MURU 44
Kodi Vikondwelelo Vyetene Vinomuomeli-a Mulungu?
Yehova unafuna ira nisangalalenga na moyo koma teto unafuna ira thawi dimo-i niirenga vikondwelelo. Koma kodi pivikondwelelo koma teto maholide etene anayo kanamuomeli-a Mulungu? Kodi ninatonyi-ede avi ira ninomuomeliwana Yehova vosakula vyofuneela panga vakhanila?
1. Chifukwa n’ni vikondwelelo vyetene kavinamuomeli-a Yehova?
Nyo munokoza dabwa mwaiziwa ira vikondwelelo vinjinji kavinagwilizana na vyevyo Baibulo linafunji-aathu. Teto vimo-i vyaambeli-iwe na vipembezo vyonama. Koma teto vikondwelelo vimo-i vinakala vyokuzana na vyamizimu kapena vyaambeele chifukwa ya iroromelo yoi viikala yongo imo-iwene ineyo inakaanave moyo muthu akhwa. Viikala teto vimo-i vyevyo vyaambeele chifukwa yororomela vyaukwiri kapena iroromelo yoi vyongo vimo-i vinaireya chifukwa yamwai. (Yesaya 65:11) Eeno Yehova oowenjeli-a atumikaye ira: “Mwalanani na aliwa . . . kamukuze yongo yotakali-iwa.” — 2 Akorinto 6:17. a
2. Kodi Yehova unavwa avi aonanga athu kairanga vikondwelelo volemekeza athu amo-iwa?
Yehova unonienjeli-a ira ninafuneela pewa ‘roromela mwa muthu uliwetene okumeela utumbulu.’ (Welengani Yeremiya 17:5.) Viikala maholide amo-iwa anayo kagarati-iwile vofuna lemekeza alimba lamulela kapena asilikali. Amo-iwa kanoira vikondwelelo vyoumbuwela dambo lelo kawacheleathu ufulu ovilamulela kapena vizindikilo vya ilambwiwa, monga mbendela. (1 Yohani 5:21) Amo-iwa teto kanoira vikondwelelo vofuna lemekeza magulu andale, kapena mabungwe ovazela ufulu wa athu. Kodi Yehova unavwe avi akala ninairana vikondwelelo volemekeza athu amo-iwa kapena mabungwe, simbwasimbwa anayo kanalimbi-a makundo o-iyana na vyevyo Mulungu unafuna liye?
3. Kodi mbamakalelo aavi anayo kanapangi-a ira vikondwelelo vimo-i vikale vyo-ofwaneelela?
Baibulo linokoondi-a vyongo monga “ng’wa vinyu mopitilila malile, mapwando apokoso, [koma teto] ng’wa mwampikisano.” (1 Petulo 4:3) Athu kairanga vikondwelelo vimo-i kanoira vyongo mooviruni-a koma teto kanoira vyachiwelewele. Ira nikaleve vausamwali na Yehova ninafuneela pewa vikondwelelo vyevyo vinalimbi-a makalelo otakala ngati anala.
FUNJEDANI VYOWENJEDELEYA
Onani vyevyo munaire nyo ira mumuomeli-enga Yehova vosakula vyongo mofwanelela vakhani ya maholide koma teto vikondwelelo.
4. Kamuirengana vikondwelelo vyevyo Yehova aanaomeliwana liye
Welengani Aifeso 5:10, era eeno tapanyani vyofuka vyo-arelavi:
-
Kodi ninafuneela simikizela n’ni ira niiziwe akala vili vyofwaneelela irana ikondwelelo imo-iwene?
-
Kodi pivikondwelelo vyiivi vyevyo vili vyochuka waninyuwo?
-
Kodi munaganiza ira Yehova unosangalala na vikondwelelo vyevyo?
Mofwanafwani-a, kodi muwambeela ganizelavo ira maganizo a Mulungu vakhani yokondwelela dambo lobaliwa mboi avi? Baibulo kalinamuromola mtumiki wa Yehova uliwetene unoyo akondwelelevo dambo lobaliwa. Koma linaonga vya athu ambin’li ba-i anayo kairile vyevi, teto etene katatumikela Mulungu. Welengani Genesesi 40:20-22 na Mateyu 14:6-10, era eeno tapanyani vyofuka vyo-arelavi:
-
Kodi vavikondwelelo vyetene vin’livi vaireile yongo yofwanafwana iivi?
-
Mogwilizana na mavesi niwelengile iywala, kodi munaona ira maganizo a Yehova mboi avi vakhani yokondwelela malambo obaliwa?
Nyo munokoza vifuka ira, ‘Kodi Yehova unokoza kumudwa ndairana vikondwelelo vya malambo obaliwa kapena vikondwelelo vimo-i vyoogwizana na makundo a Baibulo?’ Welengani Ekisodo 32:1-8. Era eeno, onelani VIDIYO yamala tapanyani vyofuka vyo-arelavi.
-
Chifukwa n’ni ninafuneela ambeela simikizela akala vyevyo ninafuna iyo viira vili vyosomedeleya wa Yehova?
-
Nanga ninaire avi vyevi?
Kodi munaiziwe avi vikondwelelo vyevyo Mulungu vyaanaomeliwana liye?
-
Kodi ikondwelelola chogwilizana na vyevyo Baibulo linafunji-aathu? Ira muiziwe saelani mwemo yaambeeleathu.
-
Kodi ikondwelelola inolemekeza athu, mabungwe kapena vizindikilo vyevyo ilambo inavionaathu ira pivyofuneya vinjinji? Ninafuneela lemekeza Yehova kwaranya uliwetene teto ninororomela ira liye ngunoyo unaze amali-e mavuto etene vailambwela.
-
Kodi vyevyo athu kanairaathu vaikondwelelola vinogwilizana na makundo a m’Baibulo? Ninafuneela esaesa dowanave kala owela vamaso va Mulungu.
5. Mukami-enga amo-iwa ira kalemekezenga vyevyo munaroromela nyo
Kavinakala vyokweya koonda amo-i kaukanyi-edangani ira mupangena vikondwelelo vyevyo vyaanamuomela Yehova. Komave munoira pama asambaulela modeka koma teto mosamala chifukwa iwa mwa-anairela nyo vikondwelelovyo. Ira muone isazo ya mwemo munairelenyo vyevi, onelani VIDIYO.
Welengani Mateyu 7:12, era eeno tapanyani vyofuka vyo-arelavi:
-
Mogwilizana na vesili, kodi munafuneela awandela abalinyu ira ka-iye pangana ikondwelelo imo-iwene?
-
Kodi munasimikezele avi abalinyu ira munowaomeliwana koma teto munowaganizela ngakale ira kamunairana limo-i ikondwelelo imo-iwene?
6. Yehova unafuna ira nisangalalenga
Yehova unafuna ira nisangalalenga limo-i na abali-u koma teto afwi-u. Welengani Namalaleya 8:15, era eeno tapanyani yofuka yo-arelela:
-
Kodi vesili linatonyi-eda avi ira Yehova unafuna ira nisangalalenga?
Yehova unafuna ira athwaye kasangalalenga. Onelani VIDIYO yotonyi-eda mwemo vyevi vinaireelaathu vamisonkano di-u davilambo.
Welengani Agalatiya 6:10, era eeno tapanyani vyofuka vyo-arelavi:
-
Kodi ninafuneela irangana maholide ochuka ngati ndila ‘yoirela amo-i vyapama?’
-
Kodi munosangalala mwakanyi-ediwa peleka mphaso chifukwa ya ikondwelelo imo-iwene kapena chifukwa yoi munofunechecha peleka?
-
Thawi dimo-i a Mboni anjinji kanoirela a-imiwa vyongo vimo-iviwa vyavadela. Teto thawi dimo-i kanowagulela mphaso doi katadedi-edela. Akala mun’na a-ima, kodi pivyongo vyavadela vyiivi vyevyo munaairele nyo?
ATHU AMO-IWA KANAONGA IRA: “Kavina chito ira holideyo yaambeele avi. Yofuneya choi vathawi inela ninofwanya mwai osangalala limo-i na abali-u koma teto afwi-u.”
-
Kodi munamusambaulele n’ni muthu unola?
VYEVYO NIFUNJEDILE IYO
Yehova unafuna ira nisangalalenga limo-i na abali koma teto afwi-u. Komave liye unafuna ira kaniirengana vikondwelo vyevyo vyaanamuomela.
Vyofuka Vyoweli-eda
-
Kodi ninavifuke vyofuka vyiivi ira niiziwe akala ikondwelelo imo-iwene inamuomeli-a Yehova kapena kinamuomeli-a?
-
Kodi ninakami-ede avi abali-u na afwi-u ira kavwecheche chifukwa iwa kaninairana maholide amo-iwene?
-
Kodi ninaiziwa avi ira Yehova unafuna ira nisangalalenga?
ONANI VIMO-I
Onani maholide amo-iwa anayo Akiristu katinakondwelelana.
“N’chifukwa Chiyani a Mboni za Yehova Sachita Nawo Maholide Ena?” (Khani yavawebusaiti)
Onani vifukwa 4 vyevyo vinaniiri-a roromela ira vikondwelelo vya malambo obaliwa kavinaomeli-a Mulungu.
“N’chifukwa Chiyani a Mboni za Yehova Sakondwerera Masiku Akubadwa?” (Khani yavawebusaiti)
Onani mwemo nyamata m’mo-iwa airile liye vyongo mosamala usukulu anganyoziwe chifukwa yokoonda kondwelelana Kirisimasi.
Akiristu anjinji koosakula ira katikondwelelenga Kirisimasi. Kodi kanavwa avi kaganizela vyevyo kasakulileathu?
“Amasangalala Ngakhale Kuti Sachita Khirisimasi” (Nsanja ya Olonda, December 1, 2012)
a Onani Mawu Aumapeto 5 ira muiziwe vyevyo munaire nyo athu amo-iwa kakondwelelanga holide imo-iwene.
