Jeupape nam kasrakelø køntrai, tap puraamtrai isun. Inchentø, ¿Tiuspe chi fiestaskøpen marikwan tap ashipik kø chintera? ¿Nampe Jeupawan untarapelø kuikwan incha nø maik isupik kuikwan cuentatøka marøpelø kui mantø kenamartrap?

1. ¿Jeupape fiestasmeran møilan chincha tap ashmíik kø?

¿Ñipe nepua asha kui kuita tru møilø fiestasmerape Tiuswainukkutri atrumíik kui kape Biblia kusrenaninukkutri atrumíik kui? Inchippape, tru celebracionesmerape religión cierton kusrenanmeløyukutri atrup, kuaimantsikmeraimpurap mariløyukutri atrup kape kan misak kuapen møsikpe køtrømisrøpik kui kenamartrap tøkailø køn. Tradiciones møiløpe tru misakmera cierton kusrenanmeløyukutri atrup kape suerteyu køreik atrup inchipik køn (Isaías 65:11). Treekkutri Jeupape nui misakmeran trenchipik køn: “Nøørømisray [...] chigøben køsøngømdiigwane katøramøtay cha” (2 Corintios 6:17). a

2. ¿Fiestasmerayu misakmeran mas tapikwan tranikwan Jeupape chincha tap kømui ashipik kø?

Jeupape namun tør eshkapik køn misakmerainuk køreikpe tap kømøntrap kui (leu Jeremías 17:5). Møilø fiestasmerape aship karup putrapelayasik marøpelø køp, tru misakmeraimpurø ani lusikwan isup puraampupelø køp, trektøwai símbolos tru banderameran adorantrap kape independencia kualømwan isup puraampupelø køn (1 Juan 5:21). Políticapurap fiestas mariløkucha. Misakmeran mas tap intikwan tranen, ¿Tiuspe maik mørørai inchera? Urkanisasiunesmera Tius maik køntrai martrai karuilan kusrenanmelan maya nuken tap intikwan tranen, ¿Tiuspe maik mørørai inchera?

3. ¿Kan fiestayu chi mariløtre tap kømui kenamarøpelø kø?

Bibliape tør eshkapik køn tru “mutsiirab, kaig fiestamerayu amøñib, katø tulundzuna mutsiiramburab [mutsiramikpe]” purø trømpøik kui (1 Pedro 4:3). Møilø fiestasmerayu misakmerape chikøpen kalø sruaitramaykutrimpe trømpøik marøpelø køn. Inchawai Jeupapa tap linchipelø køntrappe øyeek køsønkøntraptelan marmøwai, treeløyukutri tarømisramik køn.

 MAS NEPUA KUSREU

 5. ¿Katøkanelø ñui køreilan tap ashchaimpe chi martrap?

6. Jeupape nam kasrakelø køntrai isupik køn

Jeupape namui yaweløpa namui linchipeløpa tap puraamtrai ashipik køn. Ley Eclesiastés 8:15, yu leinuk pinaku paíkwan waminchap:

• ¿Ik versículope Jeupa nam kasrakelø køntrai ashipik kui mantø kenamara?

Jeupape nui misakmerakucha kanpalatø tap puraamtrai isup wan. Pek Pirausreløkøpen nu tuluntsuna putrainuk mantø tap puraampupelø kuikwan ashchap, VIDEUN asay.

Ley Gálatas 6:10, yu leinuk pinaku paílan waminchap:

• ¿Chikøpen tapik maramikpe tru fiestasmerayutø kø chinta?

• ¿Chitre mas tapik kera: tru chikøpen keta tranøppe trentø treek ketamik kui kutrintø, kape ketøppe tru mantraukutri tranentø?

• Jeupawaiwan waminchipeløpe møskalø møiløpe tru nømui urekwayasik rato tap puraamtrai tamarøpelø køn. Trektøwai nømui urekmeran chikøpen kettrapkucha tamarøpelø køn. Ñi urektøka wape, ¿nømuimpurø chi tapelø tranøpsruku?

 ¿CHI KUSREKU?

Jeupape namui yaweløpa linchipeløpa tap puraamtrai isup wan, inchentø fiestasmera nø tap ashmuikwane kepashmøntrai isupik køn.

Kusreikwan katøle isuntrap

• ¿Chi celebraciónwan Jeupa tap ashipik køtashchap chimeran paya møramik kø?

• ¿Namui yawelan namui linchipelan nam køreilan tap utøntraimpe, nampe chi martrap?

• ¿Nam tap puraamtrai kasrakelø køntrai Jeupa isupik kui nampe chincha nepua asha kø?