44-ШЕ УРОК
Юмылан чыла пайрем келша мо?
Иегован кумылжо почеш ме илышлан куанышаш улына да жапын-жапын шкаланна пайрем-влакым ыштен кертына. Но Юмылан чыла пайрем келша мо? Тиде йодышышто тудын шонымыжым кузе шотыш налын кертына?
1. Молан Иегова шуко пайремым йӧрдымылан шотла?
Те ӧрыда докан, но пайрем-влак гыч шукышт тыгай туныктымаш дене кылдалтыт, кудышт Библийлан тореш улыт, але шоя религий гыч лектыт. Нуно демонизм дене кылдалт кертыт але колыдымо чонлан ӱшанымашеш негызлалт кертыт. А южо пайрем-влак суеверий да пӱрымашлан ӱшанымаш дене кылдалтыт (Исайя 65:11). Иегова служитлышыже-влаклан ойла: «Нунын деч ойырлыза... Ару огыл деке ида тӱкнӧ» (2 Коринфян-влаклан 6:17) a.
2. Еҥ-влакым чапландарыше пайрем-влак нерген Иегова мом шона?
Еҥ-влаклан ӱшанаш лӱдыкшӧ манын, Иегова мемнам шекландара. (Иеремия 17:5 лудын лекса.) Южо пайрем-влак вуйлатышым але салтак-влакым чапландарат. Весышт национальный символ але элын эрыкан лийме лӱмеш эртаралтыт (1 Иоаннын 5:21). А эше улыт тыгай пайрем-влак, кудышт политический але социальный организаций-влакым чапландарат. Шоналтыза, ме айдемым але организацийым чапландарена гын, поснак кунам нуно Юмылан йӧрдымӧ шонымашым шаркалат, тунам Юмо мом шижеш?
3. Молан кӧра пайрем уда лийын кертеш?
Библий палдара: Юмылан огеш келше, кунам жапым веселан эртарыме годым еҥ-влак утыждене аракам йӱыт да яжарланат (1 Петрын 4:3). Южгунам пайремыште еҥ-влак шкеныштым огыт кучо да нравственный нормо-влак нерген мондат. Иегован йолташыже кодашлан мыланна тыгай деч кораҥман.
КЕЛГЫНРАК ШЫМЛЕН НАЛЗА
Пален налза, кузе пайрем да жапым веселан эртарымаш шотышто Иеговалан келшыше решенийым лукташ.
4. Иеговам шӱктарыше пайремым ида пайремле
Ефесян-влаклан 5:10 лудын лекса да вашмутым пуыза:
-
Иктаж-могай пайремым пайремлаш але уке, решенийым лукташ мо полша?
-
Кундемыштыда могай пайрем-влакым пайремлат?
-
Кузе шонеда, нине пайрем-влак Иеговалан келшат мо?
Мутлан, те иктаж-кунам шоненда, мом Иегова шочмо кечым пайремлыме нерген шона? Иегован служитлышыже-влак кокла гыч иктаж-кӧ шочмо кечыжым пайремлен манын, Библийыште нигуштат возымо огыл. Но тушто кок еҥын, кудышт Иеговалан служитлен огытыл, шочмо кечым пайремлымышт нерген возымо. Тӱҥалтыш 40:20—22 да Матфейын 14:6—10 лудын лекса да вашмутым пуыза:
-
Нине историй-влак мо дене икгай улыт?
-
Нине каласкалымаш-влакым шотыш налаш гын, шочмо кечым пайремлыме нерген Иегова мом шона?
Но, очыни, те шонеда: «Мый шочмо кечым але вес пайремым пайремлем але уке, Иеговалан садиктак огыл мо?» Исход 32:1—8 лудын лекса. Вара ВИДЕОРОЛИКЫМ ончалза да вашмутым пуыза:
-
Молан пален налаш кӱлеш, Иеговалан иктаж-могай пайрем келша але уке?
-
Тудын шонымыжым кузе пален налаш?
Иктаж-могай пайрем шотышто Иегован шонымыжым кузе пален налаш?
-
Тиде пайрем шоя туныктымаш-влак дене негызлалтын мо? Пайремын кушеч лекмыжым пален налза.
-
Тиде пайрем иктаж-могай айдемым, организацийым але национальный символым чапландара мо? Эн ончыч Иеговалан чап пуымо лийшаш. Тудо гына чыла тӱнямбалысе проблемым пытарен кертеш.
-
Тиде пайремыште мо ышталтеш? Библийысе нормо-влаклан тиде келшен толеш мо? Мыланна нравственный шотышто ару кодман.
5. Ӱшанымашдам пагалаш весе-влаклан полшыза
Йӧсӧ лийын кертеш, кунам весе-влак тендам Иеговалан йӧрдымӧ пайремым пайремлаш темдат. Порын да чытымаш дене решенийдам умылтарыза. Теве ик пример, кузе тидым ышташ. ВИДЕОРОЛИКЫМ ончалза.
Матфейын 7:12 лудын лекса да вашмутым пуыза:
-
Тиде почеламут дене келшышын, Танык огыл родо-влаклан тиде пайремым ида пайремле манын ойлаш кӱлеш мо?
-
Родо-влак дене пырля иктаж-могай пайремым ода пайремле гынат, нуным йӧратымым да пагалымым кузе ончыктен кертыда?
6. Иегова мемнам пиаланым ужнеже
Иегован кумылжо дене келшышын, родо ден йолташна-влак дене пырля жапым эртарымаш мыланна куаным кондышаш. Экклезиаст 8:15 лудын лекса да вашмутым пуыза:
-
Иегова мемнам пиаланым ужнеже манын, кузе тиде почеламут ончыкта?
Тудын служитлышыже-влак илышлан куанышт да веселан жапым эртарышт манын, Иегован кумылжо уло. Тидым тӱрлӧ калыкан конгрессна-влак пеҥгыдемдат. ВИДЕОРОЛИКЫМ ончалза да шке тидым пален налза.
Галат-влаклан 6:10 лудын лекса да вашмутым пуыза:
-
Пайремым пайремлыме годым веле весе-влаклан порым ыштен кертына мо?
-
Мо тыланда шукырак куаным конда: кунам те пӧлекым пайрем верч гына ыштеда але кунам тидым ышташ кумылда тарата?
-
Иегован Таныкше-влак гыч шукышт шке йочашт-влаклан пайрем-влакым ыштат да нуным пӧлек-влак дене куандарат. Тендан йочада уло гын, шоналтыза, нуным куандарашлан мом те ыштен кертыда.
ИКТАЖ-КӦ КАЛАСЕН КЕРТЕШ: «Садиктак кушеч тиде пайрем лектын. Тӱҥжӧ — тудо родо ден йолташ-влак дене пырля погынаш полша».
-
А те мом каласеда?
ТӰҤ ШОНЫМАШ
Иегова мемнан деч родо ден йолташна-влак дене пырля жапым куанен эртарымынам вуча. Но тудым шӱктарыше пайрем-влак тудлан огыт келше.
Ушештарымаш
-
Могай йодыш-влак умылаш полшат, мом Иегова иктаж-могай пайрем шотышто шона?
-
Родо ден йолташна-влаклан пайрем-влак шотышто шонымынам кузе умылтараш?
-
Иегова мемнам пиаланым ужнеже да жапым веселан эртарымынам вуча. Кушеч ме тидым палена?
ЕШАРТЫШЛАН
Пален налза, могай пайрем-влакым чын христиан-влак огыт пайремле?
«Молан Иегован Таныкше-влак южо пайрем-влакым огыт пайремле?» (веб-статья)
Шочмо кечым пайремлымаш Юмылан ок келше. Молан ме тыге шотлена, ныл амалым пален налза.
«Молан Иегован Таныкше-влак шочмо кечым огыт пайремле?» (веб-статья)
Ончалза, кузе пайрем пагытыште Иеговам йӧратыше йоча-влак тудым куандарен кертыт.
Миллионло христиан Рошто пайремым ок пайремле. Молан нуно тыгай решенийым луктыныт?
a Кунам вес еҥ-влак пайремым пайремлат, а тендан пайремлымыда ок шу, тыгай годым кузе лийман? Тидын нерген 5-ше ешартыш статьяште ойлалтеш.
Тыгак тыланда оҥай лийын кертеш
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
