યહોવા ચાહે છે કે આપણે જીવનની મજા માણીએ, કુટુંબીજનો અને મિત્રો સાથે આનંદ-ઉલ્લાસ કરીએ. પણ શું યહોવાને બધી જ ઉજવણીઓ પસંદ છે? ઉજવણીઓ વિશે નિર્ણય લેતી વખતે કઈ રીતે બતાવી શકીએ કે આપણે યહોવાને પ્રેમ કરીએ છીએ?

૧. શા માટે યહોવા મોટા ભાગનાં તહેવારો અને ઉજવણીઓથી નારાજ થાય છે?

તમને જાણીને નવાઈ લાગશે કે મોટા ભાગના તહેવારો બાઇબલ શિક્ષણને આધારે નથી. બની શકે કે અમુક તહેવારો જૂઠી ધાર્મિક માન્યતાઓને આધારે હોય. કદાચ તેઓ મેલીવિદ્યા કે દુષ્ટ દૂતો સાથે અથવા અમર આત્માની માન્યતા સાથે જોડાયેલા હોય. અમુક લોકો અંધશ્રદ્ધાને લીધે અથવા નસીબમાં માનવાને લીધે તહેવારો ઊજવે છે. (યશાયા ૬૫:૧૧) પણ યહોવા પોતાના લોકોને ચેતવણી આપે છે કે, તેઓ ‘પોતાને અલગ કરે અને અશુદ્ધ વસ્તુને અડકે નહિ.’​—૨ કોરીંથીઓ ૬:૧૭. a

૨. બધો માન-મહિમા માણસોને અપાતો હોય એવી ઉજવણીઓ વિશે યહોવાને કેવું લાગે છે?

અમુક દિવસો રાજાઓ, નેતાઓ કે શહીદોની યાદમાં ઊજવવામાં આવે છે અને તેઓનું માન-સન્માન કરવામાં આવે છે. બીજા અમુક દિવસોએ રાષ્ટ્રીય પ્રતીકોને માન આપવામાં આવે છે અથવા દેશની આઝાદીની ઉજવણી કરવામાં આવે છે. (૧ યોહાન ૫:૨૧) બીજા અમુક દિવસોએ રાજકીય પક્ષો કે સામાજિક સંગઠનોનાં કામોના ગુણગાન ગાવામાં આવે છે. પણ યહોવા ચેતવણી આપે છે કે આપણે ‘માણસો પર ભરોસો ન રાખીએ.’ (યર્મિયા ૧૭:૫ વાંચો.) જરા વિચારો, જો આપણે કોઈ વ્યક્તિ કે સંગઠનને વધુ પડતું માન આપીશું, તો યહોવાને કેટલું દુઃખ થશે! હવે જો એ વ્યક્તિ કે સંગઠનના વિચારો યહોવાની ઇચ્છાની એકદમ વિરુદ્ધ હોય, તો યહોવાને કેવું લાગતું હશે?

૩. તહેવારો અને ઉત્સવોમાં લોકો એવું શું કરે છે, જે યહોવાને જરાય પસંદ નથી?

બાઇબલમાં લખ્યું છે, ‘વધુ પડતો દારૂ પીવો, બેફામ મિજબાનીઓ અને દારૂની મહેફિલો કરવી’ ખોટું છે. (૧ પિતર ૪:૩) અમુક તહેવારો અને ઉત્સવોમાં લોકો બેકાબૂ થઈ જાય છે અને વ્યભિચાર જેવાં ગંદાં કામો કરે છે. જો આપણે ચાહતા હોઈએ કે યહોવા સાથેના આપણા સંબંધ પર જરાય આંચ ન આવે, તો આપણે એવાં ખરાબ કામોથી દૂર રહેવું જોઈએ.

 વધારે જાણો

 ૫. એવું વર્તન રાખો જેથી બીજાઓ તમારી માન્યતાઓને માન આપે

૬. યહોવા ચાહે છે કે આપણે ખુશ રહીએ

યહોવા ચાહે છે કે આપણે કુટુંબ અને દોસ્તો સાથે ખાઈએ-પીએ અને મોજમજા કરીએ. સભાશિક્ષક ૮:૧૫ વાંચો. પછી આ સવાલની ચર્ચા કરો:

• આ કલમથી કઈ રીતે ખબર પડે છે કે યહોવા આપણને ખુશ જોવા માંગે છે?

યહોવા ચાહે છે કે આપણે તેમના ભક્તો સાથે સમય પસાર કરીએ અને આનંદ મનાવીએ. એ વાત આંતરરાષ્ટ્રીય સંમેલનોમાં સાફ જોવા મળે છે. વીડિયો જુઓ.

ગલાતીઓ ૬:૧૦ વાંચો. પછી આ સવાલોની ચર્ચા કરો:

• શું તહેવારો ઊજવીને જ બીજાઓનું ‘ભલું કરી’ શકીએ?

• તમને ક્યારે વધારે ખુશી મળે છે, તહેવારોમાં ફરજિયાત કંઈક આપવું પડે ત્યારે, કે પછી તમારું મન હોય એ સમયે આપો ત્યારે?

• યહોવાના સાક્ષીઓ પોતાનાં બાળકોને કંઈક આપવા માટે કોઈ ખાસ પ્રસંગની રાહ જોતા નથી. જ્યારે પણ તેઓને મન થાય, ત્યારે બાળકો માટે કંઈક ખાસ કરે છે. અમુક વાર તો, વગર કહ્યે તેઓને ભેટ આપે છે અને બાળકો ખુશ થઈ જાય છે. જો તમને બાળકો હોય, તો તમે તેઓ માટે શું ખાસ કરી શકો?

 આપણે શીખી ગયા

યહોવા ચાહે છે કે આપણે કુટુંબ અને મિત્રો સાથે મળીને ખુશીઓ મનાવીએ. પણ તે ચાહે છે કે આપણે એવા તહેવારો કે ઉજવણીઓમાં ભાગ ન લઈએ, જે તેમને પસંદ નથી.

તમે શું કહેશો?

• કોઈ તહેવાર અથવા ઉજવણી યહોવાને પસંદ છે કે નહિ, એ આપણે કઈ રીતે નક્કી કરી શકીએ?

• આપણે તહેવારો કેમ ઊજવતા નથી, એ વિશે કુટુંબ અને મિત્રોને કઈ રીતે સમજાવી શકીએ?

• યહોવા ચાહે છે કે આપણે ખુશ રહીએ અને મોજમજા કરીએ. એવું શાના આધારે કહી શકીએ?