Ë pinynɔm ëbën kɔc anɔŋ tɛ̈ktɛ̈k wääc alɔŋ ë mɔ̈u. Kɔc kɔ̈k anhiarkë bïk dek ke mäthken ë kööl mit keek piɔ̈ɔ̈th. Ku kɔc kɔ̈k acïk kuany bïk cïï kɔŋ dek ë mɔ̈u. Ku anɔŋ kɔc kɔ̈k ë dek aya bïk wiɛɛt. Yeŋö ye Baibol lueel ë biäk ë mɔ̈u?

1. Nadɛ̈ rɛɛc bï raan dek ë mɔ̈u?

Baibol acie dëŋ ë mɔ̈u ye pëën. Ke wääc ke kënë, miɔ̈c juëc cïï Nhialic ke yiëk ɣok, Baibol ee jam nɔn ye ‘mɔ̈u luɔk ke bï kɔc tɔ mit piɔ̈ɔ̈th.’ (Diɛt 104:14, 15) Röör ku diäär kɔ̈k cï gam cï ke lueel ë Baibolic aake ye dek ë määu.​—1 Timotheo 5:23.

2. Ye wëët ŋö ye Baibol gäm kɔc cï ye kuany bïk ya dek ë määu?

Yekoba ee dëŋdït ë mɔ̈u apɛi ku jɔl aa wiɛɛt pëën. (Galatai 5:21) Aye Wɛ̈tde lueel: “Du ye mat wekë kɔc ee dek ë mɔ̈u aläl.” (Kɛ̈ŋ 23:20) Ke na kuɛ̈nyku buk ya dek​—cɔk anɔn cïn yen raan ŋic en​—ke ɣok aacïï bï ya dek arëët alɔ buk cïï ye tak apiɛth, ku cukku jam ë jam rac ku loiku kärɛc, awu cuk bï ya rëër ke ɣo piɔl gup. Ke na cuk dëŋda lëu buk looi bï nyin kuur, ka ŋuɛ̈ɛ̈n buk dëŋ ë mɔ̈u puɔ̈l.

3. Ye këdï bïï ɣok kuëny ë kɔc kɔ̈k ya theekic alɔŋ dëŋ ë mɔ̈u?

Ee raan ë rot yen dhil ye ya kuany nɔn bïï yen ya dek ë mɔ̈u. Ɣok cïï lëu buk kɔc cie kuany bïk ya dek ë määu amäth luɔ̈kwei, ku acuk wïc buk raan cie kuany bï cïï ye dek ya thɔ̈ɔ̈c bï ya dek mɔ̈u. (Romai 14:10) Aŋuɛ̈ɛ̈n buk mɔ̈u puɔ̈l tɛ̈ ye dëŋda kɔc kɔ̈k luöi kärɛc. (Kuen Romai 14:21.) Aye Baibol lueel: “ë cïn raan ë piathde kɔɔr etök, ë ŋɛk ë ye piath de ŋɛk kɔɔr.”​—Kuen 1 Korinthoi 10:23, 24.

 YÄP DÏT

4. Kuany nɔn bïï yïn ya dek

Ye këdï ë cïï Yecu dëŋ ë mɔ̈u tiëŋ thïn? Ku ba dhuŋ ë nɔm ŋic, tïŋ këdïït ë gäi cï looi tueŋ. Kuen Jɔn 2:1-11, ku jälkë thiëc kä jäämiic:

• Ë këdïït gäi cï looi kënë yic, yeŋö buk piɔ̈ɔ̈c tënë Yecu tɛ̈ ye tiëŋ mɔ̈u ku kɔc ye dek?

• Na këc Yecu dëŋ ë mɔ̈u pëën keye këdï lëu bïï Kërithano raan cie kuany bï ya dek tiëŋ thïn?

Ka yen, ë wɛ̈t ye Kërithano nɔmlääu bï ya dek ë määu, acie yen nyuɔɔth nɔn piɛɛth en ke yen bï ya dek. Kuen Kɛ̈ŋ 22:3, ku tiëŋkë nɔn bïï kuɛɛr kä ye nyuɔɔth nɔn bïï yïn ya dek awu cïï bï ya dek:

• Tɛ̈ le yïn kuëëth ë riäi awu lɔ luui adiit dït kɔ̈k.

• Tɛ̈ liɛc yïn.

• Tɛ̈ cïï dïktor ye lɛ̈k yïn ba cïï ye dek ë määu.

• Tɛ̈ riil yen yic ba ya dek amääth.

• Tɛ̈ ye löŋ pan rëër yïn thïn kɔc pëën bïk cïï ye dek ë mɔ̈u.

• Tɛ̈ rëër yïn ke raan cie kuany bï cïï ye dek ë wɛ̈t riil yen yic tënë yen ku bï ya dek amääth.

Lëu ba mɔ̈u ya gaam ë thiëëkic awu ɣɔ̈n kɔ̈k cïï kɔc ke nïïm määt thïn? Ku ba tïŋ kë lëu bï yïn kuɔny ba kuany, puɔl ë BIDEO.

Kuen Romai 13:13 ku 1 Korinthoi 10:31, 32. Tɛ̈ cïï week cök kä kueen, ke we jälkë cöök kënë jäämic:

• Ye këdï lëu bïï cöök kënë yï kuɔny ba ya kuany kë lëu bï Yekoba miɛɛt puɔ̈u?

 5. Kuany tɛ̈ bïï yïn ya dek thïn

Na ca kuany ba ya dek ë määu, ke yï muk kënë yïnɔm: Ke Yekoba cie dëŋ ë mɔ̈u ye pëën, ee dëŋ ë mɔ̈ndït pëën. Ye wɛ̈tŋö? Kuen Ɣodhiya 4:11, 18, ku jälkë thiëc kënë jäämic:

• Yeŋö lëu bï rot looi tɛ̈ ye raan dek ë mɔ̈ndït apɛi?

Ye këdï lëu bïï ɣok röt gël buk cïï ye dek ë määu apɛi? Awïc ɣok buk piɔ̈ɔ̈th ya kuur, awu yeku akenda ŋic thok. Kuen Kɛ̈ŋ 11:2, ku jälkë thiëc kënë jäämic:

• Ye wɛ̈tŋö piɛɛth en ba akeu ya tääu tɛ̈ bïï yïn mɔ̈u ya dɛk thïn?

6. Tiam dëŋ ë mɔ̈u rac

 JAM CIEKIC

Yekoba acï ɣo yiëk määu buk piɔ̈ɔ̈th ya miɛt, ku ee dëŋdït ë mɔ̈u ku wiɛɛt pëën.

Bëër Yic

• Yeŋö ye Baibol lueel ë biäk ë määu?

• Ye kärɛɛc ŋö ë bɛ̈n bei ë dëŋdït ë mɔ̈u yic?

• Ye këdï lëu bïï ɣok kë cïï kɔc kɔ̈k kuany theekic alɔŋ ë dëŋ ë määu?