LEKSION 43
Antoy Pangipapasen na Saray Kristiano ed Alak?
Nandurumay opinyon na totoo ed alak. Saray arum, labay day oninum ya sagpaminsan kaiba iray kakaaro da. Saray arum balet et agbalot oniinum. Pero wala ray arum ya labalabay day oninum ya anggad punton nabuek la ra. Antoy ibabaga na Biblia nipaakar ed alak?
1. Mauges kasi so oninum na alak?
Ag-ibabawal na Biblia so oninum na alak. Diad tua, nen binitla na Biblia so dakel ya regalo na Dios, kaiba ed satan so “alak a mamapaliket ed puso na too.” (Salmo 104:14, 15) Tan wala ray abitla ed Biblia ya matoor ya lalaki tan bibii ya inminum met na alak.—1 Timoteo 5:23.
2. Antoy bilin na Biblia ed saramay labay day oninum?
Kabusol nen Jehova so alabas ya kakainum tan panagbuanges. (Galacia 5:21) Ibabaga na Salita to: “Agka magmamaliw a sakey ed saramay mainum na alak.” (Proverbio 23:20) Kanian no oninum tayo kaibay arum odino bukor tayo, agtayo oniinum na alablabas ya anggad punto ya agti la makaisip na duga, agti la nakontrol so panagsalita tan kagagawa tayo, tan naapektoan lay laman tayo. No agtayo nakontrol so kakainum tayo, gawaen tayoy anggaay nayarian tayon tundaan la itan.
3. Panon tayon nigalang so desisyon na arum no oninum ira o andi?
Desisyon na kada sakey no oninum ira odino andi. Agtayo huhusgaan iramay labay day oninum na katamtaman tan agtayo met pipiliten iramay agda labay so oninum. (Roma 14:10) Agtayo oninum no say kakainum tayo et pakaproblemaan na arum. (Basaen so Roma 14:21.) Say “pankaabigan na arum a too, aliwan say dilin pankaabigan [tayo]” so isipen tayo.—Basaen so 1 Corinto 10:23, 24.
DAKEL NI NAARALAN MO
Amtaen iray prinsipyo na Biblia ya makatulong no kasin oninum ka tan no panon karakel so inumen mo. Amtaen met so gawaen no walay problemam ed kakainum.
4. Mandesisyon no kasin oninum ka o andi
Antoy impangipasen nen Jesus ed iyinum na alak? Pian naamtaan, nengnengen so unonan milagro ya ginawa to. Basaen so Juan 2:1-11, insan ebatan iraya:
-
Diad sayan milagro, antoy naaralan tayo ya pangipapasen nen Jesus ed alak tan ed saray oniinum?
-
Lapud ag-impasen nen Jesus ya mauges so oninum na alak, antoy pangipasen na Kristiano ed sakey ya oniinum na alak?
Balet, anggano nayarin oninum na alak iray Kristiano, agto labay ya ibagan lanang la ran oninum. Basaen so Proverbio 22:3, insan nengnengen no kasin oninum ka ed sarayan situasyon:
-
Manmaneho ka odino man-operate na makina.
-
Malukon ka.
-
Imbaga na doktor ya agka nayarin oninum na alak.
-
Agmo nakontrol so karakel na kakainum mo.
-
Ibabawal na batas ya oninum kay alak.
-
Walay kaibam ya agto labay so oninum ta dati et walay problema to ed kakainum na alak.
Kasin mangi-serve kay alak diad reception na kasal mo odino diad arum nin okasyon? Pian natulongan kan mandesisyon, i-play so VIDEO.
Basaen so Roma 13:13 tan 1 Corinto 10:31, 32. Kayarin abasa so kada teksto, ebatan iya:
-
Panon ya makatulong iyan prinsipyo pian makapanggawa kay desisyon ya makapaliket ed si Jehova?
Desisyon na kada Kristiano no oninum o andi. Anggano no maminsan et oniinum met, ompan wala ray pankanawnawa ya pilien toy ag-oninum
5. Mandesisyon no panon karakel so inumen mo
No mandesisyon kan oninum na alak, tandaan mo iya: Ag-ipapasen nen Jehova ya mauges so oninum na alak, pero kabusol toy alabas ya kakainum. Akin ey? Basaen so Oseas 4:11, 18, insan ebatan iya:
-
Antoy nagawa no nasobraan na sakey so oninum?
Antoy gawaen tayo pian agtayo oninum na sobra? Dapat mapaabeba tayo tan amta tayoy limitasyon tayo. Basaen so Proverbio 11:2, insan ebatan iya:
-
Akin et maabig no antam ya limitaan so karakel na inumen mo?
6. Say makatulong pian nitunday alabas ya kakainum
Amtaen no panon ya atulongan so sakey ya laki ya nitunday alabas ya kakainum. I-play so VIDEO, insan ebatan iraya.
-
Diad video, antoy epekto na alak ed si Dmitry?
-
Nitunda to kasin tampol so kakainum to?
-
Antoy akatulong pian nitunda ton siansia so inkaadik to ed alak?
Basaen so 1 Corinto 6:10, 11, insan ebatan iraya:
-
Antoy ibabaga na Biblia tungkol ed panagbuanges?
-
Antoy mangipapanengneng ya say sakey ya alabas so kakainum to et sarag toy manguman?
Basaen so Mateo 5:30, insan ebatan iya:
-
Nen imbaga nen Jesus ya putoten so lima, say labay ton ibaga et mansakripisyo tayo pian napaliket si Jehova. Antoy gawaen mo no naiirapan kan itunda so alabas ya kakainum? a
Basaen so 1 Corinto 15:33, insan ebatan iya:
-
Antoy epekto ed sika no alabas so kakainum na kakaarom?
NO ITEPET NA ARUM: “Mauges sirin so oninum?”
-
Antoy ibagam ey?
SUMARYO
Inter nen Jehova so alak pian maliket tayo. Pero, agto labay so sobran kakainum tan panagbuanges.
Rebyu
-
Antoy ibabaga na Biblia nipaakar ed alak?
-
Akin et delikado so alabas ya kakainum?
-
Panon tayon nigalang so desisyon na arum nipaakar ed kakainum?
DISKOBRIEN
Antoy makatulong ed saray tinedyer ya makapandesisyon no oninum ira o andi?
Antoy makatulong pian nitundam so problemam ed kakainum?
“Kontrolen so Kakainum Moy Alak” (Say Panag-bantayan, Enero–Marso 2010)
Nayari kasi ed saray Kristiano so man-toast?
“Tepetepet na Saray Managbasa” (Say Panag-bantayan, Pebrero 15, 2007)
Diad istorya ya say title to et “Danum Koy Alak,” amtaen no panon ya nitunda na sakey a laki so alabas ya kakainum to.
“Uumanen na Biblia so Bilay” (Say Panag-bantayan-E, Mayo 1, 2012)
a Nayarin kailangan na saray adik ed alak so tulong na saray doktor. Ibabaga na dakel ya doktor ya no say sakey et walay problema to ed kakainum, dapat aglan balot oniinum.
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
