Yehowa suɔ nɛ wa bua nɛ jɔ ngɛ si himi mi nɛ wa nya be komɛ po. Se anɛ nyami behi aloo gbijlɔ yemihi tsuo nɛ saa e hɛ mi lo? Ngɛ sanehi nɛ kɔɔ nyami behi loo gbijlɔ yemi he ɔ blɔ fami ɔ, mɛni wa maa pee kɛ tsɔɔ kaa wa suɔ Yehowa?

1. Mɛni he je nɛ gbijlɔ yemihi fuu sɛ Yehowa hɛ mi ɔ?

Ke o ba ná le kaa gbijlɔ yemihi fuu teɔ si kɛ woɔ níhi nɛ Baiblo ɔ tsɔɔ ɔ, aloo a je lakpa jami mi ɔ, eko ɔ, e maa pee mo nyakpɛ. Gbijlɔ yemi nɛ ɔmɛ kɛ mumi yayamihi ma nyɛ maa hi tsakpa. Jehanɛ hu ɔ, gbijlɔ yemi nɛ ɔmɛ fuu daa si ngɛ susumi nɛ nihi hɛɛ kaa susuma gbo we ɔ nɔ. Gbijlɔ komɛ kɛ kusumi komɛ nɛ nihi kɛ a he woɔ mi ɔ, je níhi nɛ a heɔ yeɔ ngɛ mumi yayamihi a he ɔ mi, aloo a daa si ngɛ hemi kɛ yemi nɛ dɛ nɛ́ nihi ngɛ kaa nɔ́ yaya ko maa ba ke a kɛ a he wui kusumi komɛ a mi ɔ nɔ. (Yesaya 65:​11) Yehowa bɔ e sɔmɔli kɔkɔ ke: “Nyɛ tsɔ nyɛ he banee, nɛ nyɛ kpa nɔ́ nɛ he tsɔ we ɔ he tami.”​—2 Korinto Bi 6:​17. a

2. Kɛ Yehowa nuɔ he ha kɛɛ ngɛ gbijlɔhi nɛ woɔ adesahi a hɛ mi nyami ngɛ blɔ nɛ sɛ nɔ ɔ he?

Yehowa bɔ wɔ kɔkɔ kaa wa ko ‘ngɔ wa hɛ ngɔ fɔ nɔmlɔ nɔ.’ (Kane Yeremia 17:5.) A yeɔ gbijlɔ komɛ konɛ a kɛ wo nɔ yeli loo ta buli a hɛ mi nyami. Nihi woɔ ma okadihi a hɛ mi nyami aloo a yeɔ be nɛ ma ko ná he yemi ɔ he gbijlɔ. (1 Yohane 5:​21) A yeɔ gbijlɔ komɛ hulɔ konɛ a kɛ wo ma kudɔmi kuuhi aloo kuu kpahi a hɛ mi nyami. Ke wa wo adesa ko loo kuu ko hɛ mi nyami bɔ nɛ sɛ, titli ɔ, ke e kɔɔ susumihi nɛ teɔ si kɛ woɔ Yehowa yi mi tomihi a he ɔ, kɛ Yehowa maa nu he ha kɛɛ?

3. Mɛni ní peepeehi lɛ ma ha nɛ gbijlɔ yemi ko be Yehowa hɛ mi sae?

Baiblo ɔ tu munyu kɛ si ‘dã fuu numi, okplɔɔ ngmɛmihi nɛ ngɛ hoo, [kɛ] dã numi he koli simi.’ (1 Petro 4:3) Ke a ngɛ gbijlɔ komɛ yee ɔ, nihi nyɛ we nɛ a yeɔ a he nɔ, nɛ a kɛ a he woɔ je mi bami sasɛ mi. Bɔ nɛ pee nɛ waa ya nɔ nɛ waa pee Yehowa huɛmɛ ɔ, e sa nɛ wa je wa he kɛ je ní peepeehi nɛ sɛ nɛ ɔmɛ a he.

 MOO KASE BABAUU

 5. Moo ye bua ni kpahi konɛ a ná bumi kɛ ha níhi nɛ o heɔ yeɔ ɔ

6. Yehowa suɔ nɛ wa bua nɛ jɔ

Yehowa suɔ kaa waa kɛ wa weku li kɛ wa huɛmɛ nɛ bla kɛ je wa hɛja nɛ wa ná bua jɔmi. Nyɛɛ kane Fiɛlɔ 8:​15, nɛ nyɛ susu sane bimi nɛ ɔ he:

• Kɛ ngmami nɛ ɔ haa nɛ wa naa kaa Yehowa suɔ nɛ wa ná bua jɔmi ha kɛɛ?

Yehowa suɔ kaa e we bi nɛ a bla kɛ je a hɛja nɛ a ná bua jɔmi. Mo je VIDEO ɔ nɛ o na bɔ nɛ wa peeɔ kake kɛ jeɔ wa hɛja nɛ wa náa bua jɔmi ha ngɛ mahi a kpɛti kpehi nɛ wa peeɔ ɔ a sisi.

Nyɛɛ kane Galatia Bi 6:​10, nɛ nyɛ susu sane bimihi nɛ nyɛɛ se nɛ ɔmɛ a he:

• Anɛ e sa nɛ waa ye gbijlɔhi nɛ pɔ he ɔmɛ konɛ wa kɛ pee nihi “kpakpa” lo?

• Ke o hyɛ ɔ, nɔ́ hami te nɛɛ lɛ ma ha mo bua jɔmi: Ke gbijlɔ yemi ko he je nɛ o haa nɔ nɔ́, aloo ke e je o tsui mi?

• Be komɛ ɔ, Odasefohi babauu toɔ blɔ nya nɛ a peeɔ ní pɔtɛɛ komɛ kɛ haa a bimɛ, nɛ a keɔ mɛ ní po. Ke o ngɛ bimɛ ɔ, mɛni ji ní pɔtɛɛ komɛ nɛ o ma nyɛ maa pee kɛ ha mɛ?

 NYA MWƆMI

Yehowa suɔ nɛ waa kɛ wa huɛmɛ kɛ wa weku li nɛ bla kɛ ná bua jɔmi. Se e bɔ wɔ kɔkɔ kaa waa yu wa he ngɛ gbijlɔhi nɛ sɛ e hɛ mi ɔ a he.

Mi Nylɔmi

• Mɛni sanehi wa ma nyɛ ma bi kɛ le kaa gbijlɔ ko sɛ Yehowa hɛ mi?

• Kɛ wa ma plɛ kɛ tsɔɔ wa weku li kɛ wa huɛmɛ nɔ́ he je nɛ wa yi gbijlɔhi ɔ nya ha kɛɛ?

• Kɛ o plɛ kɛ le kaa Yehowa suɔ nɛ wa je wa hɛja nɛ wa ná bua jɔmi ha kɛɛ?