AYÈGÈ 43

Éye bekristen ba yen adzo meyòk ya?

VOGOLO A

Mot ose a yen ki adzo ya meyòk akia deda. Bot bevòk ba ding be nyaa man abim meyòk zing ai bemvoé baba. É ba bevòk ba ben fò nyu meyòk. Befe ba nyu nnemena akui ane ba sòag. Dzé Bibel a dzo é bebege dzam ya meyòk?

1. Ye é ne fò abé na mot a nyu meyòk?

Bibel a kili ki nnyuen meyòk. A dzo ben na, a bifaa bise Zamba a nga ve bòn bebot, “wain a ve nnem mot mintak” (Salmen 104:14, 15). A lere fe bia na bebò bisié be Zamba ya osusua be karege fe nyu meyòk (1 Timotéus 5:23).

2. Melebega mefé Bibel a ve é bot ba nyu meyòk?

Yéhova a kili nsòane meyòk ai nnemena nnyuen (Galati 5:21). Émen a dzo a Bibel na: “Te wò tòbò a nsamba benyu be wain (Minkana 23:20). Nde hm, nge o tòb na wò nyu meyòk—tò o ne étam—wò yeane ki nyu akui ane wò dzèè feg, tegè fe bare fial minkòbò ai mimbòen mié, ngeki na o nga kèène ke kòn. Ai nge wò woren na o seki dzam dzoé wòmen, nfi o ne na o telé nnyuen meyòk.

3. Akia afé bia yeane yen ntsigen é bot bevòk ba nòng o bebege meyòk?

A nyu ngeki a kili nnyuen meyòk wa bebe mot émen. Nde hm nge mot zing a nòng ntsigen na a nyu meyòk abim da yeane, bia yeane dò yebe. Nge mot zing a nòng ntsigen na a nyu ki meyòk, bia yeane ki nyè bi obila (Romani 14:10). Ai nge nnyuen bia nyu meyòk wa bò é bot bevòk ékòl obak, bia yeane telé nnyuen (Langʼa Romani 14:21). Bia yi bò nala amu Bibel a leb bia na “te mot a dzeng he mbeng woé émen, ve mbeng ya abe é mot mbòk” (Langʼa 1 Kòrinti 10:23, 24).

TUENE FAG

Bi tam yen é tin memvéndé ya Bibel ya yi bi vòli na bi nòng ntsigen ya nyu meyòk nge tegè. Ai nge bia tsig na bia nyu meyòk, abim afé bia yeane mò nyu? Bia yi fe yen é dzom bi ne bò nge bia lumen ai fulu nnemena nnyuen meyòk.

4. Bia yeane nòng ntsigen na bia yi nyu meyòk nge tegè

Akia afé Yésus a nga be yene nnyuen meyòk? Asu yi na bi yem dò, bi tam yen asimba osu a nga bò. Langʼa Yohannes 2:1-11 ai yalen minsili mi tsaa mi:

Asimba té la lere bia dzé é bebege akia Yésus a yen meyòk ai é ba ba nyu mò?
Mbol Yésus a kili ki bia na bi nyu meyòk, akia afé kristen ya yeane yen é mot a nòng ntsigen na a nyu meyòk?

Bibel a lere na kristen é ne dzam nyu meyòk, ve mebog mevòk a yeane mò saala. Langʼa Minkana 22:3 ai yene akia ya o ne dzam tong tin mvéndé té é bitié bi tsaa bi:

Wò yi duru metua nge a belen ai nsina.
O ne abum.
Dòbera a nga kili wò meyòk.
O seki dzam dzoé wòmen mfaa ya meyòk.
Mvéndé ya nnam o toa ya kili nnyuen meyòk.
O ne nsamba ai é mot a nòng ntsigen na a nyu ki fe meyòk amu a nga toben ai mindzug asu nnemena nnyuen meyòk.

Ye wò yeane ve bot meyòk amos abok, ane abok alug? Osusua yi na wò yalen nsili té, bebege VIDÉO.

VIDÉO: Ye ma yeane ve bot meyòk?(2:41)

Langʼa Romani 13:13 ai 1 Kòrinti 10:31, 32. Amvus nlangʼen, yalen a nsili hi:

Akia afé é tin mvéndé nyi é ne wò vòli na o nòng ntsigen wa yi fû Yéhova nnem?

Kristen ése ndzò ya yeane nòng ntsigen ya nyu meyòk nge tegè. Tò nde a kareya sò a nyu meyòk, mebog mevòk a ne tsig na a nyu ki mò

5. Yeme abim meyòk o ne dzam nyu

Nge o nòng ntsigen na wò nyu meyòk, te wò vuen na, tò nde Yéhova a ve bia ngul na bi nyu meyòk, a kili nnemena nnyuen. Asu dzé? Langʼa Oséas 4:11, 18 ai yalen a nsili hi:

Dzé é ne dzam toben ai é mot a nyu nnemena?

Akia afé bi ne saala nnemena nnyuen meyòk? Bia yeane yem minnyié miaan ai a yem dzoé biabeben. Langʼa Minkana 11:2 ai yalen a nsili hi:

Asu dzé bia yeane telé nnyié asu abim meyòk bia yeane nyu?

6. Akia afé bi ne vòli é mot a ntòya olò ya meyòk

Asu yi na o yem é dzom é nga vòli mot zing na a koro étié olò ya meyòk, bebege VIDÉO. Amvus ya été, yalen minsili mi tsaa mi:

VIDÉO: ‘Me mbe tege fe dzibi é kan énying me nyingʼiʼ (6:32)

Mindzug mifé Dmitry a nga toben ai miè amu nnemena nnyuen meyòk?
Ye a nga telé nnemena nnyuen té étié étié?
Dzé é nga vòli nyè na a kèène ai mbe fulu té?

Langʼa 1 Kòrinti 6:10, 11 ai yalen minsili mi tsaa mi:

Ndzug mbé nnemena nnyuen meyòk o ne dzam sò ai wò?
Dzé ya lere na é mot a ne olò ya meyòk a ne dzam tséndé?

Langʼa Matéus 5:30 ai yalen a nsili hi:

Éyòng Yésus a nga dzo na ‘o tsig wòʼ nala wa tilen na, wò yeane kèène ai mam mezing nge a saala mò asu yi na o fû Yéhova nnem. Dzé wò yeane bò nge wò lumen ai fulu nnemena nnyuen meyòk? a

Langʼa 1 Kòrinti 15:33 ai yalen a nsili hi:

Akia afé bemvoé boé be ne dzam bò na o nnemena nyu meyòk nge tegè?

MOT A NE WÒ DZAM SILI NA:“Ye nnyuen meyòk o ne abé?”

Wò yi yalen ya?

OBALBAS

Yéhova a yi na meyòk me ve bia mintak a nnem, ve a kili nnemena nnyuen meyòk ai étié olò ya meyòk.

Dzé bia baala

Dzé Bibel a yegele é bebege adzo meyòk?
Mam mefé nnemena nnyuen meyòk a zu ai mò?
Akia afé bia yeane yen mintsigen é bot bevòk ba nòng mi bebege adzo meyòk?

Ayègè di a man a

Nsongʼen wòmò

Nge ma nòng ntsigen na ma nyu meyòk, ma yeane yem telé minnyié.

Nsongʼen mfe:

Your other goal

O NE FE BEBE

Akia afé énanga é ne dzam nòng mimbembe mintsigen mi bebege meyòk

Tuene fas osusua yi na wò nyu meyòk 2:31

Melebega me ne dzam vòli mot na a telé nnyuen meyòk.

“Quelle place lʼalcool a t-il dans votre vie?” (La Tour de Garde, 1^er janvier 2010)

Ye kristen ya yeane toben élè meyòk dzié ai é dzi é mot mbòk?

“Questions des lecteurs” (La Tour de Garde, 15 février 2007)

Dzé é nga vòli é mot a nga be olò ya meyòk na a kèène ai mbe fulu té?

“La Bible transforme des vies” (La Tour de Garde, 1^er mai 2012)

a É mot a yi na a kèène ai étié olò ya meyòk a yi yeane yangʼen ai nvòlen bedòbera. Nde fe, bedòbera bezing ba dzo ai é bot be nga bi mindzug mi tii ai meyòk na te ba bare mò namba.

FONO AI ÉNYING A KÒM YA KÒM ÉSE!—A YÈGÈ BIBEL ANE MINLANG