დუდ 42
მუს იჩიებ ბიბლია დაუქორწინებლობა დო დაქორწინებაშ გურშენ?
ნამთინე კულტურას ადამიანეფს ჯერა, ნამდა პიროვნება ბედნერ ვეჸუაფ, ონდო ვედეოჯახებუნ. მარა, არძა დაქორწინებულ ვა რე ბედნერ დო ვართ არძა დაუქორწინებელ — უბედურ. სინამდვილეს, ბიბლია მუჭოთ დაუქორწინებლობაშე, თეშ დაქორწინებაშე ხოლო იჩიებ, ნამდა ძღვინ რე იეჰოვაშე.
1. მუ რე თი ნამთინე ჯგირობუა, მუთ დაუქორწინებლობას მოჸუნს?
ბიბლია იჩიებ: „მით იქორწინებ, ჯგირო იქციებ, მარა მით დაუქორწინებელო სქიდუ — უჯგუშო“ (წეკითხით 1 კორინთელეფიშ 7:32, 33, 38). მუ გაგებათ იქციებ დაუქორწინებელ პიროვნება „უჯგუშო“? თის ვაფჷ ოზრუნებელ მუშ მეუღლეშ საჭიროებეფშო, ათეშენ შედარებით მეტ თავისუფლება უღჷ. მაგალთო, შეულებ უმოს მეტ გაკეთას იეჰოვაშო დო მსახურებაშ თიცალ საინტერესო სფეროეფს მიღას მონაწილება, მუნერით რე ოქადაგეფშა შხვა ტერიტორიაშა გინულა. მუთ არძაშე მნიშვნელოვან რე, თის შეულებ უმოს დრო დუთმას იეჰოვაწკუმა დაახლოებას.
2. მუ რე თი ნამთინე ჯგირობუა, მუთ კანონიერო ქორწინებას მოჸუნს?
მუჭოთ დაუქორწინებლობას, თეშ დაქორწინებას ხოლო ჯგირობუა მოუღ. ბიბლია იჩიებ, ნამდა „ჟირიშ ართო რინა უჯგჷ ხვალე რინას“ (ეკლესიასტე 4:9). თენა განსაკუთრებულო თი ქრისტიანეფს ოხუ, მით ბიბლიურ პრინციპეფს ირინუანა. წყვილ, ნამუთ კანონიერო იქორწინებ, პირობას დვანს, ნამდა ირიათო აღვენუნა ართიანიშ ჸოროფა, პატიცემა დო იზრუნენა ართიანიშ საჭიროებეფშო. შედეგო, თინეფ დუდის უმოს მშვიდას გინაფლენა, ვინემ თი წყვილეფ, მით ქორწინებაშ უმშო ცხოვრენა ართო. თეს გეძინელ, სქუალეფ ხოლო დუდის უმოს უსაფრთხოთ ქიგინანა.
3. მუჭო უჯინე იეჰოვა ქორწინებას?
მუჟამსით იეჰოვაქ პირველ წყვილ დაქორწინ, თიქ თქუ: „მიოტენს კოჩ მუმას დო დიდას, ქიმკაჭაბუ ოსურს დო ართ ხორც იჸუაფნა“ (დაბადება 2:24). იეჰოვას ოკო, ქომონჯ დო ოსურს სიცოცხლეშ ბოლოშახ უჸორდან ართიან დო ართო რდან. თინა ხვალე ღალატიშ დროს ირზენს განქორწინებაშ უფლებას. თეცალ შემთხვევას, იეჰოვა უდანაშაულო მეუღლეს არზენს საშვალებას, მუშით გინოჭყვიდას, ჩეთხიებ დო ვარ მეუღლეს a (მათე 19:9). იეჰოვა ვეწონუანს, ნამდა ქრისტიანს ართშე მეტ ოსურ ჸუნდას (1 ტიმოთე 3:2).
ქიგეგით უმოს
ქიგეგით, მუჭო შეილებნა რდათ ბედნერეფ დო გურ გაუხარათ იეჰოვას, მუჭოთ დაუქორწინებლობათ, თეშ დაქორწინებაშ დროს.
4. ჯგირო გეგმირინეთ დაუქორწინებლობაშ ძღვინ
იესოს დაუქორწინებლობა ძღვინო მიორჩქუდ (მათე 19:11, 12). წეკითხით მათეშ 4:23 დო უკულ გარჩით თუდო მოჩამილ კითხვა:
-
მუჭო გიმირინუ იესოქ დაუქორწინებლობაშ ძღვინ იეჰოვაშ მსახურებაშო დო შხვეფშა მახვარებელო?
ქრისტიანეფს ხოლო შეულებნა, მიღან ხიოლ დაუქორწინებლობაშ ძღვინიშ ცხოვრებას გიმორნაფათ. ქოძირით ვიდეო დო უკულ გარჩით თუდო მოჩამილ კითხვა:
-
მუჭო შეულებნა ქრისტიანეფს გონივრულო გეგმირინუან დაუქორწინებლობა?
ქოიჩქუდესო?
ბიბლია ვეჩიებ კონკრეტულ ასაკის დაქორწინებაშო. მარა თინა ელამჩანა, ნამდა პიროვნებაქ ოკო ქიმიცადას, ონდო „ახალგაზრდულ ვნებეფ“ ვეგნულუანს, მუშენდა თე დროს სექსუალურ სურვილეფქ შილებე ეცილას გონივრულ გადაწყვეტილებაშ მეღებას (1 კორინთელები 7:36).
5. გონივრულო გეგშეგორით მეუღლე
მომავალ მეუღლეშ გიშაგორუა ართ-ართ არძაშ უმოს მნიშვნელოვან გადაწყვეტილება რე. წეკითხით მათეშ 19:4—6, 9 დო უკულ გარჩით თუდო მოჩამილ კითხვა:
-
მუშენ ოკო ვეჩქარას ქრისტიანქ დაქორწინება?
ბიბლიას შეულებ, ქიმგეხვარან თიშ გაგებას, მუ თვისებეფ ოკო უღდას ჯგირ მეუღლეს. მუთ არძაშ უმოს მნიშვნელოვან რე, თიცალ მეუღლე დოგორით, მიდგას უჸორს იეჰოვა. b წეკითხით 1 კორინთელეფიშ 7:39 დო 2 კორინთელეფიშ 6:14. უკულ გარჩით თუდო მოჩამილ კითხვეფ:
-
მუშენ ოკო დეფქორწინათ თანაქრისტიანშა?
-
თქვან აზრით, მუჭო იგინანს იეჰოვა დუდის, მუჟამსით თიცალ პიროვნებაშა გეგნობჭყვიდუნთ დაქორწინებას, მიდგას თინა ვა უჸორს?
ჟირ შხვადოშხვა ცხოველს ართ უღუ ქიგედგანინ, ჟირხოლო გეწვალებ. თეშნერო, ქრისტიანს, ნამუთ იეჰოვაშ მოწმეშა ვექორწინებ, ბრელ პრობლემა აღვენუ
6. თეშ უჯინით ქორწინებას, მუჭოთ იეჰოვა უჯინე
ისრაელს ნამთინე კოჩ ოსურს ეგოისტურ მიზეზეფიშ გურშენ ითხინუანდჷ. წეკითხით მალაქიაშ 2:13, 14, 16 დო უკულ გარჩით თუდო მოჩამილ კითხვა:
-
მუშენ ჯოგჷ იეჰოვას თიცალ განქორწინება, ნამდგას ბიბლიურ საფუძველ ვა უღჷ?
გურგოტახილ ოსურ ეკაჯინე მუშ ქომონჯის, ნამუთ ჸუდეშე მეურს. შეწუხებულ ბაღანა ოხუტოლ მუშ დიდას.
ქოძირით ვიდეო დო უკულ გარჩით თუდო მოჩამილ კითხვა.
-
იეჰოვაშ მოწმე ვა რენ ფერ მეუღლე ქორჸუნან-და, მუშ კეთება შეილებნა, ნამდა ბედნერ ქორწინება გიღდან?
7. გეგმირინეთ ქორწინებაწკუმა დაკავშირებულ იეჰოვაშ ნორმეფ
პიროვნებას შილებე დიდ მონდომაქ დესაჭირას, ნამდა მიაჸუნას ქორწინებაწკუმა დაკავშირებულ იეჰოვაშ ნორმეფს. c მარა იეჰოვა კურთხევეფს ზუსტას თინეფს არზენს, მით თაშ იქციებ. ქოძირით ვიდეო.
წეკითხით ებრაელეფიშ 13:4 დო უკულ გარჩით თუდო მოჩამილ კითხვა:
-
მუჭო ფიქრენთ, ქორენო გონივრულ ქორწინებაწკუმა დაკავშირებულ იეჰოვაშ ნორმეფ დო მუშენ ფიქრენთ თაშ?
იეჰოვა ქრისტიანეფშე ელჷ, მუნეფიშ ქორწინება ვარდა განქორწინება კანონიერო დარეგისტრირან, მუჭოთ თეს უმენტაშ ქიანეფიშ მთავრობა ითხინს. წეკითხით ტიტეშ 3:1 დო უკულ გარჩით თუდო მოჩამილ კითხვა:
-
დაქორწინებულ ქორეთ-და, ქორენო თქვან ქორწინება კანონიერო რეგისტრირებულ?
ნამთინექ შილებე იკითხას: „მუ აუცილებერ რე ქორწინებაშ კანონიერო დარეგისტრირება?“
-
თქვა მუჭო უპასუხენდით?
დასკვნა
დაუქორწინებლობა დო ქორწინება ძღვინ რე იეჰოვაშე. ჟირხოლოს შეულებ ხიოლიშ დო კმაყოფილებაშ გრძნობაშ მოღალა, მუჟამსით პიროვნება იეჰოვაშ ნებაშ თანახმას ცხოვრენს.
გამეორებელ კითხვეფ
-
მუჭო შეულებ პიროვნებას, ჯგირო გეგმირინუას დაუქორწინებლობა?
-
მუშენ იჩიებ ბიბლია, ნამდა ხვალე თანაქრისტიანშა დეფქორწინათ?
-
განქორწინებაშ ნამ ბიბლიურ მიზეზ არსებენს?
დამატებით მასალა
მუს ნიშნენს დაქორწინება „უფალს“?
„კითხვა დო პასუხი“ („გინაჯინალ კოშკი“ 1 კვირკვე, 2004 წ.)
ქუჯინით ჟირ ჭიჭე ვიდეოს, ნამუთ პაემან დო ქორწინებაწკუმა დაკავშირებით სწორ გადაწყვეტილებეფიშ მეღებას მიგეხვარებნა.
ქიგეგით, მუშენ მიორჩქ ართ ჯიმას, ნამდა იეჰოვაშე მეღებულ კურთხევეფ ბრელით უმოს რდჷ, ვინემ მსხვერპლ.
მუშა ოკო დეფიქრას პიროვნებაქ, ონდო განქორწინებას ვარდა ცალკე ცხოვრებას გინოჭყვიდუნს?
„დაფასით ქორწინებაშ ძღვინ“ („გინაჯინალ კოშკი“ დეკემბერი, 2018 წ.)
b ნამთინე კულტურას მშობლეფ ეშაგორნა, მიშა დექორწინებნა მუნეფიშ სქუალეფ. თე დროს, მოჸოროფე მშობლეფშო უმოს მნიშვნელოვან პიროვნებაშ სოციალურ მდგომარეობა ვარდა ფარა ვარინ, თინა ოკო რდას ქოჸუორს დო ვარ თის იეჰოვა.
c კანონიერო დაქორწინებულ ვა რეთინ ფერ პიროვნებაწკუმა ქოცხოვრენთ-და, თქვან გინაჭყვიდირალ რე, მიოტენთ თის დოვარ დექორწინებუთ თიშა.
შილებე თექ ხოლო მიგეწონან
ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ
მუჭო იტარებ ბიბლიაშ გურაფა იეჰოვაშ მოწმეეფწკუმა ართო?
იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.
