Jehovah Abasi oyom nnyịn ikop inem uwem inyụn̄ isinam usọrọ ndusụk ini. Edi owo ekeme ndibụp m̀mê odu usọrọ m̀mê edinam emi Abasi mîmaha. Nso idiwụt ke imama Jehovah ke n̄kpọ aban̄ade usọrọ ye edinam?

1. Ntak emi ediwak usọrọ ye edinam mîsinemke Jehovah esịt?

Idem ekeme ndikpa fi ndikop ke Bible akpan ediwak usọrọ ye edinam emi mme owo ẹsinamde mfịn, ke mme okpono ibọk ẹkesion̄o mmọ ẹdi. Ẹkeda ediwak mmọ ẹto ukpepn̄kpọ mbon emi mîkokponoke ata Abasi. Ndusụk asan̄a n̄kpọ ye n̄kpọ mme demon. Mme owo ẹsinam ndusụk usọrọ m̀mê edinam sia ẹnimde ke mme akpan̄kpa ke ẹdodu uwem, ẹnyụn̄ ẹnịmde ke usọrọ oro ekeme ndinam n̄kpọ etịbe, mîdịghe ọnọ mmimọ mfọniso. (Isaiah 65:11) Jehovah ọdọhọ ikọt esie ete “ẹdian̄ade ẹda . . . ẹkûnyụn̄ ẹtụk n̄kpọ ndek.”​—2 Corinth 6:17. a

2. Abasi esida didie usọrọ ye edinam emi ọnọde mme owo ukpono emi ẹkpenọde enye?

Jehovah Abasi imaha asan̄autom esie ekededi edi owo emi “ọbuọtde idem ke owo.” (Kot Jeremiah 17:5.) Mme owo ẹsida ndusụk usọrọ ẹkpono mme andikara, ẹkpono mbonekọn̄, ẹkpono utọ n̄kpọ nte flag, m̀mê ẹda ẹti ini idụt mmọ ẹketọn̄ọde ukaraidem. (1 John 5:21) Ndusụk mmọ ẹsidi usọrọ m̀mê edinam n̄ka-ukaraidem m̀mê eke n̄ka emi ẹdọhọde ke iyom uforo mbio obio. Ndi emekere ke eyenem Jehovah ikpetiene inọ mme owo m̀mê n̄ka ekededi ukpono emi ikpọnọde enye, akpan akpan edieke mmọ ẹdọn̄de mme owo se enye mîmaha?

3. Nso ikeme ndinam Abasi asua usọrọ m̀mê edinam ekededi?

Bible etịn̄ ke Abasi asasua ‘ukpammịn, uyom uyom usọrọ, ye mbuba un̄wọn̄ mmịn.’ (1 Peter 4:3) Mme owo ẹsinam oburobụt ido ye se ẹmama ke ndusụk usọrọ ye edinam. Ikpoyom Jehovah ama nnyịn, inaha itiene inam mmọ.

 SỊN IDEM KPEP

 5. Nam mbon en̄wen ẹkụt ke se enịmde enen

6. Jehovah oyom nnyịn ikop inemesịt

Jehovah oyom nnyịn isidia uwem ye mme ubon ye mme ufan nnyịn. Kot Ecclesiastes 8:15, ekem ẹbọrọ mbụme emi ẹnyụn̄ ẹneme ẹban̄a enye:

• Nso n̄kpọ ke itie Bible emi iwụt ke Jehovah oyom nnyịn ikop inemesịt?

Jehovah oyom ikọt esie ẹkop inem uwem. Se VIDIO emi ke oyokụt nte oro esitịbede ke ikpọ mbono ofụri ererimbot nnyịn.

Kot Galatia 6:10, ekem ẹbọrọ mbụme emi ẹnyụn̄ ẹneme ẹban̄a mmọ:

• Ndi imekeme ndinam “se ifọnde” nnọ mme owo idem ọkpọkọm nnyịn itieneke ibuana ke mme ọwọrọetop usọrọ?

• Ewe enọ isinem fi ikan, ndi enye emi anade ọnọ owo ke ntak usọrọ m̀mê enye emi ọnọde ke ini onyụn̄ enyenede?

• Ediwak Mme Ntiense Jehovah ẹsisịn ekpri ndia m̀mê ẹda nditọ mmọ ẹka udia uwem, ẹnyụn̄ ẹsinọ mmọ mme enọ emi mmọ mîkodorike enyịn. Ekpedi emenyene nditọ, ekere ke nso ke ekeme ndinam nnọ mmọ ndusụk ini man esịt enem mmọ?

 SE IKPEPDE

Jehovah oyom isitie ye ubon nnyịn ye mme ufan nnyịn ikop inem uwem. Edi enye iyomke nnyịn isitiene inam usọrọ m̀mê edinam emi enye mîmaha.

Se M̀mê Emeti

• Mbụme ewe ye ewe ikeme ndin̄wam nnyịn idiọn̄ọ utọ usọrọ m̀mê edinam emi Jehovah mîmaha?

• Didie ke ikeme ndinam ubon nnyịn ye mme ufan nnyịn ẹdiọn̄ọ ntak nnyịn mîsitieneke inam ndusụk usọrọ m̀mê edinam?

• Nso iwụt ke Jehovah oyom nnyịn ikop inemesịt inyụn̄ idia uwem?