Taj Jehová tuʼn qtzalaj tiʼj qanqʼibʼil ex tuʼn tkubʼ qbʼinchaʼn jun fiesta junjun maj. Pero, ¿bʼaʼnpe in che ela kykyaqil fiesta toj twitz Dios ex qe ikʼsabʼil? ¿Tzeʼn jaku kubʼ qyekʼin qa kʼujlaʼn Dios quʼn ex qa in qo ximen tiʼjju in kubʼ tnaʼn?

1. ¿Tiquʼn nya bʼaʼn in che ela kykyaqil fiesta moqa ninqʼij toj twitz Jehová?

Jakulo jaw labʼina aj tel tnikʼa tiʼj qa chʼixme kykyaqil fiesta atz tzajni qe kyukʼil xjal mintiʼ in che ajbʼen te Dios ex mintiʼ in tzaj tqʼamaʼn Biblia. Bʼalo at kyoklen ikʼsabʼil lu kyukʼil okslabʼil nya ax tok, tukʼil kyaqʼun chman moqa tukʼilju xnaqʼtzbʼil nimen kyuʼn xjal qa kukx itzʼ tanmi jun xjal aj tkyim. Axpe ikx, ateʼ junjun ikʼsabʼil at kyoklen tukʼilju nimen kyuʼn xjal moqa tukʼil swert (Isaías 65:​11). Tuʼntzunju, in xi tqʼamaʼn Jehová jlu kye tmajen: «Kypaʼmil kyibʼe kyiʼj [...] ex miʼn tzʼok kymakoʼne aju ttzʼilil» (2 Corintios 6:​17). a

2. ¿Tiʼ t-ximbʼetz Jehová at kyiʼj fiesta jatumel in che jaw nimsaʼn xjal?

In tzaj tqʼamaʼn Jehová qe tuʼn miʼn tok qeʼ qkʼuʼj «tiʼj juntl xjal» ik tzeʼn in bʼant kyuʼn txqantl, tuʼnju jaku tzʼok jlu te jun tramp (uʼjinktza Jeremías 17:5). Ateʼ junjun fiesta in che ok tuʼn kyjaw nimset aj kawil moqa junjun xjal at nim kyoklen toj tnam. Kyoj junjun fiesta, in nok qʼoʼn kyoklen símbolos patrios moqa in kubʼ ikʼset independencia toj jun tnam (1 Juan 5:​21). Ax ikx, ateʼ xjal in nok kychmon kyibʼ tuʼn tkubʼ kyximen tzeʼn jaku che onin kyiʼj xjal moqa tuʼn kyok meltzʼaj kyiʼj aj kawil. Qa ma jaw qnimsaʼn jun xjal moqa jun kʼloj xjal in che ok meltzʼaj tiʼj t-ximbʼetz Dios, ¿tiʼ jaku kubʼ tnaʼn tuʼn jlu?

3. ¿Tzeʼn jaku tzʼel qnikʼ tiʼj qa nya bʼaʼn jun ikʼsabʼil?

In tzaj tqʼamaʼn Tyol Dios tuʼn miʼn txi qkʼaʼn nim qʼeʼn ex tuʼn miʼn qten kyoj fiesta jatumel in che kʼan xjal qʼeʼn ex in kubʼ kybʼinchaʼn il (1 Pedro 4:3). Kyoj junjun ikʼsabʼil, in kubʼ kyyekʼin xjal nya bʼaʼn kymod ex in che ikʼ tibʼaj. Qa qaj tuʼn kukx qok te tamiw Jehová, il tiʼj tuʼn tel qikʼun tkyaqil jlu tuʼntzun miʼn tbʼaj tzʼilix qximbʼetz.

 QO JYON MAS TQANIL

 5. Tzʼonina kyiʼj txqantl tuʼn tok kyqʼoʼn toklen tokslabʼila

6. Taj Jehová tuʼn qtzalaj

Taj Jehová tuʼn qtzalaj kyukʼil toj qja ex kyukʼil qamiw. Kyuʼjinktze Eclesiastés 8:​15 ex che yoline tiʼj xjel lu:

• ¿Tzeʼn in tzaj tyekʼin versículo lu qa taj Jehová tuʼn qtzalaj?

Ax ikx, taj Jehová tuʼn tbʼant junjun tiʼchaq kyuʼn tmajen tuʼntzun kyten junx ex tuʼn kytzalaj. Kyqʼonke kywitze tiʼj VIDEO tuʼntzun tel kynikʼe tiʼj qa atzun jlu in bʼant kyoj asamblea internacional.

Kyuʼjinktze Gálatas 6:​10 ex che yoline kyiʼj xjel lu:

• ¿Ilpe tiʼj tuʼn tkubʼ qikʼsaʼn jun fiesta tuʼn qbʼinchan xtalbʼil kye txqantl?

• ¿Alkye regalo taja tuʼn t-xi tqʼoʼna, apeju il tiʼj tuʼn t-xi qʼet toj jun fecha moqa aju in tzaj anqʼin toj tanmiya?

• Ateʼ junjun testigo de Jehová in kubʼ kybʼinchaʼn junjun actividad kyukʼil kykʼwal, axpe ikx in xi kyqʼoʼn junjun regalo kye. Qa ateʼ teya tkʼwal, ¿alkye junjun tiʼchaq jaku kubʼ tbʼinchaʼna kyukʼil?

 TOJ CHʼIN YOL

Taj Jehová tuʼn qtzalaj jun rat kyukʼil toj qja ex qe qamiw, pero nya taj tuʼn qten kyoj fiesta nya bʼaʼn in che ela toj twitz.

Aju ma qo yolin tiʼj

• ¿Tiʼ bʼaʼn tuʼn qximen tiʼj tuʼn tel qnikʼ tiʼj alkyeqe ikʼsabʼil nya bʼaʼn in che ela toj twitz Jehová?

• ¿Tiʼ jaku bʼant quʼn tuʼn qonin kyiʼj toj qja ex qe qamiw tuʼn tel kynikʼ tiʼj tiʼ qximbʼetz at kyiʼj fiesta?

• ¿Tzeʼn ojtzqiʼn quʼn qa taj Jehová tuʼn qtzalaj ex tuʼn tbʼant junjun actividad quʼn?