toj ihumin Heowa. b Yahyen 1 Corintios 7:39 wet 2 Corintios 6:14. Che paj ame mʼayhayna:
-
Che iche cristiano toj matche toj tʼuhlak tawhayey, ¿atsi mʼak toj tamenej toj is che tʼukwe elh toj tʼekhaye mʼak toj lham tʼekhaye?
-
Che lheyej elh toj ihuminhitʼa Heowa, ¿atsi mʼak toj Heowa yen tichunhayaja?
Che lepʼajtej wʼasetaj asno hopkhilak iton mʼak, wawʼulhitʼancha lakhajyhayaj, dos lhamel toj lewʼitay ihi. Malhyejattso, cristiano toj tʼuhlak iyej elh toj ihuminhitʼa Heowa wuj toj lewʼitay ihihla.
6. Is che atichunhayaj malhyej iwoye Heowa letichunhayaj toj itiyej matrimonio
Toj ihi pʼante Israel, iche hinʼul toj iwom pʼante lechʼefwas wet hiwʼenho divorcio hop toj tajlhamet toj itetshan mʼak toj ihumin che iwoye. Yahyen Malaquías 2:13, 14, 16 wet ame mʼayhayna:
-
¿Atsi mʼak toj tamenej toj Heowa nʼayiho toj nʼoelh yenlhi divorcio tej toj iwohitʼa kainʼoyaja?
Nʼokainʼoyaj wet divorcio wuj toj iwitʼayen hinʼu wok atsinha toj lechʼefwa iwo lakainʼoyaja wet leles.
Yahin VIDEO wet ame mʼayhayna:
-
Che am letawhayey pʼante toj lheyej elh toj ihuminhitʼa Heowa, ¿atsi mʼak toj iwoyek lewoye hopkhilak ais lhamehen?
7. Chʼahuye Heowa laka leyes toj yiwite matrimonio
Iche iyhaj toj wuj toj athaho toj ihanlhi Heowa laka leyes toj itiyej matrimonio. c Mat lham ikopfwaye iyhaj toj lhaikhajyenej toj iwoye tajtso. Yahin VIDEO.
Yahyen Hebreos 13:4 wet ame mʼayhayna:
-
¿Ha lefwetaj toj iwoyek nʼohanlhi Heowa laka leyes toj yiwite matrimonio? ¿Atsi mʼak toj tamenej toj malhyejtso atichunhayaj?
Heowa tataye che cristiano ihoye registro civil che tʼuhlak tawhayey wok yenlhi divorcio, tajtso hope ley toj niyatey tʼuhlak nʼowoye toj iʼpe honhatna. Yahyen Tito 3:1 wet ame mʼayhayna:
-
Che am letawhayey pʼante, ¿ha iwoyek lhome toj am wet hachʼefwa eyis iyej registro wet niyatey ihanej toj amel letawhayeyhen pʼante?
MʼAK TOJ IYHAJ YʼATSHANE: «¿Atsi mʼak toj tamenej toj is che otawhayey? ¿Ha is che owʼen papel toj ikalelhat toj otawhayey?».
-
¿Atsi mʼak toj lechulhihola?
MʼAYHAY TOJ LETETSHANNE
Iyhaj toj lechʼefwas ihi wet iyhaj toj lechʼefwas ihihitʼa hope Heowa lewʼayhat. Lhamel iwoyek yen kajyaja toj tachumhoplhi Heowa che iwoye mʼak toj Dios ihuminche.
Mʼayhay toj nalechufwenejne
-
¿Atsi mʼayhay toj isen toj ikalhi toj iwoye iyhaj toj lechʼefwas ihihitʼa?
-
¿Atsi mʼak toj tamenej toj Biblia yome toj cristianos is che tajlhamet iyej elh toj tʼekhaye mʼak toj lham tʼekhaye?
-
Malhyej toj Biblia yome, ¿atsi tefwajni mʼak toj tʼuhawetej hopkhilak wichi toj tawhayeyhen pʼante yenlhi divorcio?
IWOYEK LEWʼEN IYHAJ MʼAYHAY:
¿Atsi mʼak toj hope toj che nʼoelh tʼuhlak tawhayey is che iyej «elh tä tʼekhaye Lhawuk»?
«Mʼayhay toj wichi tayʼatshan lhamehen» (La Atalaya, 1 toj julio toj 2004)
Tafwelej tres historias toj yome wichi toj iwo ka isa wet iyhaj toj tawhayeyhen iwoyek tachʼot ame toj letshupiye mʼak toj isis.
Mʼak toj iwoye nʼoelh toj lhaiwaklhat hopkhilak tawhayey (17:05)
Tetshan mʼak toj ikalelhat lhamho ipunfwa toj Heowa hiwʼenho mʼak toj lhayʼe lhip toj laha ihi inuʼpe mʼak toj iwoye pʼante.
Otʼekhayehte toj ifwala che hope lham lhaichufwenhiyeja mʼak toj matche (1:56)
¿Atsi mʼak toj is che ihanej ihi cristiano che kamaj yenhitʼa tichunhayaja toj yenhilhila divorcio wok iwom lechʼefwa?
«Nawujyen mʼak toj Dios hipʼajtitwek» (La Atalaya, diciembre toj 2018)
a Toj ihi nʼosilot 4 lewʼenla mʼak toj yiwite toj wichi lhaiwomwetha (lewhay toj ihichetʼa nʼokainʼoyaj).
b Iche lhipey iyhaj, toj nʼojchalis wok nʼokolis tatshupiye atsi elh toj ihiyeja lhos wok lhase. Toj malhyejtso, nʼojcha wok nʼoko toj is, toj ichun itetshan che lham ihumin Heowa. Lhamel itichunejlhi toj matche toj laha ihi tajtso, inuʼpe toj nʼoelh hiwʼen chinaj tʼoj.
c Che lheyej nʼoelh toj letawhayeyhitʼa malhyej toj ley yome, am iwoyek letshupiye che letawhayey wok lewom.
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
