DILONGI 43
Bue bakristu bafueti tadila malavu?
Batu boso batadilanga ko malavu phila mosi. Batu bankaka beta zola nua mua kopo kadika thangu ayi bakundi bawu. Batu bankaka beta baka nzengolo yi kondo nua malavu. Bankaka beta nua malavu na tii bankolo. Bibila mbi kitubidi mu diambu ditadidi malavu?
1. Nua malavu yidi mbimbi?
Bibila kisi kandika ko nua malavu. Kutu kitubidi, mu makaba moso momo Nzambi kavana kuidi batu, muidi “na vinyu yoyi yeta yangidika ntima wu muana mutu.” (Minkunga 104:14, 15) Kutu Bibila kimonisini ti, bisadi biwombo bio bi ba bikuikama kuidi Yehova mu thangu thama bieba nuanga malavu.—1 Timote 5:23.
2. Bibila zindongi mbi kiveni kuidi batu bobo basobudi kuawu nuanga malavu?
Yehova kazolanga ko batu bo beta ba nkuiti ayi bo bakala kifu kikolo malavu. (Ngalatiya 5:21) Mbembo’andi yitubidi ti: “Kadi ba va kimosi ayi batu bobo banuanga vinyu yiwombo.” (Zingana 23:20) Diawu, enati tubeki nzengolo yi nuanga malavu—va beto veka—tulendi ko bue nua na tii tukuiza ba mu tezo kikambu bue zaba mambu momo tuyindula, mo tuntuba ayi tumvanga voti na tii mu tezo kilenda bebisa mavipi meto ma nitu. Enati tukadi bue nunga kukikenga mu thangu tulembo nua malavu, yilutidi mboti mu baka zengolo yilembo bue manuanga.
3. Bue tufueti tadila zizengolo zi batu bankaka mu mambu matadidi malavu?
Nua voti kadi nua malavu, yidi zengolo yi mutu ka mutu. Diawu enati mutu beki nzengolo yi nua malavu mu kondo viokisa viangu, tufueti kinzika nzengolo’andi. Enati mutu beki nzengolo yi kondo nua malavu, tuedi kunkuika ko ti kanua kaka. (Loma 14:10) Enati tuidi va ntuala mutu nio kaka yangalalanga ko nua malavu, mu kondo kuntesa sakuba, tulenda manga nua. (Tanga Loma 14:21.) Betu butudila, matumonisa ti “tukadi tomba mamboti meto veka vayi ma badi’eto.”—Tanga 1 Kolinto 10:23, 24.
TUVISA MBOTI MBOTI
Tutadila zitsikudukusu zi Bibila zio zilenda tusadisa tubaka nzengolo yi nuanga malavu voti yi kondo kumanuanga ayi enati beki nzengolo yi kumanuanga, mintutu mikua wufueti nuanga. Ayi tutala diaka mbi wufueti tula enati wulembo nuanisa kifu kinuanga malavu mawombo.
4. Baka nzengolo yi nua voti kadi nua
Bue Yesu keba tadilanga malavu? Mosi tudizaba, tutubila kumu kitheti kio kavanga. Tanga Yowani 2:1-11 ayi vana mimvutu mu biuvu biabi:
-
Kumu beni mbi kikutulonga mu phila yoyi Yesu keba tadilanga malavu ayi batu bo beta kumanua?
-
Bo Yesu kasi kandika ko nua malavu, bue mukristu kafueti tadila mutu nioni beki nzengolo yi nuanga malavu?
Bibila kitubidi ti mukristu kalenda kuandi nuanga malavu. Vayi thangu zinkaka, bulutidi kuandi mboti mu kambu kuandi kumanuanga. Tanga Zingana 22:3 ayi tubila phila wulenda sadila tsikudukusu yayi mu mambu mama malandikini:
-
Mu thangu yoyi weka nata ditoma voti weka nsadila masinu.
-
Mu thangu widi mu buemba.
-
Mu thangu munganga ka kandikidi wubika bue nuanga malavu.
-
Mu thangu yoyi metona kumanua ayi wukadi nunga bue malembo.
-
Mu thangu nsiku wu Leta wukandikidi ti wubika bue nuanga malavu.
-
Mu thangu widi ayi mutu nioni wubaka nzengolo yi lembo nuanga malavu bila yinnatina ziphasi ziwombo mu luzingu luandi.
Wulenda sadila malavu mu feti yaku, banga mu dikuela? Tuamina wuvana mvutu mu kiuvu kiaki, tala VIDEO.
Tanga Loma 13:13 ayi 1 Kolinto 10:31, 32. Ngeyo mana tanga ziverse beni ziozi, vana mvutu mu kiuvu kiaki:
-
Bue tsikudukusu yayi, yilenda kusadisila wubaka nzengolo yo yinyangidika Yehova?
Mukristu niandi veka fueti baka nzengolo yi nuanga malavu voti kadi kumanuanga. Buba ti weta nua malavu, thangu zinkaka lenda kuandi baka nzengolo yi manga kumanuanga
5. Kitudila ndilu mu diambu ditadidi malavu
Enati sobudi nuanga malavu, bambuka moyo ti buba Yehova wutuveni nzila yi nuanga malavu vayi kandikidi kumakolo. Bila mbi? Tanga Hosea 4:11, 18 ayi vana mvutu mu kiuvu kiaki:
-
Mambu mbi malenda builukulu mutu nioni weta nua malavu mawombo?
Mbi wulenda tula mosi wubika nuanga malavu mawombo? Wufueti zaba nuanga malavu mu phila yimboti ayi zaba ndilu’aku. Tanga Zingana 11:2 ayi vana mvutu mu kiuvu kiaki:
-
Bila mbi dididi diambu dimboti enati wukitudidi ndilu yizaba tezo ki malavu momo wulenda nuanga?
6. Bue bunungina buvika bunuanga malavu mawombo
Mosi wumona diambu diodi disadisa bakala dimosi kanunga buvika bunuanga malavu, tala VIDEO. Ayi vana mimvutu mu biuvu biabi bilandikini.
-
Mambu mbi malavu mabe tulanga Dmitry?
-
Wununga lembo nuanga malavu mu khumbu mosi?
-
Mbi binsadisa kanunga lembo kifu beni kina kikolo malavu?
Tanga 1 Kolinto 6:10, 11 ayi vana mimvutu mu biuvu biabi:
-
Kolo malavu, mambu mbi mambimbi kulenda kunatina?
-
Mbi bimmonisa ti mutu nioni weta kolo malavu kalenda kuandi baluka?
Tanga Matayi 5:30 ayi vana mvutu mu kiuvu kiaki:
-
Phova yo yitubidi ti “kukizenga koko” yinsundula tufueti tula ngolo mosi tuyangidika Yehova. Mbi wulenda tula enati wulembo nuanisa buvika bunuanga malavu? *
Tanga 1 Kolinto 15:33 ayi vana mvutu mu kiuvu kiaki:
-
Diambu mbi bakundi baku balenda tula mu phil’aku yinuina malavu?
BALENDA KUYUVUSA: “Nua malavu yidi mbimbi?”
-
Mbi wulenda vutula?
MU BUKHUFI
Yehova wutula ti malavu matuyangidikanga vayi weta kandika kolo malavu ayi ba mvika malavu.
Phutukulu
-
Bibila mbi kitubidi mu diambu ditadidi malavu?
-
Mambu mbi mambimbi malenda kukuizila enati wukiveni mu nuanga malavu mawombo?
-
Bue tufueti tadila zinzengolo zi batu bankaka mu diambu ditadidi nuanga malavu?
TALA MAMBU MANKAKA
Bue ntueni kalenda tudila zitsobolo zimboti mu diambu ditadidi malavu?
Zingindu zio zilenda sadisa mutu kanunga lembo kifu kikolo malavu.
“Tiká masanga na esika na yango” (Linɔ́ngi ya Mosɛnzɛli ya 01/01/2010)
Mukristu kalenda kuandi dengisa kopo’andi yi malavu ayi kopo yi mutu wunkaka?
Diambu dimosi disadisa mutu mosi kabika bue ba mvika malavu. (disolo di luzingu “Ndiba nkolo mbungu.”)
“Biblia ebongolaka bato” (Linɔ́ngi ya Mosɛnzɛli ya 01/05/2012)
^ Mutu nioni wulembo nuani nunga buvika bunuanga malavu kalenda tomba lusadusu kuidi munganga. Mu buela, minganga miwombo beta kandika batu bo baba mimvika mu mambu matadidi malavu babika bue manuanga luzingu luawu loso.
