YOFUNJEDHA 43
N’nga Bibilya linaongan’ni vamwasa wa vyomwa vyolezeli-a?
Atu ilambonimu tanokaana mathuulelo o-iyana i-yana vamwasa wa vyomwa vyolezeli-a. Enango tanosakula umwa vyomwa vyolezeli-a naafwiwa tawaredhanga. Mbwenye enango tanosaku ira katimwe vyomwa vyolezeli-a. Atu enango thitho tanomwa fiyedhela lezela. N’nga Bibilya linoonga vyoi a-vi vamwasa wa vyomwa vyolezeli-a?
1. N’nga umwa vyomwa vyolezeli-a kudawa?
Bibilya kalinoonga ira umwa vyolezeli-a kodaweya. Mbwenye laonganga va vyongo vyapama vinjinji viniva-idhe Yohova, linoonga thitho vya “vinyu unosangalali-a rima wa mutu.” (Salimo 104:14, 15) Thitho alombwana naa-iyana enango ororomeleya oongiwa Bibilyani, tanoomwa vyolezeli-a.—1 Timoteo 5:23.
2. N’nga Bibilya linovelela malangi-o oi a-vi waatu tasakunle umwa vyomwa vyolezeli-a?
Yohova unokondi-a umwa vyolezeli-a mokwaranya madile thitho lezela. (Agalatiya 5:21) Madhwee anoonga ira: “Kukale vari vaatu omwa vinyu maningi, thitho vari vaatu odya nyama mwarima.” (Sanganiko 23:20) Moi e-no nasakulanga umwa vyomwa vyolezeli-a, masiki nikale vaoka kaninofwanela umwa maningi fiyedhela imwanana thuulela pama, imwanana onga thitho a-ira vyongo mwazelu venango fiyedha vononga manungwi-u. Mbwenye akala vinonirucha umwa vyomwa vyolezeli-a modhikondi-a, vinokala pama i-yelatu.
3. N’nga ninathonyi-edhe a-vi ira ninolemeza visakunle atu enango vamwasa wa vyomwa vyolezeli-a?
Mutu uliwethene unofwanela sakula eka akala unofuna umwa vyolezeli-a venango kabe. Mutu unango asakula umwa vyolezeli-a mo-okwaranyi-a madile, kanim’tonge. Thitho akala mutu unango usakunle a-mwa vyolezeli-a kanim’kanyi-edhe ira arome umwa. (Aroma 14:10) Mbwenye ninooda sakula a-mwa vyolezeli-a akala ira atu enango tanooda sukwala venango akala ira umwa vyolezeli-ao unooda dhi-a vyorucha waatu enango. (Muleri Aroma 14:21.) Ninodhilimbi-edha rambela irana vyongo “vyoganyali-a i-yo okene baa-i, mbwenye vyoganyali-a thitho mutu unango.”—Muleri 1 Akoritiyo 10:23, 24.
FUNJEDHANI VINJINJI
Muone makundo a Bibilyani anaukami-eni sakula umwa vyolezeli-a venango a-mwa thitho injiva wa vyomwa vinaodenyo umwa. Muone thitho vinairenyo akala ira munorucheya umwa vyomwa vyolezeli-a mo-odhikondi-a.
4. Munooda sakula umwa vyolezeli-a venango a-mwa
N’nga mathuulelo a Yesu tali oi a-vi vamwasa wa vyomwa vyolezeli-a? Ira niwakule yofuka yei, dhoweni nioneni yodabwi-a yoroma yairile Yesu. Muleri Juwau 2:1-11, mwamala mutapanye vyofuka vyo-arelavi:
-
Movwelana na vilerile i-yovi, n’nga mathuulelo a Yesu mboi a-vi vamwasa wa vyomwa vyolezeli-a, n’nga munoaona a-vi atu tanosakula umwa vyomwa vyolezeli-a?
-
Voi Yesu kanoona ira umwa vyolezeli-a kudawa, n’nga Kristau unofwanela m’mona a-vi mutu usakunle umwa vyolezeli-a?
Angalive ira Kristau utokaana ufulu osakula umwa vyomwa vyolezeli-a vahora dhinango, kavinokala vya zelu irana vyevi. Muleri Sanganiko 22:3, mwamala muone mwemo makundo o-arela munaukami-edheni aliwa idhiwa, akala ira munofwanela umwa vyomwa vyolezeli-a venango kabe:
-
Akala munofuneela wendi-a karo venango i-ndi-edha basa makina enangweene.
-
Akala ira mutokaana wise.
-
Akala firimero utouwandelani ira mu-iye umwa.
-
Akala ira munomwa vyomwa vyolezeli-a mo-odhikondi-a.
-
Akala ira lamulo lailambo inokalanyo linoukondi-ani umwa vyomwa vyolezeli-a.
-
Akala ira muli vambo-i na mutu usakunle a-mwanga vyomwa vyolezeli-a namwasa oi ndulimu anomwa vyomwa vyolezeli-a mokwaranyi-a madile.
N’nga chini inofuna ukami-ani idhiwa akala ira pyofwanela kaana vyomwa vyolezeli-a va festa yothelana venango va vyoireya vinango? Ira mwiidhiwe vyofwanelela viirana, Muonele VIDIYO.
Muleri Aroma 13:13 na 1 Akoritiyo 10:31, 32. Mwamala leri malembala, mutapanye yofuka yo-arelai:
-
N’nga i-ndi-edha basa makundo amalembala unaukami-eni a-vi sakula vyongo vinam’sangalali-e Yohova?
Kristau uliwethene unasakula ekene umwa vyolezeli-a venango a-mwa. Angalive ira kristau unango unomwa, hora dhinango unooda sakula a-mwa
5. Thuulelani iinjiva wa vyomwa vyolezeli-a vinofwanelanyo umwa
Akala musakunle ira mumwenga vyomwa vyolezeli-a, muthuulelenga likundoli: Angalive ira Yohova kanakondi-a umwa vyomwa vyolezeli-a, mbwenye unokondi-a umwa mokwaranyi-a madile. Mwasiwa ngwan’ni vyevi vili e-ni? Muleri Oseya 4:11, 18, mwamala mutapanye yofuka yo-arelai:
-
Chini inaireye akala mutu utomwa vyomwa vyolezeli-a vinjinji?
Chini inofuna nikami-a ira na-amwe vyomwa vyolezeli-a vinjinji? Ninofwanela zindiyela madili-u vorambela umwa vyolezeli-a mokwaranyi-a madile. Muleri Sanganiko 11:2, mwamala mutapanye yofuka yo-arelai:
-
Mwasiwa ngwan’ni munofwanela dhi-elela madile a vyomwa vinofwanelanyo umwa?
6. Chini inam’kami-e mutu ira a-iye umwa vyomwa vyolezeli-a mokwanyi-a madile?
Muone vyam’kami-idhe mutu unango ira a-iye umwa vyomwa vyolezeli-a mokwaranyi-a madile. Muonele VIDIYO, mwamala mutapanye vyofuka vyo-arelavi.
-
N’nga Dmitry airecha a-vi alezela?
-
N’nga liye atooda i-yachi umwa vyomwa vyolezeli-a fendo imbo-ive?
-
Chini yam’kami-idhe ira a-iyeletu umwa vyomwa vyolezeli-a mokwaranyi-a madile?
Muleri 1 Akoritiyo 6:10, 11, mwamala mutapanye vyofuka vyo-arelavi:
-
N’nga Bibilya linoonga vyoi a-vi vamwasa omwa vyolezeli-a mokwaranyi-a madile?
-
Chini inothonyi-edha ira mutu unomwa vyomwa vyolezeli-a mokwaranyi-a madile unooda chinja?
Muleri Mateu 5:30, mwamala mutapanye yofuka yo-arelai:
-
Yesu vyaonga liye vyogwanda dhandha, athapulela ira ninofwanela rumela i-yachi irana vyongo vinango naifunelo yoi nim’sangalali-e Yohova. N’nga munaire a-vi akala vinouruchani i-yachi umwa vyolezeli-a mokwaranyi-a madile? a
Muleri 1 Akoritiyo 15:33, mwamala mutapanye yofuka yo-arelai:
-
N’nga chini inauireeleni akala munowaredhana atu anosimbwa dhiveliwana umwa vyolezeli-a?
MUTU UNANGO UNOODA UFUKANI IRA: “N’nga umwa vyomwa vyolezeli-a kudawa?”
-
N’nga nyo munam’mwakule a-vi?
MAKUNDO OGWANDELA
Vyomwa vyolezeli-a, chotuva iniva-idhe Yohova ira nisangalalenga. Mbwenye liye kanofuna ira nimwenga vyolezeli-a mokwaranyi-a madile venango lezela.
Vyofuka vyowelela
-
N’nga Bibilya linoonga vyoi a-vi vamwasa wa vyomwa vyolezeli-a?
-
N’nga umwa vyolezeli-a mokwaranyi-a madile unodhi-a nyarwa dhoi a-vi?
-
N’nga ninathonyi-edhe a-vi ira ninolemeza visakunle atu enango vamwasa wa vyomwa vyolezeli-a?
IDHIWANI VINJINJI
N’nga azombwe tanasakule a-vi vyongo mwazelu vamwasa wa vyomwa vyolezeli-a?
Muone ndhila dhinofwanelanyo a-rela ira mumali-e yorucha vamwasa omwa vyomwa vyolezeli-a mokwaranyi-a madile.
“Khalani ndi Maganizo Oyenera Pankhani ya Kumwa Mowa” (Nsanja ya Olonda, ya 1 wa Janeiro wa 2010)
N’nga kristau unofwanela irana mwambo ogumani-a magarafwa venango makopo a vyomwa?
“Mafunso Ochokera kwa Owerenga” (Nsanja ya Olonda, ya 15 wa Fevereiro wa 2007)
Mwasa oonga ira: “Ndali omwa maningi vyomwa vyolezeli-a,” muone vyamkami-idhe mutu unango ira a-iyachi umwa vyolezeli-a mwauchidakwa.
“Baibulo Limasintha Anthu” (Nsanja ya Olonda, 1 wa Maio wa 2012)
a Atu talemeele umwa maningi vyomwa vyolezeli-a, tanofwanela kami-iwa ximitari ira taode i-yachi. Thitho mafirimero manjinji tanoonga ira atu tana yorucha ninga yei katinofwanela umwa navang’onovene.
