Omu gulu lyoshi, abantu bajira amawazo marhali kuguma oku bilolere amavu. Hali abasima kuchishagalusya omu kunywa oku rhwavu haguma n’abera. Abandi bachishogere oku barhakamanywa chiro. Hali n’abandi banamagorhomera n’okuva baba balalu. Bichi si Ebiblia yowe derhere oku bilolere amavu?

1. Kuli kubi okunywa amavu si?

Ebiblia erhalahize okunywa amavu. S’ahubwe amango eli yaderha oku mpembo zoshi Mungu arhuhere, enashambala n’oku “divayi eshagalusya omurhima g’omuntu.” (Zaburi 104:14, 15) Hali balume baguma n’abakazi bashamberwe omu Biblia baliri banywa amavu.​—1 Timoteo 5:23.

2. Mpanulo zihe Ebiblia ehere abachishogere kunywa amavu?

Yehova alahize okunywa mavu kuchubusya olugero n’obulalu. (Wagalatia 5:21) Echinwa chage chiderhere: “Orhabaga ahakagarhi ka balala banagorhomera edivayi bwenene.” (Mezali 23:20) Bobuno, nka rhwamachishoga okunywa amavu, na chiro rhwaba rhwenyine; rhurhakwanene kunywa bwenene nk’oku rhurhakanywa nka rhuli embere z’abantu, omu kuntu rhurhakachigala kugerereza ebinwa n’ebijiro byerhu, changwa rhuhanyagazye amagala merhu. Akaba rhurhagala kuchigalula embere z’amavu, rhukwanene kuchihangana rhumalahire.

3. Nka gurhe rhwakakenga esimikiro z’abandi oku bilolere okunywa amavu?

Buli muntu yenyine akwanene achishoge akab’anywa amavu changwa nanga. Rhurhakwanene kuderha kubi owachishogere okumanywa n’olugero, rhurhanakwanene kuhidika orhalonzeze kumanywa. (Waroma 14:10) Rhwakana chibuza kunywa nka rhubwene ok’okujira ntyo chakaba chibazo oku bandi. (Osome Waroma 14:21.) Rhwalonza, “arhali mpw’enyungu [zerhu] rhwenyine, si n’ez’abandi bantu.”​—Osome 1 Wakorinto 10:23, 24.

 HUMBA BWENENE

4. Ochishoge akaba wanywa changwa nanga

Gurhe Yesu aliri abona okunywa amavu? Yi rhubona echishubizo, rhurhange rhuganire oku chisomerene ajiraga. Osome Yohana 2:1-11, muje mwaganira kw’ebila bibazo:

• Nk’oku echila chisomerene chiyerekene, okuntu Yesu aliri abona amavu n’abamanywa, bichi kurhuyigirize?

• Bunola Yesu arhalahizaga okunywa amavu, gurhe Omukristu akwanene kubona owachishogere kumanywa?

Aliko, chiro akaba ok’Omukristu ali huru kunywa amavu, arhali k’okuderha oku buli mango kuli kwinja amanywe. Osome Mezali 22:3, munaganire okuntu omuntu akakolesa akanuni kali m’olula lwandiko, mw’ezila hali zili ahala shishi:

• Waja tembeza changwa wakolesa amashini.

• Oli bukule.

• Munganga akulahize amavu.

• Orhagala kuchijirira echipimo ch’amavu wakanywa.

• Esheriya ekulahize okunywa.

• Olamire n’omuntu orhachisima amavu gakamuyegera bulala aliri luganywa mira.

Okwanene kuha abantu amavu amango m’obuhya changwa omu bindi bisanzi by’okuchisimisa si? Lola echakakurhabala omenye esimikiro warhola, Ziha EVIDEO.

Osome Waroma 13:13 na 1 Wakorinto 10:31, 32. Eyi mumala kusoma buli lwandiko, muganire kw’echila chibazo:

• Nka gurhe okukolesa akala kanuni kwa kakurhabala orhole esimikiro yasimisa Yehova?

 5. Olole manganachi wakanywa

Okachishoga kunywa amavu, oyibuke chinola: chiro akaba oku Yehova arhalahize okunywa amavu, alahize okunywa kuchubusya olugero. Bulagurhe? Osome Hosea 4:11, 18, muje mwaganira kw’echila chibazo:

• Bichi byakarhengerera nk’omuntu amanywa kuchubusya olugero?

Bichi byakarhurhabala rhurhanywaga kuchubusya olugero? Rhukwanene kuyinja rhwachigalula n’okumenya bwinja emipaka yerhu. Osome Mezali 11:2, muje mwaganira kw’echila chibazo:

• Bulagurhe kuli kwinja okuchihebera h’echipimo ch’amavu wanywa?

6. Ohime engeso y’okugorhomera amavu

 OKU BUGEKE

Yehova ahebere h’amavu yi rhuchishagalusya namo, aliko alahize obulalu n’okunywa kurhalusya olugero.

Rhuchiyibusye

• Bichi Ebiblia ederhere oku bilolere amavu?

• Buhanya buhe okugorhomera amavu kwakalerha?

• Gurhe rhwakayerekana oku rhukengere esimikiro z’abandi oku bilolere okunywa?