Imigas­saq pil­lugu assigiin­ngitsunik isumaqar­toqar­tar­poq. Ilaasa ikin­ngutimin­nik peqateqar­nerminni imigas­sar­tulaar­ner­tik nuan­narisar­paat. Allat imigas­sar­tun­ngisaan­nar­niarlutik aalajangersimap­put. Allallu aalakoor­tar­put. a Biibilimili imigas­saq pil­lugu qanoq allas­simasoqarpa?

1. Imigassartorneq eqqunngitsuliornerua?

Imigas­sar­tor­neq Biibilimi ajorineqan­ngilaq. ‘Viinni inunnik nuannaalersitsisartoq’ Guutimit tunis­sutaasutut allaatigineqar­poq. (Tus­siaat 104:14, 15) Aamma Guutimut kif­faasut aalajaatsut Biibilimi oqalut­tuarineqar­tut ilaat imigas­sar­tor­tarsimap­put. – Timuutiusimut 1. 5:23.

2. Imigassartortartunut Biibilimi qanoq siunnersuuteqarpa?

Jehovap aalakoor­neq aamma aalakoor­pasin­ngik­kaluarluni imigas­sar­tor­pal­laar­neq assuarai. (Galaatiamiut 5:21) Biibilimi allas­simavoq ‘ilagissanngikkigut viinnisorpallaartut’. (Ussatit 23:20) Inuit imigas­sar­tor­pal­laarsimasut eqqarsarluarsin­naasan­ngin­namik oqalun­ner­tik iliuutsitillu aqus­sin­naasan­ngilaat. Aamma peq­qiil­liuutigisin­naavaat. Taamaat­tumik imigas­sar­tor­niarutta kisimiik­kaluarut­taluun­niit imigas­sar­tor­pal­laar­naveersaar­tariaqar­pugut. Imigas­sar­tor­tar­ner­put aqus­sin­naan­ngik­kutsigu unitsin­nis­saanut piareersimasariaqar­pugut.

3. Allat imigassartorneq pillugu aalajangigaat qanoq ataqqisinnaavarput?

Inuit tamarmik imigas­sar­tor­niar­nerlutik nam­mineq aalajangis­savaat. Ingasaas­sin­ngitsumik imigas­sar­tor­toq isor­nar­torsius­san­ngilar­put imigas­sar­torusun­ngitsorlu imigas­sar­toq­qul­lugu kimigiiserfiginagu. (Romamiut 14:10) Biibilimi allas­simam­mat nam­mineq ‘iluaqutissarput pinnagu allap iluaqutissaa salliussagipput’ imigas­sar­tor­ner­put allap ajoris­sap­pagu imigas­sar­tor­navian­ngilagut. – Korintimiunut 1. 10:23, 24 aamma Romamiut 14:21 atuarsigit.

 ITISILIINEQ

4. Imigassartussanerlutit aalajangerit

Jiisusip imigas­sar­tor­neq qanoq isigaa? Tupin­nar­tulioq­qaar­nera sam­meriar­tigu. Johannesi 2:1-11 atuarsigit apeq­qutillu uku eqqar­torlugit:

• Jiisusip imigas­sar­tor­nermut isigin­nit­taasia pil­lugu oqalut­tuaq qanoq ilin­niarfigaajuk?

• Jiisusip imigas­sar­tor­neq ajorin­ngim­magu kristumiup imigas­sar­tor­toq qanoq isumaqarfigis­savaa?

Kristumiut imigas­sar­torsin­naatitaagaluar­tut imigas­sar­tor­neq ilaan­nik­kut silatusaar­nerusan­ngilaq. Ussatit 22:3 atuarsiuk eqqar­torlugulu pis­sutsini ukunani imigas­sar­tor­neq silatusaar­nerus­sanersoq:

• Biiler­tus­saatil­lutit maskiinamil­luun­niit allamik aqutsisus­saatil­lutit

• Naar­tuguit

• Imigas­sar­tus­san­ngitsutit nakorsamit oqarfigineqaruit

• Qanoq imer­tigis­sanerlutit aqus­sin­naan­ngik­kukku

• Inatsisit malil­lugit imigas­sar­toq­qusaan­ngik­kuit

• Sior­natigut imigas­sar­tor­nerminik aqutsisin­naan­ngin­nini pil­lugu imigas­sar­torun­naarsimasoq ilagigukku

Katit­torsior­nis­sinni katerisimaar­nis­sin­niluun­niit aalakoor­nar­tor­talin­nik imigas­saqas­sava? Aalajangiil­luarsin­naajumal­lutit VIDEO takusiuk.

Romamiut 13:13 aamma Korintimiunut 1. 10:31, 32 atuarsigit. Allas­simaf­fiit ataasiak­kaarlugit atuariarlugit apeq­qut una eqqar­torsiuk:

• Jehovamit iluarisaajumal­lutit aalajangiiniar­ninni najoq­qutas­siaq qanoq iluaqutigisin­naaviuk?

 5. Qanoq imertigissanerlutit aalajangerit

Imigas­sar­tor­niarlutit aalajangeruit una eqqaamajuk: Jehovap imigas­sar­tor­neq ajorin­ngik­kaluarlugu imigas­sar­tor­pal­laar­neq assuaraa. Sooq? Hosea 4:10, 11, 18 atuarsigit apeq­qullu una eqqar­torlugu:

• Imigas­sar­tor­pal­laaraanni susoqarsin­naava?

Imigas­sar­tor­pal­laar­naveersaar­nis­samut suna iluaqutigis­savar­put? Makitanaveersaar­tariaqar­pugut, tassa imersin­naasatta kil­leqar­nera eqqumaf­figisariaqar­par­put. Ussatit 11:2 atuarsiuk apeq­qullu una eqqar­torlugu:

• Sooq silatusaar­nerua qanoq imer­tiginis­sap­pit aalajanger­nis­saa?

6. Imerajuttuujunnaarnissamut suut iluaqutaasinnaasut

 EQIKKAANEQ

Imigas­saq nuan­naarutis­satut Jehovamit tunis­sutaavoq, imigas­sar­tor­pal­laar­nerli aalakoor­nerlu assuarai.

Uteqqiineq

• Biibilimi imigas­saq pil­lugu qanoq allas­simasoqarpa?

• Imigas­sar­tor­pal­laar­neq sunik navianar­tor­taqarpa?

• Allat imigas­sar­tor­neq pil­lugu aalajangiinerat qanoq ataq­qisin­naavar­put?