DILONGI 44
Bafeti nionso kesepedisaka Nzambi?
Yehova zola beto sepela na luzingu mpe beto salaka bafeti bantangu yankaka. Kasi bafeti nionso kesepedisaka yandi? Yinki mutindu beto lenda monisa nzola na beto samu na Yehova na diambu yango?
1. Samu na yinki bafeti mingi kesepedisaka Yehova ve?
Nge lenda kamua na kuzaba ti bafeti mingi katukaka ve na masonukua to yamekatuka na bapayen. Bafeti ya mutindu yango kele na nguizani na mabundu ya luvunu. Yakele na nguizani na bampeve ya yimbi to yakemonisaka ti muela kekufuaka ve. Bafeti yankaka mekatuka na biyamba-yamba to kesiamisaka kundimina shanse. (Yezaya 65:11) Yehova mekebisa bisadi na yandi: ‘Beno kabuana na bau . . . mpe beno bika kusimba kima ya doti.’—2 Bakorinto 6:17. a
2. Yinki mutindu Yehova ketadilaka bafeti yina kepesaka lokumu na bantu?
Yehova mekebisa beto na kubua ve na ntambu ya ‘kutula ntima na bantu.’ (Tanga Yeremia 17:5.) Bafeti mingi kepesaka lokumu na bamfumu to basoda. Yankaka kele samu na kukumisa bidimbu to kimpuanza ya buala. (1 Yoane 5:21) Yankaka kele diaka samu na kukumisa bankubukulu ya politiki to mambu yina bantuadisi ya nkangu salaka. Yinki mutindu Yehova kekukimona kana beto kena kupesa lokumu na bantu to na kimvuka mosi, mingi mingi yina ketulaka na ntuala mabanza yina kele ve na nguizani na lukanu na Yandi?
3. Yinki bifu yina lenda sala ti bafeti ndimama ve?
Biblia mepekisa ‘kulutisa ndilu na kunua malavu, bafeti ya lokoso, [mpe] kunua malavu mingi.’ (1 Piere 4:3) Na bafeti yankaka, bantu kelutisaka ndilu na bikadulu to kesalaka mambu ya nsoni. Samu na kubikana baninga ya Yehova, beto fueti bika bifu yango ya yimbi.
KOTA NA MPINDA
Sosa kuzaba mutindu nge lenda sepedisa Yehova na kubakaka banzengolo ya nduenga na yina metadila bafeti.
4. Manga bafeti yina kekumisaka Yehova ve
Tanga Baefezo 5:10, mpe na manima tadila biuvu yayi:
-
Yinki beto fueti tadila tekila kubaka nzengolo ya kusala feti mosi to ve?
-
Yinki bafeti mezabana mingi na kisika nge kevuandaka?
-
Nge mekanisa ti bafeti yango kesepedisaka Yehova?
Na kifuani, nge mekukiyuvusaka yinki mutindu Nzambi ketadilaka bafeti ya mbutukulu? Biblia tubila ata kisika mosi ve feti ya mbutukulu yina kisadi mosi ya Yehova salaka, kasi yametubila bafeti zole ya mbutukulu yina salamaka na bantu yina vuandaka sadila Yandi ve. Tanga Kuyantika 40:20-22 mpe Matayo 14:6-10. Mpe na manima tadila biuvu yayi:
-
Yinki kele diambu ya kukokana salamaka na bafeti yango nionso zole ya mbutukulu?
-
Na kutadila masolo yayi ya Biblia, yinki nge mekanisa na mutindu Yehova ketadilaka bafeti ya mbutukulu?
u samu na Yehova kana munu mekuenda na feti ya mbutukulu to na feti mosi yina Biblia kindisa ve?’ Tanga Kubasika 32:1-8. Mpe, tula VIDEO mpe na manima tadila biuvu yayi melanda.
-
Samu na yinki beto fueti sosa kuzaba mambu yina mendimama na Yehova?
-
Yinki mutindu beto lenda sala yau?
Yinki mutindu beto lenda zaba kana feti mosi kesepedisaka ve Nzambi
-
Yamekatuka na malongi yina kele ve na Biblia? Samu na kuzaba yau, sosa kuzaba kisika feti yango mekatuka.
-
Bafeti yango kepesaka lokumu na bantu, na bimvuka ya bantu, to na bidimbu ya buala? Beto kepesaka Yehova lokumu kuluta nionso mpe beto ketudilaka yandi ntima ti yandi kemanisa bampasi nionso ya yinza.
-
Mimeseno mpe mambu yina bantu kesalaka na feti yango kele ve na nguizani na minsiku ya Biblia? Beto fueti tanina bikadulu ya mbote.
5. Sadisa bantu yankaka bazitisa bindimeli na nge
Yalenda vuanda mpasi na kumanga ntangu bantu yankaka kena kutula nge mbamba samu nge sala bafeti yina kesepedisaka Yehova ve. Sasila nzengolo na nge na ntima ya kukita mpe na luzitu nionso. Samu na kumona kifuani mosi ya mutindu ya kusala yau, tula VIDEO.
Tanga Matayo 7:12, mpe na manima tadila biuvu yayi:
-
Na kutadila verse yayi, nge fueti pekisa bantu ya dibuta na nge yina kele ve Bambangi ya Yehova basala feti mosi?
-
Yinki nge fueti sala samu na kumonisa dibuta na nge ti atako nge kesalaka ve bafeti kintuadi na bau, nge kezolaka bau mpe nge kebakaka bau na valere?
6. Yehova zola beto vuanda na kiese
Yehova zola beto lutisa bantangu ya mbote na dibuta mpe bankundi na beto. Tanga Longi 8:15, mpe na manima tadila kiuvu yayi:
-
Yinki mutindu verse yayi kena monisa ti Yehova zola beto vuanda na kiese?
Yehova kezolaka ti bisadi na yandi basepelaka mpe balutisaka bantangu ya mbote kati na bau. Tula VIDEO samu na kumona mutindu diambu yango kele kedika na balukutakanu na beto ya nene yina kesangisaka bayinsi mingi.
Tanga Bagalatia 6:10, mpe na manima tadila biuvu yayi:
-
Samu na kusala “mambu ya mbote” na bantu yankaka beto fueti kaka sala bafeti ya nene?
-
Yinki mutindu ya kupesa kepesa nge kiese—kupesa samu kaka yakele kilumbu ya feti mosi to kupesa samu na luzolo na nge mosi?
-
Bambangi ya Yehova mingi kesalaka mua bafeti bantangu yankaka samu na bana na bau mpe bakepesaka bau bakado yina bakanisaka ve. Kana nge kele na bana, yinki diambu mosi ya spesiale nge lenda sala samu na bau?
BANTU YANKAKA METUBA: “Kuzaba bisika bafeti katukaka kele ve na mfunu. Yina kele mfunu kele kulutisa ntangu ya mbote kintuadi na bankundi.”
-
Yinki nge ketuba?
BUNKUFI
Yehova zola beto lutisa ntangu ya mbote na dibuta mpe baninga. Kasi yandi zola diaka beto kukikotisa ve na bafeti yina kesepedisaka yandi ve.
Mvutukulu
-
Yinki biuvu beto fueti kukiyuvusa samu na kuzaba kana feti mosi kesepedisaka Yehova ve?
-
Yinki mutindu beto lenda sadisa dibuta na beto mpe bankundi na beto babakusa nzengolo na beto na yina metadila bafeti?
-
Yinki mutindu nge mezaba ti Yehova zola beto vuanda na kiese mpe beto sekana?
SOSA
Tadila mua bafeti yina Baklisto kesalaka ve.
“Mpo na nini Batatoli ya Yehova basalaka bafɛti mosusu te?” (Disolo na Internet)
Tala mambu yiya yina kendimisaka beto ti bafeti ya mbutukulu kesepedisaka ve Nzambi.
“Mpo na nini Batatoli ya Yehova basalaka fɛti ya mbotama te?” (Disolo na Internet)
Tala yinki mutindu ntuenia mosi pesaka mvutu na luzitu nionso ntangu basokosaka yandi na kalasi samu yandi kesalaka ve feti ya Noele.
Bamilion ya Baklisto ponaka kusala ve feti ya Noele. Yinki mutindu baketadilaka nzengolo na bau?
“Bazwi eloko moko ya malamu koleka” (Linɔ́ngi ya Mosenzeli ya 1 Décembre 2012)
