Pe sea i phuv, le manușa dichen diferime o pimos. Poiechdata, unii manușa pien penghe amalența. Aver alosaren te na pien niciechdata. Cu sea cadala, si manușa cai pien ji cana mation. Tha so phenel i Biblia anda o alcoolo?

1. Si nasul te pies alcoolo?

I Biblia ci phenel că si nasul te pies alcoolo. Cana i Biblia del duma anda le daruri cai dea-le amenghe o Del, voi phenel vi anda i „mol, cai cherel voime o ilo le manușesco”. (Psalmo 104:14, 15) Chichiva murșa hai jiuvlea loialo anda save del duma i Biblia pienas poiechdata alcoolo. (1 Timotei 5:23)

2. So sfaturi del i Biblia codolenghe cai alosaren te pien alcoolo?

O Iehova dichel nasul cana varecon piel prea but alcoolo, sau cadichi de but ji cana matiol. (Galateni 5:21) Lesco Cuvânto phenel: „Te na aves mașcar codola cai pien prea but mol”. (Proverbe 23:20) Cadea că, cana alosaras te pias alcoolo – vi cana sam corcore – ci trebulas te pias cadichi de but, ji cana hasaras amari goghi hai ci mai daisaras te încăras parpale amare dumes hai amaro phiraimos, sau te arăsas te peras nasfale. Dacă ci daisaras te încăras-ame parpale, trebulas te na mai pias niciechdata.

3. Sar trebul te dichas codolen cai alosaren te pien hai codolen cai alosaren te na pien alcoolo?

Fiesavo manuș trebul te alosarel corcoro dacă piel sau nici alcoolo. Anda codoia, ci trebul te judechisaras varecas cai camel te piel iech țâra hai nici te cheras varecas te piel alcoolo dacă ci camel. (Romani 14:10) Cadea că, si mai mișto te alosaras te na pias, cana cadaia peravel averen. (Citisaren Romani 14:21.) Va avela te rodas ‘na amaro miștimos, tha averengo’. (Citisaren 1 Corinteni 10:23, 24.)

 HACHIAR MAI MIȘTO

4. Tu alosares dacă pies sau nici alcoolo

Sar dichlea o Isus o alcoolo? Hachiaras cadaia, anda o iechto miracolo cai cărdea-les o Isus. Citisaren Ioan 2:1-11 hai pala codoia den duma:

• So sichioas anda cado miracolo anda sar dichel o Isus o alcoolo hai codolen cai pien?

• O Isus ci phendea că si nasul te pies alcoolo. Cadea că, sar trebul te dichel iech creștino varecas cai alosarel te piel?

Cu sea cadala, chiar cana na-i nasul ca iech creștino te piel alcoolo, cadaia ci însemnol că si sea o timpo mișto te piel. Citisaren Proverbe 22:3 hai pala codoia den duma dacă si mișto sau nici te pies ande cadal situații:

• Va avela te trades i mașina sau te folosisares iech utilajo.

• San phari.

• Iech doctoro phendea tuche te na pies alcoolo.

• Ci daștis te pies numai iech țâra, sea o timpo pies prea but.

• I legea ci mechel-tu te pies alcoolo.

• San varecaia cai acana ci mai camel te piel anda codoia că mai anglal pielas prea but.

Trebulas te des alcoolo ca iech abiav sau ca iech petrecerea? Angla te alosares so te cheres, dichen o MATERIALO VIDEO.

Citisaren Romani 13:13 hai 1 Corinteni 10:31, 32 hai pala fiesavo verseto, roden o răspunso ca o pușimos:

• Sar ajutin-tu cadal versetea te les iech lași decizia andel iacha le Iehovasche?

 5. Tu alosares chichi de but alcoolo te pies

Cana alosares te pies, na bâstăr: O Iehova ci dichel nasul te pies alcoolo, tha vo phenel că si nasul te pies prea but. Sostar? Citisaren Osea 4:11, 18 hai pala codoia den duma:

• So daștil te întâmplol-pe cana varecon piel prea but?

So daisaras te cheras caște na arăsas te pias prea but? Trebul te avas modesto. Cadaia însemnol te prinjianas amare limitea, te jianas chichi de but daisaras te pias. Citisaren Proverbe 11:2 hai pala codoia den duma:

• Sostar si mișto te jianes exacto de mai anglal chichi alcoolo va avela te pies?

6. Sar daștis te meches-tu dacă pies prea but

 SO SICHILEAM

O alcoolo si iech mașcar le daruri cai o Iehova dea-le amenghe caște avas bucurime. Tha vo ci camel te pias prea but sau te arăsas mate.

So dichleam

• So phenel i Biblia anda o alcoolo?

• Sar arăsăn codola cai pien prea but?

• Sar trebulas te dichas codolen cai pien hai codolen cai ci pien alcoolo?