LÉZIʼI 43
Mékréeté gia mélouʼ lékô?
Pʉa ta ngiôôn té gwiée taʼ chʉo na légièe mélouʼ wô. Tso pʉa kouŋo lé nou mélouʼ fʉʼ yié po laa méchou pôb wô. Tso pʉa tsoʼ yôb paʼ yié ngouo po lé nou mélouʼ wô. Tso pʉa tchʉʼʉ lé nou yôb, nnou é kôg kôôg. Biible giè mélouʼ lékô?
1. Aa péʼé mbʉaga lé nou mélouʼ kée?
Biible té lʉʼ mélou wô. A gôôn ngié a gʉa na mékado mié Jéova la na né pʉa mésong, «mélouʼ gʉo létʉm gning mésong» kag (Zôbô ntsé 104:14, 15). Biible gôôn ngié tso mégaŋa faʼ Ssé pié é la kouè nnè na yé lôôn nnouou yôb mélouʼ (1 Timoté 5:23).
2. Biible na wèe ntʉôgô mbwo pʉa pié po tsôʼô lé nou mélouʼ?
Jéova tôʼô lé nou mélouʼ ta mbʉa po lé néŋé nké nnouou po mélouʼ (Galatia 5:21). Chouŋo Ssé gôôn ngié: «Té kouou tsétsèe panou mélouʼ tèʼ» (Provèebe 23:20). Ndôgô ngôôn ngié, pégé lôôn ntsôʼô lé nou mélouʼ, ka a wo po mbʉa pégé wôô, pégé pôôn lé nou ta ntchʉʼ nkouaŋa no po kékang, ka po lé maʼté méchouŋé maʼté wôô. Ta pégé ké nnou ta é koubé ngʉoo méno mégé, ka nna ngôʼ na nténtʉ yégé wo. Pégé lôôn té zsé nzuing mélouʼ mié ngouo pégé nou wô, mvfo wo paʼ pégé té zôôn nnou mélouʼ wô.
3. Pégé gwiée lé gia létsôʼ wé pétso pʉa na lénouou mélouʼ lékô?
Maawôôwôô zo gwiée lé tsôʼ ka a gé nou mélouʼ wôô, ka a té nou wôô. Gning lôôn mbing ntsôʼô lé nou mélouʼ ta a lé pʉa, mba pégé gwiée lé gwiée mékouʼ na wé létsôʼ; gning lôôn ndʉʼʉ lé nou mélouʼ, mba pégé té gwiée lé suièe yé ngié a nou mélouʼ wô (Roma 14:10). Pégé lôôn nzsé ngié gning lôôn ngia paʼ pégé nouou mélouʼ mba a gé gégé yé, pégé kouʼté mboum yégé (toŋo Roma 14:21). Pégé «té faʼa mmo yié a gé kuiété po two mboum yégé wô, pégé faʼa mmo yié a gé kuiété fa wégé» (toŋo 1 Korénto 10:23, 24).
YING NKUIʼI NZIʼI
Pôgô tsaasé mémbʉʉ Biible mié ngouo é kuiété wou lé tsôʼ ka ngouo o nou mélouʼ wôô, ka ngouo o lé nou wôô, mboo nzuing wuié ngouo o nou, paʼ o lôôn gé nou mélouʼ. Pôgô ying ngia mmo yié ngouo o gʉo paʼ yié o lôôn té né nkouŋo lé nou mélouʼ wô.
4. Tsôʼô ka o gé nou mélouʼ wôô, ka o té nou wô wôô
Yèeso lôôn ngia mélouʼ lékô? Pégé lôôn né nkouŋo lé zsé no moo, pégé chouŋo no na mvôg mvfo no môôn môôn yié a la gʉo. Toŋo Jang 2:1-11, mbing ngôôn no na môôn ménzaté:
-
Yôôn no môôn môôn yié Yèeso la gʉo, ziʼi wégé kô na nti yié a lôg ngia mélouʼ, mboo na nti yié a lôg ngia pʉa pié po tsôʼô lé nou mélouʼ?
-
Paʼ yié Yéeso té tôʼô lé nou mélouʼ wô la, ngouo taʼ Kréeté gia gning wuié a tsôʼô lé nou mélouʼ lékô?
Biible zuiing ngié Kréeté nou mélouʼ, mbing ntoo na tso métam a zèté lé gwiée léghié na lékouʼtée mboum yé moo. Toŋo Provèebe 22:3, mbing ngôôn no na nti yié ngouo o yiŋé na mémbʉʉ Biible paʼ méno paʼ môôn lôôn nthié ssé:
-
O gé lôgô mootoo ying ka yousé machʉng wôô.
-
Oo manzuié choung.
-
Lôgta gôôôn ngié o pôôn lé ying nnou mélouʼ.
-
O né nnouou mélouʼ é née ntôgô nzuing wuié o la tʉôgô lé nouou.
-
Aa tsèe you paga laʼ mé té zuing ngié mé nou mélouʼ wô.
-
Pi gning woo, a wo wuié a la tsôʼô lé lʉ mélouʼ nti noué a la té pʉlé mbwo yé lé zaʼa lé nou wo.
O lôôn ngé gʉo linôôn ka a wo po lôôn nda wôô, o gé gʉo too wo na mélouʼ mé nou kée? Gia choum sié ngouô é kuiété wou lé pʉèe no moo. Tsôʼô VIDÉO.
Toŋo Roma 13:13 po 1 Korénto 10:31, 32. O lôôn ntong môôn ménkang ŋwaʼné ta ntsuié jʉʼ, o gôôn no na yôôn ménzaté:
-
Ngouo sôôn lépʉʉ kuiété wou lé pi ndécisiông yié ngouo é poŋo Jéova lékô?
Wôôwôô Kréeté wôô zo gwiée lé tsôʼ ka a gé nou mélouʼ wôô, ka a té nou wô wôô. Mboo paʼ a tsôʼô lé nou mélouʼ, ngouo a ying nto tso fʉʼ nkouʼté mboum yé na lénouou mélouʼ.
5. Tʉôg nzuing mélou mié angouo o nou
O lôôn ntsôʼô lé nou mélouʼ o kimté ngié: Jéova zuiing ngié mé nou mélouʼ, ta ntôʼô lé nou mélouʼ ta é tchʉa. Nti kô? Toŋo Ozé 4:11, 18, mbing ngôôn no na yôôn ménzaté:
-
Gning lôôn nnou mélouʼ tèʼ mba ngouo kô too na yé?
Ngouo o gʉo lékô ta o lé nou mélouʼ tèʼ wôô? A zèté lé zsé chou lépaa, mbing ntʉôg nzuing wuié ngouo o nou mélouʼ. Toŋo Provèebe 11:2, mbing ngôôn no na yôôn nzaté:
-
Aa mbong lé tʉôgô paa na nzuing mélouʼ mié pégé tʉôgôô lé nou nti kô?
6. Mboum jou lôôn ntchʉʼ saʼa wou po ngié o nou mélouʼ, mba ngouo o gʉo lékô ta ngouaʼa wèe ma?
Gia tso mmo yié a la kuiété tsoo mambaŋa lé gouaʼa lé nou mélouʼ tèʼ. Tsôʼô VIDÉO, mbing ngôôn no na ménzaté mié ée mvfo.
-
Lénouou mélouʼ la gʉo lékô na Dmitry?
-
Ta a laa mvôg mvfo fʉʼ nkouʼou lé maga na lénouou mélouʼ?
-
Akô la ping nkuiété yé lé maga na wèe ma tépong?
Toŋo 1 Korénto 6:10, 11, mbing ngôôn no na môôn ménzaté:
-
Aa yèe piŋé tépong yié ngouo mé gwiée na lénouou mélouʼ té zaʼa paa?
-
Akô gniè ngié gning wuié a nou mélouʼ té zaʼa ngouo a koubé?
Toŋo Matio 5:30, mbing ngôôn no na yôôn nzaté:
-
Gning lé zaʼa pwo yé, aa légniée choum ta ngiôôn ndôg ngʉo ngié Jéova kag. Ngouo o gʉo lékô paʼ o né ndʉôʼô ma lé nou mélouʼ? a
Toŋo 1 Korénto 15:33, mbing ngôôn no na yôôn nzaté:
-
Méchou pou pié é nou mélouʼ tèʼ, ngouo po tsoté wou na ma lé nou mélouʼ lékô?
NGOUO MÉ ZATÉ WOU NGIÉ: «Ta aa péʼé mbʉaga lé nou mélouʼ?»
-
Angouo o tsôʼ ngié kô?
TA O ZIʼII KÔ?
Jéova la na mélouʼ lé lôg ngʉo létʉm ségé kag, taʼ a pʉa paʼ mé nou mélouʼ tèʼ, ka pégé lé gnié mélouʼ é saʼa wégé wôô.
Ta o né nkimté?
-
Biible gôôn ngié kô nti mélouʼ?
-
Lénouou mélouʼ tèʼ gwiée mèe méjʉôʼ?
-
Ngouo pégé gia létsôʼ wé pétso pʉa na no mélouʼ lékô?
KUIʼI FAʼ
Ngouachoum lôôn né nkouŋo lé tsôʼ chʉo wé mboŋo na no mélouʼ mba ngouo a gʉo lékô?
Méntʉôgô mié ngouo é kuiété gning wuié a né nkouŋo lé gouaʼa ma lé nou mélouʼ.
« Quelle place lʼalcool a-t-il dans votre vie ? » (La Tour de Garde, 1er janvier 2010)
Ta Kréeté po chou wé lôôn né nnouou mélouʼ, po yé tchouaté ménglaasé ta nnou?
« Questions des lecteurs » (La Tour de Garde, 15 février 2007)
Mmo yié a la kuiété gning wuié a la gwiée ma lé nou mélouʼ lé zaʼa wèe ma, Biographie « Jʼétais une barrique sans fond ».
« La Bible transforme des vies » (La Tour de Garde, 1er mai 2012)
a Ngouo a zaté mbwo gning wuié a nou mélouʼ tèʼ tsoo lôgta wuié a gé kouaʼ kuiété yé lé zaʼa paa. Mélôgta ta ngiôôn gôôn ngié pʉa pié po nou mélouʼ tèʼ té gwiée lé ying nnou mboo méjʉʼ wô.
