ISAMBILILO 44
Uzye Ukuzevya Konsinye ku Kasecelesya e Leza?
E Yehova akalonda twayitopwa uwumi nu kuzevya nye impindi zimwi. Nomba, uzye akuzevya konsinye na maholide vino vikamusecelesya? Tungalanjizya wuli ukuti twakunda e Yehova mwe vyo-o?
1. Amulandu ci wuno ukuzevya ukuvule kusisecelesezya e Yehova?
Ungazunguka ukumanya ukuti ukuzevya ukuvule kutafuma mwe Baibolo swinya kwafuma ku mipepele ya wufi. Kumwi kwalemenkana nu kupepa imizimu nanti ni cisambilizyo cakuti kwawa cino cisifwa mu muntu. Ne kumwi kwasimpwa pa ukutiina imizimu nanti pa cizumilo ce twaleza twalongo. (Ayizeya 65:11) E Yehova akasoka wano wakamupepa ukuti: “Pawukani muwasye wonga . . . Mutize muwalemelela icintu cimwi cino cakandamana.”—2 Wakorinte 6:17. a
2. Uzye e Yehova akayivwa wuli pa kuzevya kuno kukacindika awantu ukucila mu cipimo?
E Yehova akatusoka ukuti tutasuwila “mu wantu.” (Wazya Jeremiya 17:5.) Amaholide yamwi yakacindika sana wakateka nanti awasilika. Ne wanji nawo wakazevya vino vikakwimililako insi nanti umwaka wuno insi yawo yapocezilepo uwuntungwa. (1 Yohani 5:21) Mu ma Holide yanji namo awantu wakazevya utuwungwe twa mapolitiki nanti tunji utwa nsi. Uzye ukwelenganya ukuti e Yehova angayivwa wuli nga cakuti twapa umucinzi uwucilemo ku muntu nanti ku kawungwe, maka maka wano wakatunjilila vino vyapusana nu kulonda kwakwe?
3. Amiwele ci yino yingalenga ukuzevya ukukanasecelesya Yehova?
E Baibolo yalesya “ukukolwa, nutuwukutwe nanti ukuzevya pano pakawa ivyongo, nukung’wa kwakuyitopwa” (1 Peter 4:3) Mukuzevya kumwi awantu wakacita ivintu muno wakulondela swinya wakacita ivintu iviwipe nkaninye. Pa kuti tutwalilile ukuwa iviwuza vya kwe Yehova, tuzipizile ukulewuka ivintu vya musango wo-o.
SAMBILILA IVICILE PA-A
Lola vino ungasecelesya Yehova ukupitila mukupingulapo icete pa maholide ni vyakuzevya.
4. Uwakana ukuzevya kuno e Yehova asilonda
Wazyani Waefeso 5:10, nu kulanzyanya ya-a amawuzyo:
-
Acani cino tuzipizile ukutalicilapo ukusinincizya pe Holide yino tukulonda ukuzevyako?
-
Amaholide ci yano awantu wakazevya kuno mwawela?
-
Nomba uzye ungati yakasecelesya Yehova?
Uzye welenganyapo vino Leza akalola ukuzevya uwanda wakukwatwa? E Baibolo italandapo pekapepa wa kwe Yehova uwili wensinye wino wazevizyepo. Yalumbulavye awantu wawili wano watapepanga ne Yehova. Wazyani Intaliko 40:20-22 ne Mateyu 14:6-10. Nu kulanzyanya ya-a amawuzyo:
-
Acintu ci cino cikoline pe ko-o ukuzevya konsinye kuwili?
-
Ukulingana na ya-a amawaliko, ukwelenganya ukuti e Yehova akayivwa wuli pa kuzevya inkwatwa?
Pamwi ungati, ‘Uzye molimonye e Yehova akawikako mano nganazevya inkwatwa nanti ukuzevya vye kunji kuno kusikwivwana na mawaliko?’ Wazyani Ukufuma 32:1-8. Apano, tambani VIDYO nu kulanzyanya ya-a amawuzyo.
-
Amulandu ci wuno tuzipizile ukutalicila ukulola cino cingasecelesya Yehova?
-
Uzye tungacita wuli wo-o?
Vino tungamanya nga cakuti ukuzevya kumwi kukasecelesya Leza
-
Uzye kwasimpwa pa visambilizyo vya wufi? Vwambilizyani vino koko ukuzevya kwatalisile.
-
Uzye kukacindicisya nkani awantu, utuwungwe nanti vino vikakwimililako insi ndi vino amafulagi na vinji? Tukacindika e Yehova ukucila icili consinye swinya twasuwila ukuti awino alifumyapo intazi zyonsinye mu nsi.
-
Uzye intambi zyo zyawamo na vino awantu wakacita mwe ko-o ukuzevya vikakwivwana na masundo ya mu Baibolo? Tuzipizile ukutwalilila ukuwa awasanguluke mu miwele.
5. Yavwa wanji ukucindika vino wazumilamo
Cingatala nkaninye ukukana nga cakuti wamwi wakukupaticizya ukuzanwa ku kuzevya kumwi kuno kusisecelesya Yehova. Lelo uzipizile ukuwalondolela icete vino wazumilamo. Pa kulola vino ungawalondololela mu mucenjelo swinya mukutekanya, tambani e VIDYO.
Wazyani Mateyu 7:12, nu kulanzyanya ya-a amawuzyo:
-
Ukulingana na lyo-o iwaliko, uzye uzipizile ukunena wa lupwa lwako ukuti watazipizile ukuzevya amaholide?
-
Uzye ungacita wuli pa kulanjizya wa lupwa lwako ukuti wawakunda swinya ukawasakamala nanti aca kuti usizevyako amaholide yano wakazevya?
6. E Yehova akalonda twawa ni nsansa
E Yehova akalonda twakwivwa icete ukwizizya ponga ni viwuza na wa lupwa. Wazyani Ekawizya 8:15, nu kulanzyanya lyo-o iwuzyo:
-
Uzye lyo-o iwaliko likalanjizya wuli ukuti e Yehova akalonda twawa ni nsansa?
E Yehova akalonda awantu wakwe wawa ni nsansa pano wakwizizya ponga. Tambani e VIDYO nu kulola uwusinincizyo we vyo-o vino twalandapo pa kulongana kwa nsi mvule.
Wazyani Wagalatiya 6:10, nu kulanzyanya ya-a amawuzyo:
-
Uzye pakucitila wanji “ivizima” suka twazevyako Holide?
-
Ungati akupa ci kuno kungalenga uwe ni nsansa, uzye akwakuyikundila nanti akoko ukwakupa vye wanji pa mulandu ne holide?
-
Impindi zimwi wa Nte awavule wakacitilako awana wawo vimwi iviyiwele nanti ukuwapekanizizyako ivyawupe vino watate wakwenecela. Nga cakuti mwawa na wana, avintu ci vimwi iviyiwele vino mungawacitila?
WUMWI ANGATI: “Kuno kwafuma e holide kutacindama. Cino cacindama pe wo-o uwanda akwizizya ponga na wa lupwa ni viwuza.”
-
Ungati wuli?
IVISINKA VIKULU
E Yehova akalonda twakwivwa icete ukwizizya ponga ni viwuza na wa lupwa. Swinya akalonda nu kuti tutazevyako amaholide yano yasimusecelesya.
Avyani Vino Wasambilila?
-
Amawuzyo ci yano yangatwavwa ukumanya nga ca kuti e holide yino tukulonda ukuzevyako yikasecelesya Yehova nanti awe?
-
Tungavwa wuli wa lupwa ni viwuza ukumanya umulandu wuno twasolelapo ukukanazevyako amaholide?
-
Cani calenga umanye ukuti e Yehova akalonda tuwasansamuka?
MANYILAPO NA VINJI
Lola amaholide yano awina Klistu wasizevya.
“Amulandu ci Wuno Inte zya kwe Yehova Wasizevezya Amaholide Yamwi?” (Icipande ca pa webusayiti)
Lola imilandu 4 yino yalenga tuzumile ukuti ukuzevya uwanda wa kukwatwa kusisecelesya e Leza.
“Amulandu ci Wuno Inte zya kwe Yehova Wasizevezyako Uwanda wa Kukwatwa?” (Icipande ca pa webusayiti)
Lolani vino awacitici wano wakunda Yehova wakamusecelesya nga kuli amaholide.
Awina Klistu awavule wasolapo ukukanazevya Krisimansi. Uzye wakayivwa wuli pe wo-o vino wapingulapo?
“Wazanile Ivizima” (Ulupundu lwa kwa Kalinda, December 1, 2012)
a Lola Amazwi na Yanji pa 5 pa kumanya ivya kucita pano wanji wakuzevya amaholide.
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
