Noyampa taltikpak, tataman kemej kiitaj tayil tein teuintij. Kemansa sekin tayij iniuan akin kuali mouikaj. Oksekin senkis amo tayij nion teyi tein kipias tayil tein teuintij. Sekin tayij hasta mouintiaj. ¿Toni kijtoua Biblia ika tayil tein teuintij?

1. ¿Tajtakol maj se tayi tein teuintij?

Biblia amo kijtoua ke tajtakol maj se tayi tein teuintij. Ta iTajtol Dios kijtoua ke “vino tein kiyolpaktia” akin nemi nikan taltikpak semej netetayokolilmej tein Jiova techmakatok (Salmo 104:​14, 15). Itech Biblia ininka motajtoua takamej uan siuamej akin amo kikaujkej Dios uan tayiaj tein teuintij (1 Timoteo 5:​23).

2. ¿Toni kiniluia Biblia akin kiixtaliaj tayiskej tein teuintij?

Jiova amo sayoj kitauelita tauanalis ta no maj aksa semi tayi tein teuintij (Gálatas 5:​21). Biblia kijtoua: “Amo ximoajsi iniuan akin tel tayij vino” (Proverbios 23:​20). Komo tikixtaliaj titayiskej tein teuintij, toselti oso iniuan oksekin, amo keman maj titayikan hasta amo tikmatiskejok toni tikijtouaj uan tikchiuaj oso maj amo tiyektanemilikanok. Amo no moneki tikauaskej maj tayil techkokolispeualti. Komo amo ueli tiktsakuiliaj kanachi titayij, okachi kuali maj senkis amo titayikan tein teuintij.

3. ¿Keniuj tiknextiaj ke tikpoujkaitaj tein oksekin kiixpejpenaj?

Tisejsemej moneki tikixpejpenaskej ox titayiskej tein teuintij oso amo. Uan amo moneki tikijijtoskej aksa akin kiixtalia tayis ika taixejekolis. Amo no moneki tikchikaujkauiskej aksa maj tayi komo kiixtalijtok amo kichiuas (Romanos 14:​10). Uan okachi kuali maj amo titayikan komo kinkuejmoloua oksekin (xikonita Romanos 14:​21). Akin tikchiuaj kemej Cristo amo tiktemouaj “tapaleuilis para tejuan san”, ta tein kinpaleuis oksekin (xikonita 1 Corintios 10:​23, 24).

 MAJ OKACHI TIMOMACHTIKAN

4. Xikonixpejpena ox tiontayis tein teuintij oso amo

¿Keniuj kiitaya Jesús maj se tayi tein teuintij? Para tikmatiskej maj tikitakan yekinika ueyi tachiualis tein kichiuak. Xikitakan Juan 2:​1-​11 uan ika xitajtokan nejin:

• ¿Keniuj kiita Jesús tayil tein teuintij uan akin tayij?

• Kemej Jesús amo kitauelitaya maj aksa tayi tein teuintij, ¿keniuj moneki tikitaskej aksa akin kiixtalia tayis?

Sayoj ke, maski aksa akin kichiua kemej Cristo uelis tayis tein teuintij, amo kijtosneki ke nochipa uelis kichiuas. Xikitakan Proverbios 22:3 uan ika xitajtokan ox uelis se tayis tein teuintij keman panos seki taman kemej nejin:

• Tikonnejnemiltiti se carro oso uejueyi teposmej.

• Komo tionsiuatsin akin kipiati se konetsin.

• Tapajtijkej mitsoniluij amo xiontayi tein teuintij.

• Ouij tikonixtalia kanachi tiontayis.

• Tanauatilmej tein kiixtaliaj tekiuanij kijtouaj amo xiontayi tein teuintij.

• Tionyetok iuan aksa akin kiixtalij amo tayis tein teuintij porin achto semi tayia.

¿Uelis tiontemakas tayil tein teuintij komo tionmonamiktia oso itech okse iluit? Para tikonmatis toni tikonchiuas xikitakan VIDEO.

Xikitakan Romanos 13:​13 uan 1 Corintios 10:​31, 32. Keman nankiitaskej sejse texto ika xitajtokan nejin:

• ¿Keniuj uelis mitsonpaleuis nejin tamachtilis tein kipia Biblia xikonchiua tein kiyolpaktis Jiova?

 5. Xikonixtali kanachi tiontayis

Komo tikonixtalij tiontayis tein teuintij, xikonelnamiki ke maski Jiova techkaua maj titayikan, kitauelita maj tiktelpanoltikan. ¿Keyej? Xikitakan Oseas 4:​11, 18 uan ika xitajtokan nejin:

• ¿Toni uelis kipanos aksa komo semi tayi?

¿Toni uelis techpaleuis maj amo timopanoltikan keman titayiskej tein teuintij? Moneki maj tiyolyemankej oso maj tikmatikan keman moneki timotsakuiliskej. Xikitakan Proverbios 11:2 uan ika xitajtokan nejin:

• ¿Keyej moneki tikixtaliskej kanachi titayiskej?

6. Toni kipaleuis aksa maj amo semi tayi tein teuintij

 TEIN TIKITAKEJ

Jiova techmakak tayil tein teuintij para ika timoyolpaktiskej, sayoj ke kitauelita maj semi se tayi uan maj se tauana.

Maj tikelnamikikan

• ¿Toni kijtoua Biblia ika tayil tein teuintij?

• ¿Toni tein amo kuali uelis panos komo semi se tayi?

• ¿Keniuj tiknextiaj ke tikpoujkaitaj tein oksekin kiixtaliaj ika tayil tein teuintij?