NSUNZO 43
Bibilia Onloga Eni Mwaha wa Dhomwa Dholezeliha?
Orugunuwa elabo yotene, attu ahikana monelo dhottiyana sabwa ya dhomwa dholezeliha. Attu ena anziveliwetxa omwa na amarho awa, oku ena akoddaga omwa. Enaguwa anomwa mpaka olezela. Monelo wa Bibilia mwaha wa dhomwa dholezeliha buvi?
1. Omwa elobo yabure?
Bibilia kanloga wi jabure omwa. Ottiya ejo iyene onloga wi ‘vinyu enottabiha murima wa muttu,’ enokosa mpaddi wa mivaho dha Mulugu. (Masalmo 104:14, 15) Alobwana na ayana ororomeleya anlogiwa mBibiliani ammwa dholezeliha.—1 Timóteo 5:23.
2. Mwa attu abale angana omwa Bibilia onavaha magano gani?
Yehova onologa wi jabure muttu omwa vaddiddi vina olezela. (Galásia 5:21) Bibilia onloga: ‘Kulemeye wedda na abale anjeya murima na omwa.’ (Gano 23:20) Nona akala ninosakula omwa—ninofwanyela okosa ejoya na—ovipimelela masiki nigakala n’oka. Omwa vaddiddi onomuttukulela muttu ohubuwela deretu vina ohitanalela dhinlogiye na dhinkosiye. Ottiya ejo, omwa vaddiddi vina olezela onodhana makattamiho mwigumini. Akala kaninwodha oviyang’anela mmwelo wehu, ninofwanyelela okosa guru wi nittiye omwawa.
3. Ninawodhe dhavi oriha yogana ya attu ena?
Omwa dholezeliha yosakula enkosa muttu-muttu. Iyo kaninfwanyela omuttonga muttu oddule ommwa na ovipimelela vina kaninfwanyela omudidela muttu wi amwe. (Roma 14:10) Ninokoodda omwa wi nirihe mubuwelo wa attu ena. (Kengesa Roma 14:21.) Mwa iyo ‘Kakalewo ontamela okala namakumbela vaye; muttu-muttu àzuzumele akwaye.’—Kengesa 1 Korinto 10:23, 24.
KASUNZAVI
Koona magano a mBibiliani anawukamihedhe osakula akala onele omwa obe nne vina na mukaleloya wa omwa. Koona vina txini enakosiwe akala onokana makattamiho na dhomwa dholezeliha.
4. Kagana akala onele omwa obe nne
Txini yobuwela Yezu mwaha wa dhomwa dholezeliha? Matikiniho oroma a Yezu anonikamihedha ofwanya yowakulaya. Kengesa Joau 2:1-11, mugamala mutanaalele mavuzo aba:
-
Ntikiniho ntti ninnikamihedha dhavi wona monelo wa Yezu sabwa ya dhomwa dholezeliha vina wa abale ansakula omwa?
-
Vowi Yezu kalogile wi omwa kwabure, txini enfwanyela wubuwela Akristu mwaha wa abale ansakula omwa?
Masiki ahikoddihiwaga omwa, ejo kintapulela wi jiloboya yamakamaka enfwanyelela okosa Mukristu. Kengesa Gano 22:3, mugamala mutanaalele, mitoma esi dhimpatta dhavi dhogana dhawo:
-
Ogeddihaga obe ogalabihedha makina-makinavi.
-
Ogakaana yari.
-
Mediku agaloga wi kumwe.
-
Ogakaana makattamiho a ovyag’anela mmwelo wawo.
-
Nlamulo nigahurumelihaga omwa.
-
Ogakala na muttu onkoodda, sabwani omwa wahimutotela makattamiho.
Jamalago ogulelavo dhomwa dholezeliha vamateloni obe vamavegoni na anamudhi? Txini enawukamihedhe okosa yogana yaderetu, karumiha VIDIYU.
Kengesa Roma 13:13 na 1 Korinto 10:31, 32. Mugamala wengesa nlebo nimodha-nimodha mutanaalele nivuzo ntti:
-
Olabihedha magano aba, anawukamihedhe dhavi okosa yogana enamwagalalihe Yehova?
Omwa dholezeliha yogana enfwanyelela muttu-muttu okosa. Txino Mukristu masaka mena onosakula omwa, dila dhina bagakoodda
5. Ogafunaga omwa ovipimelele
Akala onogana omwa dholezeliha kobuwela eji: Yehova kanimukoddiha muttu omwa dholezeliha, mbwenye onokoddiha omwa vopitta. Sabwaya jani? Kengesa Ozeya 4:11, 18, mugamala mutanaalele nivuzo ntti:
-
Txini endaga opadduwa muttu agamwa vopitta?
Txini enanikamihedhe ohimwa vaddiddi? Ninofwanyelela ovipimelela vina oziwa vangomelihu. Kengesa Gano 11:2, mugamala mutanaalele nivuzo ntti:
-
Ekaleleni yamakamaka wika maddile mwaha wa muddidda onfuniwe omwa
6. Nikamihedho na attu abale ammwa vaddiddi
Koona emukamihedhile mulobwana opemberha elemelelo ya omwa. Karumiha VIDIYU, mugamala mutanaalele mavuzo aba.
-
Mvidiyuni, Dmitry wakala dhavi agamwa?
-
Iyene wahiwodha ottiya omwa dila yoroma?
-
Iyene owodhile dhavi opemberha elemelelo eji ya omwa?
Kengesa 1 Korinto 6:10, 11, mugamala mutanaalele mavuzo aba:
-
Okala wolezelene elobo yabure?
-
Txini entonyihedha wi muttu omwa vaddiddi onodhaga otxinja?
Kengesa Mateu 5:30, mugamala mutanaalele nivuzo ntti:
-
Vamusiboni wa Yezu sabwa ya ogwadda nlada, iyene wafuna aloge wi ninofwanyela okosa guru wi nimwagalalihe Yehova. Txini enfwanyelela weyo okosa akala onowanana wi opemberhe elemelelo yomwa? *
Kengesa 1 Korinto 15:33, mugamala mutanaalele nivuzo ntti:
-
Ogakaana amarho ammwa vaddiddi, ejo enopatte dhavi?
MUTTU AGAWUVUZA: “Jabure omwa dholezeliha?”
-
Ogamwakulile dhavi?
OGWADDELA
Dhomwa dhinokosa mpaddi wa mivaho dha Yehova, mbwenye iyene onokooddiha omwa vaddiddi vina olezela.
Kobuwela Dhisunziliwe
-
Monelo wa Bibilia mwaha wa dhomwa dholezeliha buvi?
-
Dhowopiha gani dhinda mwaha wa omwa vaddiddi?
-
Ninawodhe dhavi oriha yogana ya attu ena?
TAMELÁ ONONELAMO DERETU
Azombwe anawodhe dhavi okosa dhogana dhaderetu sabwa ya dhomwa dholezeliha?
Koona txini enakosiwe wi owodhe opemberha makattamiho a omwa.
“Manter a bebida no devido lugar” (A Sentinela, 1 de Janeiro de 2010)
Mukristu onofwanyela ogumaniha kopo?
“Perguntas dos Leitores” (A Sentinela, 15 de Fevereiro de 2007)
Kengesa nipadduwo “Eu era um ‘barril sem fundo,’” wi wone emukamihedhile mulobwana ottiya omwa.
^ Abale anwanana elemelelo ya omwa txino anofuna nikamihedho na attu ena. Amediku enji anloga wi attu abale àna makattamiho na dhomwa dholezeliha txino anofwanyela ottiya omwawa kakamwe.
