AYEGHLE 43
Aval avé bekristen ba yen meyokh ?
Bôt bese baa yen ki meyokh aval daa. Bôt b’ézing ba ñaghe ba ñu éyong be ne ya mengom meba. Bevoo ba top naa baa veghle ki name atuèñ meyokh. Éba bevoo ba ñu yakekuiñ ane ba fuèn. Za dzam Bible a dzô nfa ya meyokh ?
1. Ye n’ñuane meyokh ô ne mbia dzam ?
Bible aa kili ki n’ñuane meyokh. Ndaane de, ébe abuiñ bedas Nzame a nga ve boan be-bôt, Bible a dzô naa, « meyokh ma ve n’nem moan môt mevakh. » (Bya 104:14, 15) Besôsôe befam ya binenga b’ézing ba tu a Bible été, be mbe béé ñu meyokh.—1 Timothée 5:23.
2. Za melepgha Bible a ve é bôt ba top naa ba ñu meyokh ?
Jehôva a vini é bôt ba ñu abuiñ meyokh ya bili meyokh. (Begalate 5:21) Nkobe wèñ wa dzô naa : « Ô taa tobe ézizang é bôt ba ñu abuiñ meyokh. » (Minkana 23:20) Éde, nge bia top naa bia ñu meyokh amben éyong bi ne étam biaa yiène ki ñu abuiñ aval da ve naa bi bo kaa fe tugha fas, a yem djié bifiè bia kuiñ bia añu, ya mimboane miè, nge ki a dzime baghle é ñuu dzèè mvoa. Nge bii se ki yem djié bia bebién ébe abîm meyokh bia yiène ñu, da yili naa bia yiène sim ya n’ñuane meyokh.
3. Aval avé bi ne lere naa bia kang minkighan é bôt bevoo ba ñong nfa meyokh ?
Kada môt émién a yiène kikh nge a ye ñu meyokh nge ki kaa. Éde, nge môt a kikh menié ébe abim meyokh a yiène ñu, bia yiène kang nkighane wèñ. Nge a dzô ki naa aa ñu ki, bi taa ñe de yemle. (Beromain 14:10) Nge n’ñuane meyokh wèè wa ndaghle môt ézing, bi ne top naa biaa ñu ki. (A lang Beromain 14:21.) Bia dzeng « se ki fave mbeng wèè étam, ve mbeng é bôt bevoo. »—A lang 1 Becorinthien 10:23, 24.
A TUGHA FAS
Yeneghe metsin metsing me ya Bible ma ye wô vole a kikh nge wa ye ñu meyokh, ya abim wa ye ñu. Ya fe é dzam ô ne bo nge wa tubane minzukh mia tsinane meyokh.
4. Ñonghe nkighane nge wa ye ñu meyokh nge ki kaa
Aval avé Yésu a nga yen n’ñuane meyokh ? Naa bi bele éyalane nsili té, n’yeneghan akengha ôsua Yésu a nga bo. A lang Jean 2:1-11, éyong té mia lèè minlang mia daghe minsili mia zu mi :
-
Ya akengha té, za dzam bi ne yeghe nfa aval Yésu a nga yen meyokh ya é bôt ba ñu mo ?
-
Amben Yésu éé nga kili ki n’ñuane meyokh, aval avé bekristen ba yiène yen é bôt ba top naa ba ñu mo ?
Moan kristen a ne fang bo fili naa a ñu meyokh, daa yili ki naa aa yiène ki bo nkee éyong sese nfa n’ñuane meyokh. A lang Minkana 22:3, éyong té mia yen é mam me ne likh naa ô top naa wa ñu meyokh nge ki kaa :
-
Wa duru metua nge ki a belane ékièñ ézing.
-
Ô ne abum.
-
Dokira a va kili wô naa ô taa ñu mewokh.
-
Waa djié ki fe wamièn éyong ô ñuang meyokh.
-
Atsing ézing da kili n’ñuane meyokh.
-
Ô ne ya é môt a top naa aa ñu ki meyokh amu naa, melu ô mvus a nga tubane minzukh mia larane n’ñuane meyokh.
Ye wa yiène seng meyokh ésesang alughan nge ki ésesang éfe ? Naa ô yen é dzam é ne wô vole a ñong nkighane, daghane ÉNGENGENG.
ÉNGENGENG : ¿Debería servir bebidas alcohólicas? nge ki Devrais-je servir de l’alcool ? (2:41)
A lang Beromain 13:13 ya 1 Becorinthien 10:31, 32. Niène mia mane lang kada éfus, lèèghane minlang mia daghe nsili wa zu wi :
-
Aval avé a dzale é tsin atsing ñi, da ye wô vole naa ô ñong mbemba nkighane da ye ve Jehôva n’nem mbeng ?
Kada kristen émièn a yiène kikh nge a ye ñu meyokh nge ki kaa. Amben biyong bizing a ne ñu meyokh, a ne top biyong bivoo naa aa ñu ki mo
5. Ñonghe nkighane wa daghe abim meyokh wa ye ñu
Nge wa top naa wa ñu meyokh ma fuèn, simghan é dzam di : Amben Jehôva aa kili ki n’ñuane meyokh, a kili naa môt a fuèn. Amu dzé ? A lang Osée 4:11, 18, éyong té mia lèè minlang mia daghe nsili wa zu wi :
-
Za dzam é ne boban éyong môt a ñu abuiñ meyokh ?
Aval avé bi ne bo naa bi taa ñu abuiñ meyokh ? Bia yiène yem menié mèè nge ki abim bi ne ñu. A lang Minkana 11:2, éyong té mia lèè minlang mia daghe nsili wa zu wi :
-
Amu dzé é ne mvèñ naa bi tare kikh abim meyokh bia ye ñu ?
6. Bi ne dang fuène meyokh
Yeneghe é dzam é nga vole môt naa a taa bera ñu abuiñ meyokh. Daghane ÉNGENGENG, éyong té mia lèè minlang mia daghe minsili mia zu mi :
ÉNGENGENG : « Llegué a odiar la vida que llevaba » nge ki « Je ne supportais plus ma façon de vivre » (6:32)
-
Éngengeng di été, aval avé n’ñuane meyokh ô mbe wéé name mimboane Dmitry ?
-
Éyong ôsua a nga kômô tare dzogho meyokh, ye a nga dzogho mo ?
-
Aval avé a nga dzogho fulu ya ñu meyokh ?
A lang 1 Becorinthien 6:10, 11, éyong té mia lèè minlang mia daghe minsili mia zu mi :
-
Nté mbé fuèn é ne abé ?
-
Dzé da lere naa é môt a bira ñu meyokh a ne tsen ?
A lang Matthieu 5:30, éyong té mia lèè minlang mia daghe nsili wa zu wi :
-
A kikh wo, da lere é mam bia yiène likh, naa bi ve Jehôva n’nem mbeng. Za dzam ô ne bo nge wa tubane minzukh mia tsinane n’ñuane meyokh ? a
A lang 1 Becorinthien 15:33, éyong té mia lèè minlang mia daghe nsili wa zu wi :
-
Aval avé a tobe ya mengom ma ñu abuiñ meyokh é ne wô name ?
NGE MÔR ÉZING A SILI WÔ NAA : « Ye a ñu meyokh é ne abé ? »
-
Wa ye yalane yè ?
AKIGHE BES
Jehôva a nga ve bia meyokh akal mevakh mèè, ve a kili naa bi ñu abuiñ meyokh ya fuèn.
Ôbaghle
-
Aval avé Bible a yen meyokh ?
-
Za mbia be-mam me ne biane bia éyong bia ñu abuiñ meyokh ?
-
Aval avé bi ne kang minkighane é bôt bevoo nfa n’ñuane meyokh ?
Ô NE FE KE DAGHE
Aval avé bitong bi-bôt be ne ñong mbemba minkighane nfa n’ñuane meyokh ?
Yeneghe é mam ô ne bo naa ô taa bera ñu abuiñ meyokh.
« Cómo mantener a raya el alcohol » nge ki « Quelle place l’alcool a-t-il dans votre vie ? » (La Atalaya, 1 de enero de 2010 ; La Tour de Garde, 1er janvier 2010)
Ye bekristen ba yiène bo brindis nge ki a trinquer ?
« Preguntas de los lectores » nge ki « Questions de lecteurs » (La Atalaya, 15 de febrero de 2007 ; La Tour de Garde, 15 février 2007)
Nlang « Era un barril sin fondo » nge ki « J’étais une barrique sans fond », yeneghan aval môt a nga tele naa a ñu abuiñ meyokh.
« La Biblia les cambio la vida » nge ki « La Bible transforme des vies » (La Atalaya, 1 de mayo de 2012 ; La Tour de Garde, 1er mai 2012)
a É bôt ba tubane minzukh mia larane n’ñuane meyokh be ne yi avole bedokira. Bedokira b’ézing be ne dzô é bôt be nga tubane minzukh mia larane n’ñuane meyokh naa, be taa bera ñu meyokh.
