Guü̃ma i Naanewa muü̃ma duü̃ü̃gü nüü̃ nangẽma natoraü̃ü̃gu narüĩnüẽgü i dégütchiga. Nümaü̃güü̃ name i nhureeꞌpüꞌcüna wüigu namücügümaã naaeü̃. Togü tama nanawaꞌe naaeü̃ i dégü. Rü nangẽma yíemagü na ãũrima iaegü rü ingãẽ. Notürü taꞌacü i Tupanaarü Ore nüü̃ niu i dégütchiga?

1. Eꞌna naaeü̃ i dégü ngẽma rü gutchinü niĩ?

Rü Tupanaarü Ore tama nüü̃ niu na naaeü̃ i dégü na ngẽma gutchinü niĩ. Erü nhanagürü: ‘Rü duü̃xü̃güna nanaxã rü norü taãxẽxẽẽruxü̃ i bínu.’ (Salmos 104:14, 15) Rü nhaãcü ngẽma niĩ wüi Tupanaarü ãmare na tüna naãü̃. Tupanaarü Orewa rü nanaweꞌ ga muü̃ma i Tupanaarü duü̃ü̃gü nanaaegü ga dégü. — 1 Timúteu 5:23.

2. Ngeü̃rüüü̃ niĩ i ucuꞌẽgü na Tupanaarü Ore tüna naã?

Yeuwa nüü̃ niu na gutchinü niĩ na ãũrima iaegü rü ingãẽ. (Gárataanecü̃ãꞌ 5:21) Rü Tupanaarü Ore nhanagürü: “Rü taxṹ i namaxã cuxãmücüxü̃ i ngẽma ngaxewa̱xexü̃ rü ngẽma taanügüxü̃!” (Provérbios 23:20) Ngẽmacaꞌ tchi tá nüica naaeü̃gu i dégü urü wüigu togümaã, rü name niĩ naũãẽ na tama i ngãẽẽẽtchaü̃ niĩgüü̃caꞌ. Ngẽguma wüi duü̃ü̃ naaeü̃tchigu i dégü rü tama nügümaã inacuaꞌ rü ngẽmagagu nüü̃ niu rü naü taꞌacü niĩ tchieü̃, rü norü saúdeü̃ natchieẽẽ. Rü ngẽguma tchi naaegu rü tama nügümaã nacuaꞌgü rü nhuꞌmatchi nawaꞌe íyatchaãtchi nanaaeü̃ i dégü.

3. Ngẽguma wüi duü̃ü̃ nüü̃ naunetagu nanaaeü̃ i dégü urü tama, nhuãcü inaweꞌgüü̃ na nüü̃ ingetchaü̃ i norü uneta?

Rü duü̃ü̃ nüü̃ ideetchiü̃ tchi tá naaeü̃ i dégü urü tama. Rü tama name tchiri nüü̃ tiu i wüi duü̃ü̃ na nüü̃ ideetchiü̃ naaeü̃ i dégü. Notürü naũãẽwaꞌeü̃ na tama ngãẽwaꞌeü̃caꞌ rü ta tama name wüi duü̃ü̃ tatchieweü̃ na naaeü̃caꞌ i dégü. (Romacü̃ãꞌ 14:10) Notürü tama taaeü̃ i dégü tchi ngẽmagagu tchieü̃gu tananguẽẽgu i togü. (Nawa naugütae Romacü̃ãꞌ 14:21.) Ngẽmaétüwa “rü tama name nixĩ i tóxrütama mexü̃ca̱x tadaugü, natürü name nixĩ i togüarü mexü̃ca̱x tadaugü”. — Nawa naugütae 1 Corĩ́tiucü̃ãꞌ 10:23, 24.

 YEERA NÜÜ̃ CUCUAꞌ

4. Meã nangugü tchi tá quiaü i dégü urü tama

Yeguma wüi duü̃ü̃ naaegu ga dégü, taꞌacü ga Ngetchutchu nagu narüĩnüü̃ i yematchiga? Rü nüíraeꞌpüꞌcüna na Ngetchutchu rü Tupanaarü poramaã nanaü ga meü̃ rü tüü̃ nanaweꞌ i ngãü̃. Nawa naugütae Juã́ũ 2:1-11. Yicama pegümaã pideagü ngẽmatchiga:

• Nhuãcü rü wetchicurugü tüü̃ nanguꞌẽẽ taꞌacütchiga Ngetchutchu nagu rüĩnü i dégüchiga rü teétchiga naaeü̃?

• Ngetchutchu tama nüü̃ niu na ngẽma gutchinü niĩ i dégü. Notürü taꞌacü õgütanüü̃gü nanawaꞌe nagu narüĩnüẽ teé ya naaeü̃ i dégü?

Woo na õgütanüü̃güü̃caꞌ tama gutchinü niĩ naaeü̃ i dégü, notürü tama name na guü̃guma naüü̃ i ngẽma. Nawa naugütae Provérbios 22:3. Meã nangugü tchi tá quiaü i dégü rüeꞌna tama, ngẽguma cumaã ngupetüü̃ i ngẽma:

• Cuyanhaẽẽ i caru rü moto rü wapuru rü togü.

• Cuãacü.

• Wüi duturu cumaã nüü̃ niu na tama niĩ quiaü i dégü.

• Tchi tama cugümaã icucuaꞌü̃gu.

• Rü mu nanatchuꞌu na quiaüü̃ i dégü.

• Cuma rü wüigu duü̃ü̃maã na tama nanawaꞌe naae erü marü nüü̃ nayemaü̃ ga gutchaü̃gü ga dégümaã.

Tchi tá cunaügu wüi i ngĩarü peta urü cungutaqueꞌe i cumücügümaã, eꞌna tá nüna cunauaü̃ i dégü? Taꞌacü tá cuü̃ rüngü̃ẽẽ na meã nüü̃ cuuneta i ngẽmatchiga? Nüü̃ cudau i VÍDEO.

Nawa naugütae Romacü̃ãꞌ 13:13 rü 1 Corĩ́tiucü̃ãꞌ 10:31, 32. Yicama pegümaã pideagü ngẽmatchiga:

• Na Yeuwaü̃ cutaãẽẽẽü̃caꞌ, nhuãcü ngẽma ucuꞌẽgü cuü̃ narüngü̃ẽẽ tá na meã nüü̃ cuunetaü̃caꞌ tchi tá quiaügu rüeꞌna tama?

 5. Nüü̃ nauneta nhutchiüraü̃ü̃ quiaü tá i dégü

Tchi tá quiaügu i dégü, nüna cucuaꞌãtchi na Yeuwa tama nanatchuꞌu na quiaü i dégü, notürü nüma tama nanawaꞌe na ãũrima quiaüü̃. Rü tüꞌcüü̃? Nawa naugütae Isaías 28:7. Yicama pegümaã pideagü ngẽmatchiga:

• Ngẽguma wüi duü̃ü̃ nangãẽwaꞌegu taꞌacü namaã nangupetüü̃?

Taꞌacü tá tüü̃ narüngü̃ẽẽ na tama taaeü̃tchiü̃caꞌ? Tanawaꞌegü meã tanangugü nhutchiüraü̃ü̃ iae tá i dégü na tama tangãẽwaꞌeü̃caꞌ. Nawa naugütae Provérbios 11:2. Yicama pegümaã pideagü ngẽmatchiga:

• Tüꞌcüü̃ name niĩ meã cunangugü nhutchiüraü̃ü̃ tá quiaü i dégü?

6. Taꞌacü tá nüü̃ rüngü̃ẽẽ i ngẽma duü̃ü̃gü i ngãẽwaꞌegüü̃

 TAꞌACÜ MARÜ NÜÜ̃ CUCUAꞌ?

Rü dégü niĩ wüi Yeuwaarü ãmare na tüna nanaãü̃ i tórü taãẽẽẽruü̃, notürü tama nanawaꞌe na ãũrima iaegü rü ingãẽ.

Ngeü̃rüüü̃ i curü ngãü̃?

• Taꞌacü i Tupanaarü Ore nüü̃ niu i dégütchiga?

• Tüꞌcüü̃ niĩ naãũcümaü̃ naaeü̃tchi?

• Ngẽguma wüi duü̃ü̃ nüü̃ naunetagu nanaaeü̃ i dégü urü tama, nhuãcü inaweꞌgüü̃ na nüü̃ ingetchaü̃ i norü uneta?