Nuu lugar, riníʼ ique binni caquiiñeʼ guichaganáʼ para chuʼ nayecheʼ. Peru nuu binni neca maʼ bichaganáʼ cadi nabani nayecheʼ, ne nuu stale solteru nabé nayecheʼ nabánicaʼ. Ni naquiiñeʼ gánnanu nga rusiidiʼ Biblia ti regalu stiʼ Dios nga guendaxheelaʼ ne laaca ti regalu stibe nga gaca binni solteru.

1. ¿Xiñee galán nga ora solteru binni?

Biblia ná: «Jneza cayuni ni guichaganáʼ, peru ni qué guichaganáʼ la? jmaruʼ si jneza cayuni» (biindaʼ 1 Corintios 7:​32, 33, 38). ¿Xiñee «jmaruʼ si jneza cayuni» ni qué guichaganáʼ yaʼ? Purtiʼ ca xpinni Cristu ni caʼruʼ guichaganáʼ la? qué riuucabe xizaa pur gudiicabe ni caquiiñeʼ xheelacabe. Nga runi nápacabe tiempu para gúnicabe xcaadxi cosa. Nuu tu laa ricá ique guni jma lu xhiiñaʼ Jehová, casi cheʼ sti lugar para chiguni predicar ca noticia galán. Ne laaca jma napa ca solteru tiempu para chuʼcaʼ jma gaxha de Jehová.

2. ¿Xiñee galán guichaganáʼ binni casi ná ley?

Galán nga gaca ti binni solteru, peru laaca galán nga guichaganáʼ. Biblia ná: «Jma galán ora nuu chupa binni que tobi si» (Eclesiastés 4:9). Ne zacá ni ora rinanda ca ni maʼ bichaganáʼ ca conseju zeeda lu Biblia. Ca ni richaganáʼ casi ná ley rudii stiidxacaʼ gannaxhiisaacaʼ, guni respetársaacaʼ ne gapasaacaʼ laacaʼ né stale cariñu. Nga runi, jma galán ribánicaʼ ne jma galán rusiniisicaʼ xiiñicaʼ que ca binni ni nabeza si ne caʼruʼ guichaganacaʼ.

3. ¿Xi riníʼ ique Jehová de guendaxheelaʼ?

Dxi bicheelaʼ Jehová primé hombre ne primé gunaa que, guníʼ: «Zusaana hombre bixhoze ne jñaa ne ziaanané xheelaʼ» (Génesis 2:​24). Racalaʼdxiʼ Jehová gannaxhiisaa ti hombre ne ti gunaa ni maʼ bichaganáʼ ne qué chuʼ dxi guixélecaʼ. Zanda gaca divorciar ti guendaxheelaʼ ora tobi de laacabe gapa jnadxii. Ora guizaaca ndiʼ la? rudii Dios lugar binni ni bicheené xheelaʼ laa guni decidir pa zaca divorciar (Mateo 19:9). a Ne laaca qué racalaʼdxiʼ Jehová gapa ca xpinni stale xheelacaʼ (1 Timoteo 3:2).

 GUIZÍʼDIRUNU JMA

5. Gulí chaahuiʼ tu guichaganaluʼ

Tobi de ca decisión ni jma risaca lu xquendanabani binni nga cuí tu guichaganáʼ. Laguundaʼ Mateo 19:​4-6, 9 ne laiquiiñeʼ pregunta riʼ para güitu diidxaʼ:

• ¿Xiñee caquiiñeʼ guiníʼ ique chaʼhuiʼ ti xpinni Cristu ante guichaganáʼ?

Lu Biblia zeeda xi cualidad naquiiñeʼ gapa ti hombre o ti gunaa ni racalaʼdxiʼ guichaganáʼ. Peru ni jma risaca nga gannaxhiibe Jehová. b Laguundaʼ 1 Corintios 7:​39 ne 2 Corintios 6:​14. Despué laiquiiñeʼ ca pregunta riʼ para güitu diidxaʼ:

• Pa racalaʼdxiʼ ti xpinni Cristu guichaganáʼ, ¿xiñee naquiiñeʼ cuibe tuuxa ni naca xpinni Cristu?

• Pa guichaganabe tuuxa ni cadi nadxii Jehová, ¿ximodo rábiluʼ zuni sentir Jehová?

 6. Biiyaʼ guendaxheelaʼ casi ruuyaʼ Jehová ni

Dxiqué ndaaniʼ guidxi Israel, guyuu tu guca divorciar de xheelaʼ pur intiica cosa. Laguundaʼ Malaquías 2:​13, 14, 16 ne laiquiiñeʼ pregunta riʼ para güitu diidxaʼ:

• ¿Xiñee nanalaʼdxiʼ Jehová gaca divorciar tuuxa pur ti razón ni cadi zeeda lu Biblia?

Laguuyaʼ VIDEU riʼ ne laiquiiñeʼ pregunta riʼ para güitu diidxaʼ:

• Pa cadi nadxii xheelaluʼ Jehová, ¿xi zanda gúniluʼ para chuʼ xquendaxheelatu galán?

7. Yenanda ca ley ni maʼ gudixhe Jehová para guendaxheelaʼ

 XI BIZÍʼDINU

Ti regalu stiʼ Jehová nga guendaxheelaʼ ne ora nuu binni solteru. Zanda guibáninu nayecheʼ pa gúninu ca cosa ca modo riuulaʼdxiʼ Dios, gastiʼ naca pa nuunu solteru o pa maʼ bichagananu.

Xi biziidiluʼ

• ¿Xi guiráʼ zanda guni tuuxa para guni aprovechar tiempu stiʼ laga solteru laa?

• ¿Xiñee ná Biblia naquiiñeʼ cuí tuuxa laaca ti xpinni Cristu para guichaganáʼ?

• ¿Xi razón rudii Biblia para gaca divorciar binni?