PELAJARAN 44
Sude do Perayaan Mambahen Las Roha ni Debata?
Lomo do roha ni Jahowa asa marlas ni roha hita di ngolutta. Sipata boi do tabahen acara manang pesta asa las rohatta. Alai sude do pesta manang perayaan mambahen las roha ni Jahowa? Boha do caratta patuduhon holongta tu Jahowa tikki mambahen keputusan taringot on?
1. Boasa godang perayaan na so mambahen las roha ni Jahowa?
Tarsonggot do ra hamu molo diboto hamu godang do perayaan na so sadalan tu isi ni Bibel, manang asal usulna sian kebiasaan ni sipelebegu dohot agama na so sittong. Adong do perayaan na adong hubunganna tu spiritisme manang na mangajarhon mangolu dope tondi ni halak na mate. Adong muse perayaan na adong hubunganna tu takhayul manang kebiasaan na porsea tu keberuntungan. (Jesaya 65:11) Alai dipasingot Jahowa do naposona, “Padao hamu ma dirimuna . . . jala unang be jama hamu na ramun.”—2 Korint 6:17. a
2. Boha do perasaan ni Jahowa tu perayaan na pasangappon jolma?
Dipasingot Jahowa do hita asa unang “porsea tu jolma”. (Jaha Jeremia 17:5.) Adong do perayaan na pasangappon pamimpin negara, tentara, manang pahlawan. Adong muse perayaan hari kemerdekaan ni sada negara manang perayaan na pasangappon lambang-lambang negara. (1 Johannes 5:21) Jala adong do perayaan na pasangappon organisasi politik manang organisasi sosial. Alai boha do perasaan ni Jahowa molo pasangaphu hita tu sasahalak manang sada organisasi, tarlumobi na so sadalan tujuanna tu lomo ni roha ni Jahowa?
3. Pangalaho na songon dia do na mambahen dang lomo roha ni Debata tu sada perayaan?
Didok di Bibel, unang ma hita ‘mabuk, marpestai sahat tu na mabuk, jala martaru minum’. (1 Petrus 4:3) Di piga-piga perayaan, dang boi dikendalihon halak dirina jala diulahon nasida do seks na so patut. Alai asa boi tabahen las roha ni Jahowa, ikkon tapadao do diritta sian akka pangalaho sisongon i.
ASA LAM TAATTUSI
Taparsiajari ma boha do carana mambahen keputusan na denggan taringot akka perayaan, asa boi tabahen las roha ni Jahowa.
4. Unang ma dohot hita mangarayahon perayaan na so pasangappon Jahowa
Jaha Epesus 5:10, dung i bahas ma sukkun-sukkun on:
-
Aha do na porlu tapikkirhon sebelum taputusson naeng dohot hita mangarayahon sada perayaan manang na dang?
-
Perayaan aha do na sering diulahon halak di daerahmuna?
-
Menurut hamu, las do roha ni Jahowa tu akka perayaan i?
Contohna, hea do sukkun-sukkun rohamuna boha do perasaan ni Debata tu perayaan ulang tahun? Dang adong dipaboa di Bibel adong naposo ni Jahowa na mangarayahon ulang tahunna. Alai disurat do di Bibel taringot dua halak na so manomba Jahowa na mangarayahon ulang tahunna. Jaha 1 Musa 40:20-22 dohot Mateus 14:6-10. Dung i bahas ma sukkun-sukkun on:
-
Aha do persamaan ni dua perayaan i?
-
Sian dua cerita on, menurut hamu boha do perasaan ni Jahowa tu perayaan ulang tahun?
Alai sukkun-sukkun dope ra rohamuna, ‘Memang adong do pengaruhna tu Jahowa molo dohot au tu perayaan ulang tahun ni halak manang perayaan na asing na so sadalan tu isi ni Bibel?’ Jaha 2 Musa 32:1-8. Dung i putar ma VIDEO, jala bahas ma sukkun-sukkun on:
-
Boasa ikkon tapikkirhon dia lomo ni roha ni Jahowa?
-
Boha do caratta patuduhon i?
Cara mamboto na dia perayaan na so mambahen las roha ni Debata
-
Sadalan do perayaan i tu isi ni Bibel? Asa boi taboto, lului ma sian dia asal usulna.
-
Na pasangappon jolma, organisasi, manang lambang negara do perayaan i? Ikkon ussangap do hita tu Jahowa sian tu manang aha pe, jala porsea do hita holan Ibana do na boi pasaehon sude masalah di portibi on.
-
Adong do kebiasaan na maralo tu ajaran ni Bibel di perayaan i? Ikkon toktong do ias pangalahotta.
5. Boha do carana asa diargai halak haporseaonmuna?
Maol do ra hamu menolak tikki dipaksa hamu asa dohot tu perayaan na so dihalomohon Jahowa. Alani i, marbisuk ma hamu jala lambok tikki patorakkon haporseaonmuna. Asa boi diboto hamu songon dia carana mangulahon i, putar ma VIDEO.
Jaha Mateus 7:12, dung i bahas ma sukkun-sukkun on:
-
Menurut ayat on, porlu do taorai keluargatta mangulahon perayaan na so dihalomohon Jahowa?
-
Boha do caramuna patuduhon holong ni roha tu nasida, nang pe dang dohot hamu tu perayaan i?
6. Lomo do roha ni Jahowa asa las rohatta
Lomo do roha ni Jahowa molo marlas ni roha hita rap dohot keluarga nang akka donganta. Jaha Parjamita 8:15, dung i bahas ma sukkun-sukkun on:
-
Sian ayat on, aha do buktina na lomo do roha ni Jahowa asa las rohatta?
Lomo do roha ni Jahowa molo marlas ni roha akka naposona rap dohot na asing. Putar ma VIDEO asa boi diida hamu buktina di kebaktian internasional.
Jaha Galatia 6:10, dung i bahas ma sukkun-sukkun on:
-
Memang ikkon dohot do hita mangarayahon sada perayaan asa boi didok “taulahon na denggan” tu na asing?
-
Na dia do na mambahen las rohamuna, mangalehon hadiah ala nga gabe kebiasaan i tikki adong perayaan, manang mangalehon hadiah ala memang lomo rohamuna mangulahon i?
-
Godang do Saksi Jahowa na mambahen kegiatan manang acara istimewa tu gellengna jala mangalehon hadiah tu nasida. Molo adong gellengmuna, aha do na boi dibahen manang dilehon hamu tu nasida?
ADONG DO NA MANDOK: “Dang pola penting sian dia asal usul ni sada perayaan. Na penting boi iba marpungu rap dohot keluarga nang akka dongan.”
-
Molo adong na mandok songon i, boha do alusmuna?
KESIMPULAN
Lomo do roha ni Jahowa asa marlas ni roha hita rap dohot keluarga nang akka dongan. Alai dipangido Jahowa do asa tapasiding diritta sian akka perayaan na so mambahen las rohana.
Tinjauan
-
Sukkun-sukkun aha do na porlu tapikkirhon tikki mambahen keputusan taringot perayaan?
-
Boha do carana mangurupi keluarga dohot donganta asa boi diargai nasida keputusanta taringot akka perayaan?
-
Sian dia do diboto hamu memang lomo do roha ni Jahowa asa marlas ni roha hita?
LULUI MA
Jaha ma taringot piga-piga perayaan na so dirayahon halak Kristen.
“Boasa Dang Dirayahon Saksi Jahowa Akka Ari Raya on?” (Artikel web)
Ida ma opat alasan boasa boi tadok dang lomo roha ni Debata tu perayaan ulang tahun.
Tonton ma video na patuduhon songon dia dakdanak na makkaholongi Jahowa boi mambahen las rohana tikki diundang tu pesta akhir tahun.
Godang do halak Kristen na so dohot mangarayahon ari Natal. Boha do perasaan ni nasida ala dang dohot nasida mangarayahon i?
“Dapot ni Nasida do na Undenggan sian i” (Joujou Paboahon, 1 Desember 2012)
a Ida Lampiran 5 asa boi dibahen hamu keputusan taringot piga-piga situasi tikki adong perayaan.
Mungkin Lomo do Rohamuna Mamboto
NA JOTJOT DISUKKUN HALAK
Songon dia do Parsiajaran Bibel na Dibahen Saksi Jahowa?
Boi do dipakke Bibel terjemahan na dia pe tikki marsiajar Bibel dohot Saksi Jahowa. Boi do diajak hamu donganmuna dohot keluargamuna.
