Yehova zola beto tala kilengi na luzingu mpe bantangu ya nkaka beto sala bafeti. Kasi ya zola zonza kwandi ti mikembo nyonso ke sepelisaka yandi? Yinki beto fwana sala samu na kulakisa Yehova ti beto ke zolaka yandi na ntangu ya mikembo?

1. Samu na yinki mikembo mingi ke sepelisaka ve Yehova?

Ya lenda pamusa nge na kuzaba ti mingi ya mikembo yina bantu ke salá bubu yayi, me katuka na malongi ya luvunu yina kele ve na Biblia to na malongi ya mabuundu ya luvunu. Mingi ya mikembo yango, me katuka na mambu yina me tadila kusolola to kuwa bambazi ya yimbi, to na malongi ya luvunu yina ke longá ti luzingu ke suká ve na manima ya lufwa. Ba ya nkaka ke talá ti mikembo ya nkaka ke natina bawu mambu ya mbote na luzingu to mambu ya yimbi kana ba sala ve yawu. (Izaya 65:11) Yehova me zonza na bisadi ya yandi: “Beno katuka sika kele bantu yina . . . Beno simba ve bima yina kele ya kusumuka.”—2 Bakorinto 6:17. a

2. Wa’ faso Yehova ke tadilá mikembo yina ke pesá lukumu ya kulutila na bantu?

Yehova ke kebisá beto samu na kubwa ve na mutambu ya “kutula ntima na bantu.” (Tanga Yeremia 17:5.) Mikembo ya nkaka ke pesá nkembo na bamfumu ya bwala to na basoda. Ba ya nkaka ke salá mikembo samu na indépendance ya bwala, to samu na bidimbu ya bwala mutindu drapeau. (1 Yoane 5:21) Mikembo ya nkaka ke pesá nkembo na bimvuka ya politique to ya bantu. Yinki ya ke salá Yehova kana beto ke na pesá lukumu ya kulutila na bantu to na bimvuka, mingi-mingi kana beto me sala yawu na ba yina ke zonzá mambu yina ke kwelaná ve na luzolo ya yandi?

3. Wapi mambu lenda sala ti mukembo vanda ve mbote samu na bandiku ya Yehova?

Biblia ke niminá beto na “kulutisa ndilu na kunwa malafu, kusala mikembo yina bantu ke salaka mambu ya kidi-kidi [mpe] kusala mikembo yina bantu ke kunwaka malafu mingi.” (1 Piere 4:3, nwt-MK) Na mikembo ya nkaka bantu ke salá mambu ya kidi-kidi mpe ke vukisá nzutu na faso ya yimbi. Samu na kubumba kindiku ya beto na Yehova, beto me lunga kuvanda ntama na bansalulu ya mvindu yayi.

 SOSA KUZABA MBOTE-MBOTE

 5. Sadisa bantu ya nkaka na kupesa buzitu na mambu yina nge ke kwikilaka

6. Yehova zola beto vanda na kilengi

Yehova zola ti beto sepela na kulutisa ntangu na dikanda mpe na bandiku ya beto. Tanga Longi 8:15, mpe na manima beto zonzila kyuvu yayi:

• Wa’ faso verse yayi me lakisa ti Yehova ke zolá beto vanda na kilengi?

Yehova zola ti dikanda ya yandi sakana, mpe lutisa bantangu ya mbote na bampangi kintwadi. Tala VIDEO samu na kutala mutindu ya ke talaná pwelele na ntangu ya balukutakanu ya beto ya nene, yina ke vukisá babwala mingi (assemblées internationales).

Tanga Bagalate 6:10, mpe na manima beto zonzila byuvu yayi:

• Na kusala “mambu ya mbote” na bampangi, beto me fwana kwandi kuvingila kaka kilumbu ya mukembo?

• Wapi mutindu ya kukabula ke pesá nge kilengi ya kulutila: kukabula samu ya ke kilumbu ya mukembo to kukabula samu ya ke ni ntima ya nge me zola kusala yawu?

• Mingi ya Bambangi ya Yehova ke salá bantangu ya nkaka mikembo ya fioti samu na bana ya bawu, mpe ke pesá bawu makabu na ntangu yina ba vanda vingila ve yawu. Kana nge ke na bana, wapi bamambu ya kitoko nge lenda sala samu na kupesa bawu kilengi?

 NA BUNKUFI

Yehova zola ti beto lutisa bantangu ya mbote na dikanda mpe bandiku ya beto. Kasi yandi zola ve ti beto sala mikembo yina ke nyongisaka yandi.

Mambu ya kusimba

• Wapi byuvu nge lenda yufula, samu na kuzaba kana mukembo mosi ke nyongisá Yehova to ve?

• Yinki beto lenda sala samu na kusadisa dikanda mpe bandiku ya beto, na kuzitisa mikanu ya beto na yina me tadila mikembo?

• Wapi mutindu beto me zaba ti Yehova zola ti beto sakana mpe vanda na kilengi?