Taatausinpai uurînîkon koꞌmantoꞌpe yuꞌse Jeová wanî moropai uurînîkon suminatoꞌpe yuꞌse awanî uyonpakon pokonpe. Tîîse tamîꞌnawîron naka festakonya (feriados/holidays) Jeová kupî taatausinpai? Oꞌnon yeꞌka pe Jeová yewan yausinpa uurînîkonya eꞌpainon?

1. Îꞌ waniꞌ awanî yeꞌnen tuꞌke festakonya Jeová kupî pepîn taatausinpai?

Tuꞌkan festakon man Jeová wakîri pe pra, maasa pra mîrîrî imakuiꞌpî yeserukon iipi yeꞌnen seruꞌyeꞌ soosikon winîpai. Mîrîrî yenupatoꞌkon iipî pra man Paapa Maimu winîpai. Tiaron pensa, Makui yeserukon pe mîrîrî festakon wanî, teeseraꞌmasen pepîn meruntîri moropai emîimantoꞌ pe wanî (ocultismo, occultism). Pemonkon saꞌmantasaꞌ tîpo mîîkîrî koꞌmamî enen pe inîꞌrî yenupa seeni festakonya. Tiaron festakon kupî pemonkonyamîꞌya imakuiꞌpî eꞌkupî namai toꞌ pî, tîîse seruꞌyeꞌ mîrîrî wanî (supertição/superstition). Mîrîrî wenai, aranne pe pemonkonyamîꞌ wanî. (Isaías 65:11) Jeováya taa pî man tîpoitîrîtonon pî: “Amîrîꞌnîkon atarima eꞌpai man, inkamoro yeꞌka piapai. Toꞌ rumakatî, mîrîrî yeꞌka nura kupîyaꞌnîkon namai.” — 2 Coríntios 6:17. a

2. Îꞌ pî Jeová esenumenka festakon pî moroni pemonkonyamîꞌ yapurî tiaronkonya?

Jeováya uurînîkon panama: “Imakuiꞌpî mîîkîrî warayoꞌ inna taanen tiaron warayoꞌkon pî”. (Eraꞌmakî Jeremias 17:5.) Tiaron pensa, tiaronkon wîtî festa pona ipîkku pe tîweꞌsanon moropai surarayamîꞌ yapurîi. Tiaronkon festakon kupî pemonkonyamîꞌya tîpataꞌseꞌkon yapurîtoꞌpe toꞌya. (1 João 5:21) Moropai tiaronkon festakon ta taise, pemonkonyamîꞌya koꞌmannîtoꞌ yeseru yapurî moropai pata esanon esenumenkatoꞌ nîrî. Îꞌ taaya? Oꞌnon yeꞌka pe Jeová ena amîrî wîtîsaꞌ ya festa pona pemonkonyamîꞌ yapurîi?

3. Îꞌ wani pra wanî îꞌ kupî pemonkonyamîꞌya manni seeni festakon ta?

Paapa Maimuya taa yairî pra wanî “kureꞌne awukukon maiꞌ enîrî pîꞌ awanîꞌpîkon, eesiyuꞌpîtîkon pîꞌ aakoꞌmamîꞌpîkon, moropai eetîmîkon pîꞌ aakoꞌmamîꞌpîkon.” (1 Pedro 4:3) Festakon ta yau pe pemonkonyamîꞌ enasaꞌ wanî moropai nura pe toꞌ yeseru enasaꞌ nîrî. Jeová yonpa pe eꞌnîtoꞌpe, epe eꞌpai uurînîkon wanî mîrîrî nurakon yeserukon piapai.

 ESENUPAKÎ INÎꞌ PANPÎꞌ

 5. Tiaronkon pîikaꞌtîkî epuꞌtoꞌpe toꞌya îꞌ imenkaꞌpîya manni

6. Taatausinpai uurînîkon koꞌmantoꞌpe yuꞌse Jeová wanî

Anna yonpakon moropai anna pemonkonoyamîꞌ koꞌmannîtoꞌpe tîmurukun pe yuꞌse Jeová wanî. Eraꞌmatî Eclesiastes 8:15. Tarîpai seeni itoꞌkoꞌ manni pî eseurîmatî:

• Oꞌnon yeꞌka pe seeni Paapa Maimu imenukasaꞌya yenpo pî man taatausinpai uurînîkon koꞌmantoꞌpe yuꞌse Jeová wanî?

Tîpemonkonoyamîꞌ eꞌtoꞌpe tîmurukun pe moropai taatausinpai yuꞌse Jeová wanî. PANTON eraꞌmatî, epuꞌtîpa oꞌnon yeꞌka pe mirîrî eꞌkupî anna kureꞌnan emurukuntîtoꞌ ta.

Eraꞌmatî Gálatas 6:10. Tarîpai seeni itoꞌkoꞌ manni pî eseurîmatî:

• Festakon pona wîtî eꞌpai uurînîkon wanî naka oꞌnon pata pemonkonyamîꞌ wanî manni morî kuꞌtoꞌpe tiaronkon tonpe?

• Îꞌ ya amîrî kupî taatausinpai inîꞌ panpîꞌ: morîkon tîrîya tiaronkon pia, maasa pra mîrîrî kuꞌtoꞌpeya yaipontî anîꞌya ya, festa weiyu pe wanî yeꞌnen? Mîrîrî morîkon tîrî yuꞌse awanî yeꞌnen karî?

• Jeová Maimu Ekaremeꞌnenanya festakon kupî morîkon tîîtoꞌpe tîmukuyamîꞌ pia. Mîrîrî koneka toꞌya îꞌ pensa rî weiyu yai. Anmukuyamîꞌ esaꞌ pe awanî ya, îꞌ morîkon konekaya eꞌpainon inkamoro tonpe?

 Îꞌ PÎ ESENUPA PÎ NAN?

Apemonkonoyamîꞌ eꞌtoꞌpe tîmurukun pe moropai taatausinpai yuꞌse Jeová wanî. Tîîse tewanmarî festakon pona uurînîkon wîtî yuꞌse pra awanî, mîrîrîya mîîkîrî yewankonoꞌmai yeꞌnen.

Enpanatapaiꞌnîkon

• Îꞌ yeꞌka ekaranmaposaꞌkonya uurînîkon pîikaꞌtî epuꞌtoꞌpe îꞌ yeꞌka festakon wanî Jeová wakîri pe pra?

• Oꞌnon yeꞌka pe uurînîkon pemonkonoyamîꞌ pîikaꞌtî uurînîkonya eꞌpainon epuꞌtoꞌpe toꞌya, îꞌ waniꞌ awanî yeꞌnen yairî pra festakon ta anna wîtî rîn?

• Oꞌnon yeꞌka pe epuꞌtî uurînîkonya eꞌpainon taatausinpai uurînîkon koꞌmantoꞌpe yuꞌse Jeová wanî moropai uurînîkon suminatoꞌpe nîrî?