TIMEƔRI TIS 44

Leɛyudat d lḥeflat meṛṛa ţţeɛǧabent-as i Ṛebbi?

SEL S

Yahwa yebɣa a naf lfeṛḥ di tudert-nneɣ yerna a nesɛedday lewqat yelhan di leɛyudat akk-d lḥeflat. Meɛna, yeqbel Yahwa leɛyudat meṛṛa akk-d lḥeflat meṛṛa? Amek i nezmer a d-nbeggen leḥmala-nneɣ i Yahwa deg wayagi?

1. Aṭas n leɛyudat ur yeqbil ara Yahwa. Acuɣer?

Ahat aţ-ţwehmeḍ m’ara d-terreḍ s lexbaṛ belli aṭas n leɛyudat i gxulfen ayen yesselmad Wedlis Iqedsen neɣ i d-yekkan si leɛwayed icudden ɣer iṛebbiten n lekdeb. Kra seg-sent cuddent ɣer ssḥur, neɣ ɣer uselmed i d-yeqqaren belli taṛwiḥt ur teţmeţţat ara. Kra nniḍen cuddent ɣer wayen yeɛnan lfal neɣ ɣer zzheṛ. Nefhem ihi acuɣer i gweṣṣa Yahwa iqeddacen-is akka: “Ur ţnalet acemma iɛefnen a” (2 Ikurintiyen 6:17).

2. Llant leɛyudat d lḥeflat i geţţarran i yemdanen ccan nnig n wayen iwulmen. Amek i geţwali Yahwa ayagi?

Yahwa yenna-d belli ma ‘neţkalay ɣef wemdan’, nezmer a nḍurr iman-nneɣ (ɣer-ed Irmiya 17:5). Di kra n leɛyudat akk-d lḥeflat, ţţarran ccan i ineḥkamen neɣ i yeɛsekṛiwen. Di tiyaḍ, ţɛeggiden listiqlal n tmurt neɣ ţɛuzzun ayen i d-yeţmettilen tamurt, ɣef lemtel leɛlam (1 Yuḥenna 5:21). Llant daɣen leɛyudat nniḍen icudden ɣer lbulitik. S wacu ara iḥuss Yahwa lukan a neţţarra ccan ur nwulem ara i wemdan neɣ i kra n leḥkem, abeɛda ma yella amdan-agi neɣ leḥkem-agi ur ţdafaɛen ara ɣef lmeqsud n Yahwa?

3. Acu-ten lefɛayel ara ɣ-yawin ur nqebbel ara kra n lɛid neɣ kra n lḥefla?

Adlis Iqedsen yenna-d belli Ṛebbi ur yebɣi ara ‘a nili d isekṛanen, a nţeddu deg webrid n lefsad akk-d zzhu’ (1 Buṭrus 4:3, Awal n tudert, 2001). Llant leɛyudat akk-d lḥeflat ideg i xeddmen lɛaṛ yemdanen yerna ur ţţaṭṭafen ara deg yiman-nsen. Akken a neqqim d iḥbiben n Yahwa, ilaq a nexḍu i leḥwayeǧ-agi meṛṛa ur neṣfi ara.

A NNADI A NEFHEM AKTEṚ

A nwali amek i nezmer a nessefṛeḥ Yahwa m’ara neţţaṭṭaf leqrarat yelhan deg wayen yeɛnan leɛyudat akk-d lḥeflat.

4. Xḍu i leɛyudat d lḥeflat ur neţţeɛǧab ara i Yahwa

Ɣret-ed Ifasusiyen 5:10, mbeɛd hedṛet ɣef yesteqsiyen-agi:

Uqbel a neṭṭef leqrar ma a nɛegged kra n lɛid neɣ a nṛuḥ ɣer kra n lḥefla, d acu i glaq a nmuqel?
Acu-tent leɛyudat d lḥeflat i gellan deg wemḍiq anda i teţɛiciḍ?
Ɛlaḥsab-ik, ţţeɛǧabent-as i Yahwa?

Ɣef lemtel, yella wasmi i tnudaḍ aţ-ţeẓreḍ d acu i geţxemmim Ṛebbi ɣef lɛid n tlalit? Ur neţţaf ara yakk deg Wedlis Iqedsen anda i d-yenna belli yiwen seg iqeddacen n Yahwa iɛegged lɛid n tlalit-is. Meɛna, iḥekku-d ɣef lɛid n tlalit n sin yemdanen ur neţţeɛbad ara Yahwa. Ɣret-ed Laṣel n ddunit 40:20-22 akk-d Matta 14:6-10, mbeɛd hedṛet ɣef yesteqsiyen-agi:

Deg wacu i ţţemcabint snat n leɛyudat-agi n tlalit?
Ɛlaḥsab-ik, d acu i ɣ-sselmadent teqsiḍin-agi ɣef wamek i geţwali Yahwa leɛyudat n tlalit?

Meɛna ahat teqqareḍ-as: “Dɣa d ṣṣeḥ ur s-yeţţeɛǧab ara lḥal i Yahwa ma ɛeggdeɣ lɛid n tlalit neɣ lɛid nniḍen ur nreṣṣa ara ɣef Wedlis Iqedsen?” Ɣret-ed Tuffɣa 32:1-8. Mbeɛd walit BIDYU-YAGI, thedṛem ɣef yesteqsiyen i d-iţeddun.

BIDYU: Leɛyudat akk-d lɛaddat ur neţţeɛǧab ara i Ṛebbi (5:07)

Ayɣer i glaq a nnadi a nefhem ma teɛǧeb-as i Yahwa kra n lɛid neɣ kra n lḥefla?
Amek ara nnadi ɣef wayen i s-yeţţeɛǧaben i Yahwa?

Amek ara nẓer d acu-tent leɛyudat akk-d lḥeflat i s-iɛeǧben i Yahwa?

Xulfent ayen i gesselmad Wedlis Iqedsen? Akken aţ-ţeẓreḍ ayagi, nadi ansi i d-kkant.
Ţţarrant ccan ur nwulem ara i yemdanen, i kra n leḥkem neɣ i wayen i d-yeţmettilen tamurt, ɣef lemtel leɛlam? D Yahwa i neţɛuzzu nnig n wayen akk nniḍen, fell-as kan i neţkel ad yefru iɣeblan n ddunit-agi.
Neţţaf deg-sent lefɛayel i gxulfen lumuṛ n Wedlis Iqedsen? Ilaq a nili neṣfa di kullec.

5. Ɛiwen wiyaḍ ad ţqadaren ayen swayes i teţţamneḍ

Tikwal zemren a k-ḥerṣen yeqriben-ik aţ-ţɛeggdeḍ kra n lɛid neɣ aţ-ţṛuḥeḍ ɣer kra n lḥefla ur neɛǧib ara i Yahwa. Di liḥala-yagi, ilaq-ak aţ-ţṣebreḍ yerna aţ-ţissineḍ amek ara thedṛeḍ akken a sen-d-tessefhmeḍ leqrar i teṭṭfeḍ. Amek ara txedmeḍ? Walit BIDYU-YAGI.

BIDYU: Issin amek ara theddṛeḍ bac a d-tessefhmeḍ ayen swayes i teţţamneḍ (2:01)

Ɣret-ed Matta 7:12, mbeɛd hedṛet ɣef yesteqsiyen-agi:

Ɛlaḥsab n wafir-agi, iwulem a sen-tiniḍ i iɛeggalen n twacult-ik ur nelli ara d Inagan n Yahwa belli ur ilaq ara ad ɛeggden kra n lɛid?
Amek i tzemreḍ aţ-ţɛiwneḍ iɛeggalen n twacult-ik ad fehmen belli tḥemmleḍ-ten ɣas m’ur teţɛeggideḍ ara yid-sen kra n leɛyudat?

6. Yahwa yebɣa-yaɣ lfeṛḥ

Yahwa yebɣa a nesɛedday lewqat yelhan ţ-ţwacult-nneɣ d leḥbab-nneɣ. Ɣret-ed Amusnaw 8:15, mbeɛd hedṛet ɣef westeqsi-yagi:

Amek i d-yesskanay wafir-agi belli Yahwa yebɣa-yaɣ lfeṛḥ?

Yahwa yebɣa ad zhun iqeddacen-is yerna ad sɛeddayen lewqat yelhan lwaḥid. Walit BIDYU-YAGI i d-yesskanayen belli yeţban-ed lfeṛḥ deg inejmuɛen-nneɣ imeqranen.

BIDYU: Nesteṛḥib akken ilaq s lɣaci deg inejmuɛen imeqranen (5:40)

Ɣret-ed Igalatiyen 6:10, mbeɛd hedṛet ɣef yesteqsiyen-agi:

Iwakken a nessiweḍ ‘a nexdem lxiṛ’ i wiyaḍ, eɛni ilaq a neţɛeggid ayen akk i ţɛeggiden medden?
D acu i k-yessefṛaḥen akteṛ: m’ara tefkeḍ lehdeyya axaṭer iḥettem-ik lḥal imi i d lɛid, neɣ m’ara ţ-tefkeḍ seg wul-ik?
Aṭas n Inagan n Yahwa i gxeddmen ayen i glaqen iwakken dderya-nsen ad sɛeddin lewqat yelhan. Ɣef lemtel xeddmen- asen lḥeflat yerna ţţaken-asen lehdeyyat. Ma tesɛiḍ dderya, amek i tzemreḍ a ten-tessefṛḥeḍ?

KRA QQAREN: “Ur yi-d-tewqiɛ ara deg wansi i d-tekka lɛid-agi, awi-d kan a nesɛeddi taswiɛt yelhan ţ-ţwacult-nneɣ d leḥbab-nneɣ.”

D acu ara d-tǧawbeḍ?

AYEN I D-NELMED

Yahwa yebɣa a nesɛedday lewqat yelhan ţ-ţwacult-nneɣ d leḥbab-nneɣ. Meɛna, yebɣa daɣen a nexḍu i leɛyudat akk-d lḥeflat ur s-neɛǧib ara.

A d-nesmekti

Acu-ten yesteqsiyen ara ɣ-iɛiwnen a nẓer anti leɛyudat d lḥeflat i gɛeǧben i Yahwa?
Amek i nezmer a nɛiwen iɛeggalen n twacult-nneɣ d leḥbab-nneɣ ad fehmen ayɣer ur neţɛeggid ara kra n leɛyudat?
Amek i teẓriḍ belli Yahwa yebɣa a nili di lfeṛḥ yerna a nesɛedday lewqat yelhan?

Fukkeɣ timeɣri-yagi ass n:

Lmeqsud-iw

Ad ssexdmeɣ ixemmimen yellan di tmeɣri-yagi akken ad ẓreɣ ansi i d-kkant leɛyudat d lḥeflat yellan deg wemḍiq anda i ţɛiciɣ w’ad nadiɣ ad ẓreɣ d acu i geţwaxdamen deg-sent.

Lmeqsud nniḍen:

Lmeqsud nniḍen