LESIONY 42
¿Xí ná la Biblia de buñ ni diti noʼ tzeʼel, né xí náni de galtzeʼel?
Noʼ tipnés lagary ro buñ rony pensary que par labúu guibany buñ nakit non gony buñ galtzeʼel. Per diti guirá galtzeʼel noʼ nakit nili guirá buñ ni yása gony galtzeʼel diti noʼ nakit. La Biblia rasetlaa que tanli buñ ni diti noʼ tzeʼel né ni ma noʼ tzeʼel nacni toib galrrascad.
1. ¿Xí galnasác nap toib buñ ni diti noʼ tzeʼel?
La Biblia ná: «Galán rony ni ma buny galtzeʼel, per ni diti rony galtzeʼel más galán ronybu» (bíil 1 Corintios 7:32, 33, 38). ¿Xí radudy diitz órni náni que toib buñ «sony láani más galán» pal diti ronyibu galtzeʼel? Guirá cristianos ni diti noʼ tzoʼ tzeʼel diti rioʼyibu galrrasaʼ por tzeʼelyibu. Por ngú napyibu más tiemp. Tipnés diti rasac naganyibu gonyibu xchiin Jehová, por ejemplo, tzeeyibu stoib lagary ro guiniʼyibu xtiitz Dios a stipnés buñ. Né ni nacni la, napyibu más tiemp par labúu guidzakyibu Jehová más sacró.
2. ¿Xí galnasác racaʼ buñ ni rony galtzeʼel?
Xomodca buñ ni yása tzoʼ tzeʼel, láaca buñ ni ma noʼ tzeʼel racaʼ galnasác. La Biblia ná: «Más galán ngú chop buñ que toib» (Eclesiastés 4:9). Galnasác reʼ racaʼ guirá galtzeʼel ni rasob consej ni sieed ló la Biblia. Buñ ni ma buny galtzeʼel radudyibu xtiitzyibu gandxiʼyibu saʼyibu, gapyibu respet né gonladxyibu saʼyibu. Por ngú diti tampa rioʼyibu galrrasaʼ xomod buñ ni rabesné saʼ scásiʼ. Láaca galtzeʼel racnéni layibu guisniʼsyibu xiinyibu sacró.
3. ¿Xí rony pensary Jehová de galtzeʼel?
Órni Jehová goloʼ primer galtzeʼel, goni’bu: «Buñguieeu guisian bixios né xinaʼ» né «sacbu toibsi né tzeelbu» (Génesis 2:24). Jehová raniiny que tanli buñguieeu né buñgonaʼ gonladxyibu saʼyibu né guibanyibu toibsi. Né radudybu permís que buñ labúu guichíl xcaltzeel órni toibticayibu rioné stoib buñ. Órcu Dios rasian ladxña buñguieeu o buñgonaʼ ni diti nap dool pal guichílbu xcaltzeelbu o yaca (Mateo 19:9). a Jehová nosi racacuent que guirá cristianos nosi gonyibu galtzeʼel né toibsi buñ (1 Timoteo 3:2).
NANOY GUISUIDYNO LÁANI
Ganno xi labúu gonylo, pal naclo buñ ni diti noʼ tzeʼel o ma noʼ tzeʼelo, par labúu guibanylo nakit né par labúu coʼ nakitlo xcalnabany Jehová.
4. Biquiintzay galrrascad ni noʼlo toiblo
Ni goyoʼ Jesús toib, gocni toib galrrascad (Mateo 19:11, 12). Colgoʼol Mateo 4:23 né colgooy xtiitzni:
-
¿Ximod biquiintzay Jesús galrrascad ni goyoʼbu toibbu par bunybu xchiin Bixiosbu né gocnébu stipnés?
Guirá cristianos ni diti noʼ tzeʼel labúu tzoʼyibu nakit pal raquintzayibu galrrascad ni noʼyibu toibyibu, mod buny Jesús láani. Colguibí VIDEO reʼ né colgooy xtiitzni:
-
Cristianos ni diti noʼ tzeʼel, ¿ximod labúu guiquintzayibu galrrascad ni noʼyibu toibyibu?
¿Nanlo láani la?
La Biblia diti rasetlaapani balac íz gap toib buñ par gony galtzeʼel. Per raibyni lóono cuésno órni ma godudy «guie’ galmbioxhlas», ló tiemp reʼ órni buñ nap gan gatné stoib buñ né ndeʼ labúu gony que diti labúu gonybu láani xinésni (1 Corintios 7:36).
5. Golútzay ni gac tzeʼelo
Nigolú rasac guiyopylo chú láabu non gac tzeʼelo. Colgoʼol Mateo 19:4-6, 9 né colgooy xtiitzni:
-
¿Xigony toib cristiano non gonybu pensary antes de gonybu galtzeʼel?
La Biblia sacné looy par ganlo xi cualidad non gap buñguieeu o buñgonaʼ. Ni máspa la, biyopy toib ni nadxiʼ a Jehová. b Colgoʼol 1 Corintios 7:39 né 2 Corintios 6:14. De ngú colgooy xtiitzni:
-
Pal toib cristiano ma goloʼ guic gony galtzeʼel, ¿xigony non guiyopybu toib buñ ni nac de xireligionbu?
-
Pal ronylo galtzeʼel né toib buñ ni diti nadxiʼ a Jehová, xpensarylo ¿ximod sasacbu?
Pal toib yós né toib borien rat yac yoog xanyainymu guiropcayimu radudyimu ló galrrioʼob. Né scúca pal toib cristiano ronybu galtzeʼel né toib buñ ni diti nadxiʼ a Jehová láaca sacalóbu xiroʼ galnagan.
6. Bibiʼ galtzeʼel xomod rabiʼ Jehová láani
Lainy gudx Israel, tipnésyibu bichílyibu xcaltzeelyibu portín goyoʼyibu galrrasaʼ por laʼsiyibu. Colgoʼol Malaquías 2:13, 14, 16 né colgooy xtiitzni:
-
¿Xigony rianladx Jehová que toib buñ guichíl xcaltzeel órni diti noʼni de acuerdo mod ná la Biblia?
Buñ ni rony galyoxh né rachíl xcaltzeel ronynabu tzeelbu ni diti nap dool né láaca ximbioxyibu.
Colguibiʼ VIDEO reʼ né colgooy xtiitzni:
-
Pal tzeʼelo nacbu toib buñ ni diti nadxiʼ a Jehová, ¿xí labúu gonylo par labúu guibanyto nakit?
7. Bisob ni rony mandary Jehová de galtzeʼel.
Par tipnés buñ labúu guisac naganyibu guisobyibu ni rony mandary Jehová de galtzeʼel. c Per Jehová radudy galnasác guirá buñ ni rasob láabu. Colguibiʼ VIDEO reʼ.
Colgoʼol Hebreos 13:4 né colgooy xtiitzni:
-
Xpensarylo, ¿ni rony mandary Jehová de galtzeʼel naganni la? ¿Xigony ronylo pensary scú?
Jehová ranab que cristiano non gap xquiich de galtzeʼel, o ro ma bichílbu xcaltzeelbu, portín nacni toib requisito nisló buñchiin. Colgoʼol Tito 3:1 né colgooy xtiitzni:
-
Pal ma bunylo galtzeʼel, ¿nandxichlo que ma góc registrarni nisló buñchiin la?
TIPNÉS BUÑ RANABDIITZ: «¿Noʼ razón par gony buñ galtzeʼel la? ¿Rasac gap buñ xquiichni la?».
-
¿Xí láani nacapylo?
¿XÍ BISUIDYLO?
Buñ ni ma noʼ tzeʼel né buñ ni diti noʼ tzeʼel nacni xcalrrascad Jehová. Tanli buñ ni noʼ toib né buñ ni ma noʼ tzeʼel labúu guibanyibu nakit pal rasobyibu guirá ni rony mandary Dios.
Repas
-
¿Ximod labúu guiquintzay toib buñ galrrascad ni noʼbu toibbu?
-
¿Xigony rasetlaa la Biblia que guirá cristianos nosi labúu gonyibu galtzeʼel né buñ ni nac de xireligionbu?
-
Mod ná la Biblia, ¿xí láani ngú toibtica razón par labúu guichíl buñ xcaltzeel?
PAR GANLO MÁS
¿Xí radudy diitz gony buñ galtzeʼel «ló Señor»?
«Ni ranabdiitz buñ ni roʼol» (Guiich ni caniʼ, 1 de july íz 2004)
Bíil chop historias de galtzeʼel ni labúu gacné looy gonylo xinésni.
Gon xigony toib hermano nap confianz que Jehová ma bidudy toib cós ni más rasac láabu que guirá ni ma bisiambu.
Antes de gony pensary toib cristiano guichíl xcaltzeel o guisian tzeʼel, ¿xí láani non guisetnaladxbu?
«Gonyxiroʼno ni ma buny Jehová toibsi» (Guiich ni caniʼ, diciembre íz 2018)
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
