E leʼese tatau a manatu a fenua fuli o uiga mo le kava. Ko ʼiki e tasitasiga lalātou inu ki le gā kava mokā lotou felāvei mo olātou kauneʼa. Ko ʼiki kua lotou fakatotonu ke ʼaua se lotou toe inu. Ti ko ʼiki e inu oki lātou ki lolātou konā. Kae koleā le manatu a le Tosi-Tapu o uiga mo le kava?

1. E veli ko ia le inu kava?

E leʼaise tapuʼi mai e le Tosi-Tapu le inu o se gā kava. E pati i le Tosi-Tapu ko “le vino leia e fakafiafia ia le loto o le tagata.” (Pesalemo 104:14, 15) Ko ia ko le vino ko se neʼa mālie na soli mai e le Atua. Ti e toe pati i le Tosi-Tapu, ko ʼiki kaunaga o Seova na lotou inu ni gā kava.—1 Timoteo 5:23.

2. Koleā le tokoi a le Tosi-Tapu kia lātou alā e fia inu kava?

E tapuʼi e Seova le inu kava fakavale mo le faʼa konā. (Kalate 5:21) E pati i lana Folafola: “Ke aua na ke kau i le kau inu vino.” (Taagapati 23:20) Ko ia kāpau e tou fakatotonu ke tou inu, pe ke inu tokatasi, e leʼese tonu ke tou inu ke kaku ki le puli o le atamai pe ko le māsau valea mo le fai o ni aga leʼe ʼaoga pe ke tuʼutāmaki ai lokita maʼuli. Ti kāpau e leʼese tou poto i le fakafuafua o latātou inu ti e lagi mālie ke leʼaise tou toe inu.

3. E fefeʼaki latātou fakaʼapaʼapa ki tonu a lā ake o uiga mo le kava?

Ko se tasi na filifili ke inu pe leʼaise inu ko laʼana ia tonu tokatasi. Kāpau e fakatotonu e se tasi ke inu fakapotopoto ti e tonu ke tou fakaʼapaʼapa ki ai. Ti kāpau ko se tasi na fakatotonu ke leʼaise inu ti e leʼese tonu ke tou ekenaki aia ke inu. (Loma 14:10) Ti kāpau e fakatupu tūkia latātou a inu ki se tasi ti e lagi mālie ke leʼaise tou inu. (Lau Loma 14:21.) Ke ʼaua na tou afa ‘le neʼa leia e ʼaoga kia tātou totonu, kae ke tou afa le neʼa leia e ʼaoga ki lā ake.’—Lau 1 Kolinito 10:23, 24.

 MANATU LOLOTO

4. Fakatotonu pe ke inu pe leʼai

Koleā le manatu a Sesu o uiga mo le kava? Ta māsau ki le ʼuluaki milakulo na fai e Sesu ke tali ai ki le vesili leinei. Lau Soane 2:1-11, ti fai a vesili anei:

• Koleā e tou ako mei le milakulo leinei ki le manatu a Sesu o uiga mo le kava ti mo lātou alā e inu?

• E leʼese tapuʼi e Sesu le inu, ti koleā loa le manatu e tonu ke maʼua e le kau Kilisiteano o uiga mo se tasi leia e fakatotonu ke inu?

Ko ia e leʼese tapuʼi e le Tosi-Tapu le inu kava. Kae i ʼiki a temi lagi e mālie ake ke leʼaise inu. Lau Taagapati 22:3, ti māsasau pe fefeʼaki le fakaʼaogaʼi o le pelesepeto leinei mokā:

• Ke sofea se motoka pe fakaʼaogaʼi se masini.

• Ke faitoe.

• Tapuʼi atu e le toketā lau inu.

• E leʼese ke poto i le fakafuafua o lau inu.

• Tapuʼi atu e le lao lau inu.

• E ke nofo mo se tasi leia kua fakatotonu ke leʼaise toe inu talie na felāvei mo ni faigataʼaʼia o uiga mo le kava.

E tonu ko ia ke ke fakaʼaogaʼi le kava i se fakafiafia pe ko se fai āvaga? Ke tali ki le vesili leinei, tioʼi le GĀ ʼATA.

Lau Loma 13:13 mo 1 Kolinito 10:31, 32, ti fai le vesili leinei:

• E tokoi fefeʼaki atu le pelesepeto leinei ke ke toʼo se tonu leia e mālie kia Seova?

 5. Fakafuafua lau inu

E leʼese tapuʼi e Seova le inu, kae kāpau e ke fakatotonu ke ke inu, manatuʼi e tapuʼi e Seova le inu kava fakavale. Koleā lona tupuʼaga? Lau Oseo 4:11, 18, ti fai le vesili leinei:

• Koleā e mafai ke soko ki se tasi leia e inu kava fakavale?

E fefeʼaki le fakafuafua o latātou inu? E tonu ke tou aga fakataulalo mo fakafuafua lotātou gatoʼaga. Lau Taagapati 11:2, ti fai le vesili leinei:

• Koleā e mālie ai le fakafuafua o le gā kava leia ka kita inu?

6. Koleā e tokoi mai ke tou tuku le inu kava fakavale?

 MANATU TĀFITO

Na fakatuʼutuʼu e Seova ke tou maʼua le fiafia mei le kava, kae e tapuʼi e ia le inu kava fakavale mo le popula ki le kava.

Fakamanatu

• Koleā le manatu o le Tosi-Tapu o uiga mo le kava?

• Koleā e veli le inu kava fakavale?

• E fefeʼaki latātou fakaʼapaʼapa ki tonu a lā ake o uiga mo le kava?