Ine ganse wild, dai lüür daue ni oiwerain denke oiwer gedränk woo álcool (spirtus) mank is, soo as snaps, wijn un andrer. Wek daue hen un wen gërn wat t’hoop mit dai andrer drinke. Andrer wile laiwe nischt drinke. Un nog wek andrer drinke sofeel bet’s besåpen ware. Åwer wat stäit ine Bijbel hijr oiwer?

1. Is forkërd drinke?

Ine Bijbel stäit ni dat forkërd is wat drinke. Mank dai geschenke wat God oos geewt hät is “dai wijn, wat dem kërl sij härts fröölig mökt”. (Salmo 104:14 un 15) Wek reäl kërls un fruuges wat ine Bijbel nent ware däire wat drinke. (1 Timóteo 5:23)

2. Wat fone formånen sin ine Bijbel tau dai wat uutsuike wat drinke?

Jehovaa sägt dat taufeel drinke un besåpen ware is forkërd. (Gálatas 5:21) Ine Bijbel stäit: “Hul dij ni mank dai wat feele wijn drinke.” (Provérbios 23:20) Dårweegen, wen wij wat drinke wij muite dat up ain fornünftig årt måke lijkerst wen wij alaine sin. Air mësch wat taufeel drinke däit krijgt ni onglig dacht un krijgt ni hule dat wat dai sägt un mökt. Un dårweegen kan dai uk krank ware. Wen wij oos ni hule krijge in wofeel as wij drinke, muite wij trecht sin taum nischt un går nischt drinke.

3. Wosoo kan man der andrer eer uutsuiken respektijre?

Jërer ainsig fon sich selwst mut uutsuike of dai wat drinkt urer ni. Wij döre kaine gerichte wat uutsöcht air bits drinke, un uk ni bijblijwe aim wat anbaire wat nischt drinke wil. (Romanos 14:10) Wij daue uutsuike nischt drinke wen der andrer dat ni anståe däit. (Lees Romanos 14:21) Wij suike ‘ni oose aigen wile, åwer dem andrer mësche sijne’. (Lees 1 Coríntios 10:23 un 24)

 DAU MËR LËRE

4. Dau uutsuike of’s duu drinke däist urer ni

Wat däir Jësus maine oiwer wat drinke? Dat airst bewunrig dail wat Jësus måkt hät helpt oos dai antwoord waite. Leest João 2:1 bet 11. Nåheer fortelt oiwer dai frågen hijr uuner:

• Wat däit dës geschicht oos inlëre oiwer dat wat Jësus maine däit (1) oiwer wat drinke, un (2) oiwer dai lüür wat drinke daue?

• Jësus hät ni sägt is forkërd wat drinke. Dårweegen, wat muite dai kristen denke oiwer dai wat uutsuike wat drinke?

Bloos dat dai kristen wat drinke koine, bedüürt ni dat is dat best ümer taum måken. Leest Provérbios 22:3. Nåheer fortelt wosoo dit wat hijr uuner stäit kan dij uutsuiken angåe:

• Wen’s duu fuire däist urer mit maschijne arbëre däist.

• Wen’s duu air klair kind luure däist.

• Wen dai dokter sägt duu dörst nischt drinke.

• Wen’s duu dij ni hule krijgst in ni taufeel drinke.

• Wen ni erlaubt is dat’s duu drinke däist.

• Wen’s duu mit aim t’hoop büst wat nischt drinke wil weegen dai hät al groot eelend dårweegen doirset.

Schast duu wat taum drinken ine hochtijd urer up anerd fest anbaire? Wat kan dij helpe taum hijr oiwer air uutsuiken måke? Kijkt der VIDEO.

Leest Romanos 13:13, 1 Coríntios 10:31 un 32. Nådem der airste spruch leese fortelt oiwer dai fråg hijr uuner un nådem dai twaite sprüüch leese, fortelt werer oiwer dai fråg hijr uuner:

• Wosoo nå dës belërung leewe kan dij helpe gaur uutsuiken måke wat Jehovaa gefale?

 5. Dau uutsuike wofeel as duu drinke däist

Wen’s duu uutsuike däist wat drinke, is gaud hijr andenke: Jehovaa sägt is ni forkërd wat drinke, åwer hai sägt is forkërd taufeel drinke. Woweegen? Leest Oseias 4:11 un 18. Nåheer fortelt oiwer dai fråg hijr uuner:

• Wat kan passijre wen air mësch taufeel drinke däit?

Wat wart oos helpe ni taufeel drinke? Wij muite forståe wofeel as wij drinke koine. Leest Provérbios 11:2. Nåheer fortelt oiwer dai fråg hijr uuner:

• Woweegen is gaud airer uutsuike wofeel as duu drinke däist?

6. Hülps tau dem wat taufeel drinkt

 WAT HÄWE WIJ HIJR LËRT?

Dai wijn un andrer gedränk sin wek fon dai geschenke wat Jehovaa oos geewt hät, åwer Jehovaa sägt is forkërd taufeel drinke un besåpen ware.

Denk dij ais nå

• Wat stäit ine Bijbel oiwer wat drinke?

• Woweegen is gefärlig taufeel drinke?

• Wosoo koine wij der andrer eer uutsuiken respektijre?