AYEGHLE 44

Ye mefet mese ma ve Nzame n’nem mbeng ?

A WOKH A NKOBE

Jehôva a kômô naa bi buan éning, ye naa bi ñong biyong naa bia bo mefet. Ve, ye mefet mese ma ve ñe n’nem mbeng ? Aval avé bi ne lere Jehôva édzing dèè nfa té ?

1. Amu dzé Jehôva a vini abuiñ mefet m’ézing ?

Da ye wô bo éyaghan a yem naa abuiñ mefet m’ézing ma selane ya é mam Bible a yeghle, me bele tsin bivus min’yebe. Mevoo m’ézing me lare ya spiritisme nge ki espiritismo, nge ki me lare ya ôsiman ye naa nsisim waa wu ki. Éma mevoo me lare ya be superstition nge ki supersticiones, nge ki naa mam meté ma lere mebun bôt be bele ébe nzame bechance nge ki suerte. (Esaïe 65:11) Bi nga tugha ya yem amu dzé Jehôva a sili bebo bisèñ bèñ naa : « Kaneghan ya be [. . .] mine taa bera name é dzôm é ne mvin. »—2 Becorinthien 6:17. a

2. Aval avé Jehôva a yen mefet ma bira ve moan môt ôlughu ?

Jehôva a dzô bia naa bi taa ku ôlam « é bôt ba bunu moan môt. » (A lang Jérémie 17:5.) Mefet m’ézing ma lughu bidjié bi politique nge ki política, nge ki bizima. Bevoo ba kang mendem me ya si, ba kang fe é môs é si deba é va ñong fili (1 Jean 5:21) Éba bevoo ba bere minsama mi política ôyô nge ki émi mia tiè mam me ye é si deba. Jehôva a ne wôrane ya nge bia bira lughu moan môt nge ki ékôan ézing, dang-dang éyong be tele Jehôva é ngam ayat ?

3. Mam mevé me ne ve naa mefet m’ézing me bo kaa bo mbeng ?

Bible a kili naa « bi ñu abuiñ meyokh, mefet me bele é mam me ne mvîn [ya] mefet ba bira ñu. » (1 Pierre 4:3) Mefet m’ézing ma sukh mimboane mi ne mvîn ye so é mam me ne ve naa bôt be bo nsem évakh. Naa bi baghle angom dèè ya Jehôva, bia yiène tebe ôyap ya é mam mese me ne mvîn.

A TUGHA FAS

Yeneghe aval bi ne ve Jehôva n’nem mbeng éyong bia ñong minkighane mi ne mvèñ, nfa mefet.

4. Tubghe mefet Jehôva a vini

A lang Beéphésien 5:10, éyong té mia lèè minlang mia daghe minsili mia zu mi :

Za dzam bia yiène tare fas kaa naa bi ñong nkighane, nfa nge bia ye tobe fet ézing nge ki kaa ?
Za mefet bôt ba bo é vôm ô too ?
Ébe wa, ye mefet meté mese ma ve Jehôva n’nem mbeng ?

Éfônan, ye ô ne dzeng naa ô yem é dzam Jehôva a tem ébe ésesang abyale môt ? Bible éé bele ki nlang mboo ya bekang Jehôva be nga bo ésesang abyale deba. Ve a kanghle nlang bôt bebèñ béé mbe ki bekang Nzame, be nga bo ésesang abyale deba. A lang Atarga 40:20-22 ya Matthieu 14:6-10, éyong té mia lèè minlang mia daghe minsili mia zu mi :

Za élat é ne ézizang mefet mebèñ meté ?
Ébe wa, mam mevé minlang mité mia yeghle wa, nfa aval Jehôva a yen ésesang abyale ?

Amben nèè, ô ne sili éyong ézing naa, ébe Jehôva, ye é ne faa édedèè abé naa bi ñong ngap ésesang abyale nge ki a tobe mefet m’ézing Bible a kili ? A lang Akôre 32:1-8. Daghane ÉNGENGENG éyong té mia lèè minlang mia daghe minsili mia zu mi.

ÉNGENGENG : Fiestas y celebraciones que no agradan a Dios nge ki Des fêtes et des coutumes qui déplaisent à Dieu (5:07)

Amu dzé é ne éban naa bi fas nge fet ézing da ve Jehôva n’nem mbeng ?
Bi ne de bo aval avé ?

Aval bi ne yem nge fet ézing da ve Jehôva n’nem mbeng

Ye é bele tsin ébe é mam méé se ki a Bible été ? Naa ô yem de, a dzeng é vôm fet té da so.
Ye da dang lughu moan môt, ékôan ézing nge ki mendem me ya si ? Bia seme Jehôva ye ve ñe mebun mèè, amu éñe a ye kôm mam mese me ya si.
Ye da larane ya é mam Bible a kili ? Bia yiène tobe nfuban nfa ôtemgha ya mimboan.

5. Voleghe é bôt bevoo naa be kang mbunane wiè

É ne kuiñ naa é bôt mia be bo mi too, ba tsini wa naa ô ñong ngap ébe mefet me ne mvîn. Tugha lere nkighane wiè ye ôdzibi, ya mbemba bifiè. Ô ne de bo ya ? Naa mi bele éfônan, daghane ÉNGENGENG.

ÉNGENGENG : Expresemos con respeto nuestras creencias nge ki Expliquez vos croyances avec tact (2:01)

A lang Matthieu 7:12, éyong té mia lèè minlang mia daghe minsili mia zu mi :

Aval ane tsin atsing té da lere de, ye bia yiène kili bôt be ya menda me-bôt mèè béé se ki Bengaa Jehôva, naa be taa bo fet ézing ?
Aval avé ô ne lere é nda-bôt duè naa wa dzing bo, amben waa bo ki mefet m’ézing ya be ?

6. Jehôva a kômô naa bi tobe mevakh été

Jehôva a kômô naa bi lôt mbemba biyong ya menda me-bôt mèè, ya fe mengom mèè. A lang Ecclésiaste 8:15, éyong té mia lèè minlang mia daghe nsili wa zu wi :

Aval avé éfus té da lere naa Jehôva a kômô naa bi tobe mevakh été ?

Jehôva a kômô naa be-bo bisèñ bèñ bese be vuiñ, ye lôt mbemba biyong nsama. Daghane ÉNGENGENG da lere ane dzam té da bira lereban é bôra bisesang biè.

ÉNGENGENG : La hospitalidad en las asambleas internacionales nge ki Un accueil mémorable lors des assemblées internationales (5:40)

A lang Begalate 6:10, éyong té mia lèè minlang mia daghe minsili mia zu mi :

Ye bia yiène dzemle mefet mesese naa bi bo é bôt bevoo « é dzam é ne mbeng » ?
Za aval bedas ba dang wô ve mevakh : ye é das ba ve wa, amu be va yemle de môt, nge ki édi da so môt a n’nem été ?
Abuiñ Bengaa Jehôva ba kômane ayôm bisesang ébe mbu akal é boan beba. Ba belane biyong bité naa be ve be bedas. Nge ô bele boan, za aval mam m’ézing ô ne bo akal deba ?

NGE MÔR ÉZING A DZÔ WÔ NAA : « Déé se ki éban naa bi yem é vôm fet da so, édi é ne éban é ne naa bi lôt mbemba metam ya menda me-bôt mèè, ya fe mengom mèè. »

Ô ne yalane yè ?

AKIGHE BES

Jehôva a kômô naa bi lôt mbemba biyong ya menda me-bôt mèè, ya fe mengom mèè. Ve, aa kômô ki naa bi ke mefet ma ve ñe n’nem abé.

Ôbaghle

Za minsili bi ne sili naa bi yem nge Jehôva a ñeghe fet ézing ?
Aval avé bi ne vole menda me-bôt mèè ya mengom mèè, naa be yem wokh nkighane wèè nfa mefet m’ézing ?
Aval avé bia yem naa Jehôva a kômô naa bi ning mevakh été ya vuiñ ?

É môs ayeghle é va man:

É dzam wa ye bo

Ya mesiman wa man yen ayeghle di été, fasghe mefet bôt ba bo é vôm ô too.

Dzam afe :

É dzam afe wa ye bo