Po gatꞌho rä Xiꞌmhai, yä jäꞌi hingi mbeni mähye̱gi de yä bebida o yä ithe. Rꞌaa di nzäi dä zi ora ja nꞌa rä ñhuni o nꞌa rä ngo. Märꞌaa preferi hinte dä zi. Pe märꞌa yä jäꞌi di ho dä zi xa ndunthi yä ithe asta xa dä nti. Pe, ¿te mängä rä Biblia de yä bebida?

1. ¿Hinxä ñho toꞌo dä zi yä bebida o yä ithe?

Äjuä hingi proibi toꞌo dä zi nꞌa tu̱i rä ithe. Al contrario, entre nuꞌu̱ yä kosa xä rꞌakägihu̱ rä Zi Dada Jeoba pa gä tsihu̱, ꞌnehe xä uni rä bebida pa gä disfrutahu̱. Rä Biblia enä ge «rä binu [...] japi dä johya rä koraso nꞌa rä jäꞌi» (Salmo 104:14, 15). Asta rꞌa de nuꞌu̱ yä ꞌme̱go Äjuä de mäyaꞌmu̱ mi tsi rä binu (1 Timoteo 5:23).

2. ¿Te mä konseho uni rä Biblia pa nuꞌu̱ di ho dä zi yä bebida o yä ithe?

Rä Zi Dada Jeoba di kondenä rä nti o toꞌo dä zi ndunthi yä bebida o yä ithe (Gálatas 5:21, TNM). Rä Biblia enä: «Ogi nthäntsꞌi ko nuꞌu̱ tsi ndunthi rä binu» (Proverbios 23:20). Hänge mu̱ di hohu̱ gä tsihu̱ rä bebida—asta nuꞌmu̱ hinto hanꞌgägihu̱—hindi debe gä tsihu̱ xa ndunthi. Ngeꞌä ma dä jakägihu̱ gä ꞌme̱di mä mfenihu̱, ꞌne hingä geꞌä ma gä mäñhu̱ ꞌne gä pe̱hu̱. ꞌNehe, yä bebida dä za dä perjudikabi mä ndoyꞌohu̱. Hänge mu̱ hindi pädihu̱ gä eñhu̱ «ya kongeꞌä» ora di fu̱dihu̱ di tsihu̱ yä bebida, mänꞌa dä hogi gä o̱thu̱ ntsꞌe̱di po hinte mä bebida gä tsihu̱.

3. ¿Hanja di debe gä respetahu̱ yä desision märꞌaa?

Kada nꞌa rä jäꞌi pe̱ꞌtsi nderecho de dä desidi mu̱ dä zi rä bebida o hinä. Hindi debe gä juzgahu̱ nuꞌu̱ desidi dä zi nꞌa tu̱i rä bebida, ha nixi di debe gä obligabihu̱ märꞌa pa dä zi (Romanos 14:10, TNM). ꞌNehe, mu̱ di pädihu̱ ge märꞌaa dä za dä me̱ꞌtsi yä xuñha nu xti hyandi ge di tsihu̱ yä bebida, mänꞌa dä hogi hingä tsihu̱ (hñeti Romanos 14:21, TNM). Rä Biblia di mändagihu̱: «Kada nꞌa de geꞌähu̱ sigi gi hyonihu̱, hingä ri ñhose̱hu̱, pe hää hyombäbihu̱ yä ñho märꞌaa» (hñeti 1 Corintios 10:23, 24, TNM).

 HANJA DÄ ZA DÄ MAXꞌÄꞌI RÄ NOYA ÄJUÄ

4. Mbeni xä ñho änte de gi tsi yä bebida

¿Hanja mi handi rä Hesu yä bebida? Pa gä pädihu̱, ma gä handihu̱ näꞌä rä mu̱di milagro bi ja. Hñetihu̱ Juan 2:1-11, TNM, ꞌnepu̱ thädihu̱ nuya yä ntꞌani:

• Ja ngu dä handihu̱ ha nuya yä testo, ¿hanja mi handi rä Hesu rä binu ꞌne nuꞌu̱ toꞌo mi tsi?

• Rä Hesu himbi kondenä nuꞌu̱ mi tsi rä binu. ¿Hänge hanja di debe gä handihu̱ nuꞌu̱ toꞌo di desidi dä zi nꞌa tu̱i rä bebida o rä ithe?

Mäske gi ho gi tsi nꞌa tu̱i rä bebida o rä ithe, hindi signifika ge nzäntho ma dä za gi tsi. Hñetihu̱ Proverbios 22:3, ꞌnepu̱ hyandihu̱ por hanja mänꞌa dä hogi hinte mä bebida gi tsi:

• Ora ma gi maneja nꞌa rä karro o nꞌa rä mäkinä.

• Mu̱ nuꞌi grä ꞌme̱hñä ꞌne gi datꞌhi.

• Mu̱ rä mediko xä xiꞌi ge hindi debe gi tsi yä bebida.

• Mu̱ hingi pädi gi mide hängu rä ndunthi näꞌä ma gi tsi.

• Mu̱ yä autorida di proibi toꞌo dä zi yä bebida.

• Mu̱ ꞌmu̱pu̱ nꞌa rä jäꞌi näꞌä xä desidi ya hindä zi yä bebida.

Mu̱ ma dä nja nꞌa rä nthäti o nꞌa rä kombibio, ¿ma gi uni yä ithe? Yꞌe̱ntsꞌihu̱ rä BIDEO pa gi hyandihu̱ te dä za dä maxꞌäꞌi pa gi desidi mu̱ gi uni yä bebida o hinä.

Hñetihu̱ Romanos 13:13 ꞌne 1 Corintios 10:31, 32, TNM. Mꞌe̱fa de gi hñetihu̱ kada nꞌa de nuya yä testo, thädihu̱ nunä rä ntꞌani:

• Mu̱ nzäntho gi yꞌo̱tꞌe ngue̱nda nunä rä testo, ¿hanja geꞌä ma dä maxꞌäꞌi gi pe̱fi näꞌä di ho rä Zi Dada Jeoba?

 5. Mu̱ ma gi tsi rä bebida, oxa gi tsi ndunthi

Mu̱ rꞌabu̱ gi ho gi tsi rä bebida o rä ithe, beni xä ñho ge rä Zi Dada Jeoba hingi proibi toꞌo dä zi rä bebida. Pe hää di kondenä toꞌo dä zi ndunthi o dä nti. ¿Por hanja? Hñetihu̱ Oseas 4:11, 18, ꞌnepu̱ thädihu̱ nunä rä ntꞌani:

• ¿Te thogi ora nꞌa rä jäꞌi tsi ndunthi yä bebida?

¿Te dä za gä pe̱fihu̱ pa gä midehu̱ näꞌä rä bebida di tsihu̱ ꞌne njabu̱ hingä tsihu̱ xa ndunthi? Pe̱ꞌtsi te mꞌe̱tꞌo gä handihu̱ ꞌne gä rekonosehu̱ te thogi kongekhu̱ ora thogi rä ndunthi näꞌä rä bebida di tsihu̱. Hñetihu̱ Proverbios 11:2, ꞌnepu̱ thädihu̱ nunä rä ntꞌani:

• Änte de gi fu̱di gi tsi nꞌa rä bebida, ¿por hanja mähyoni gi hñutsꞌi nꞌa rä limite pa njabu̱ hingi tsi ndunthi?

6. Nuꞌi dä za gi täpäbi rä bisio

 NÄꞌÄ DÄ PÄDIHU̱

Rä Noya Äjuä mää ge entre nuꞌu̱ yä kosa xä rꞌakägihu̱ rä Zi Dada Jeoba pa gä tsihu̱, ꞌnehe xä uni rä bebida pa gä disfrutahu̱. Pe rä Zi Dada Jeoba di kondenä rä nti o toꞌo dä zi ndunthi yä bebida o yä ithe.

Pa gä benihu̱

• ¿Te udi rä Biblia de yä bebida o yä ithe?

• ¿Te mä peligro di ñhandui nuꞌu̱ tsi ndunthi yä bebida?

• ¿Hanja dä za gä udihu̱ ge di respetabihu̱ yä desision tanto nuꞌu̱ desidi dä zi nꞌa tu̱i rä bebida ngu nuꞌu̱ hinä?