TAMACHTILIS 44
¿Kiyolpaktiaj Dios nochi iluimej?
Jiova kineki maj tiyolpakikan uan maj kemansa tiiluichiuakan. Sayoj ke, ¿kiyolpaktiaj Dios nochi iluimej tein mochiuaj? ¿Keniuj uelis tiknextiskej ke tiktasojtaj itech nejin taman?
1. ¿Keyej amo kiyolpaktiaj Jiova miak iluimej?
Tikonmoujkaitas tikonmatis ke miak iluimej ualeuaj itech tein Biblia amo tamachtia oso itech taneltokalismej tein takajkayauaj, xa mouikaj ika naualot oso kichiua maj kineltokakan ke tikpiaj teisa tein kisentoka yoltok keman timomikiliaj. Uan no, onkak seki taman tein momattokej kichiuaskej sayoj porin amo kinekij maj kinpano tein amo kuali oso kinemiliaj ke kipiaskej tein kiluiaj suerte (Isaías 65:11). Yejua ika, amo se kimoujkaita maj Jiova kinnejmachti itekitikauan: “Ximosekokauan [...]. Uan amo ximokalakijtinemikan ok tech ninpitsotiknemilis” (2 Corintios 6:17). a
2. ¿Keniuj kiita Jiova iluimej tein ika kiueyitaliaj aksa?
Jiova technejmachtia maj amo timokajkayauakan kemej oksekin ‘akin inintech takuaujtamatij akin nemij nikan taltikpak’ (xikonita Jeremías 17:5). Sekin iluichiuaj para ika kinueyitaliskej tekiuanij, tateuianij oso tein kiixnextia se altepet, kemej bandera, oso keman kielnamikij keman se altepet moxeloj iuan okse (1 Juan 5:21). Itech okseki kinpaleuiaj inintanemililuan políticos oso kipiaj se tonal keman tayolchikauaj maj mochiua tein kitapanauilia tein Biblia tamachtia. Komo tikueyitaliskiaj aksa oso tikpaleuiaj nejon tein tayolchikauaj maj mochiua, okachiok komo kitapanauilia tein Dios tanauatia, ¿keniuj tikonnemilia momachilis yejuatsin?
3. ¿Keyej amo moneki tietoskej itech seki iluimej?
Biblia kijtoua maj senkis amo se mouinti, maj amo se eliuisti itech iluimej uan maj amo se iluichiua sayoj para semi se tayis (1 Pedro 4:3, TNM). Itech seki iluimej miakej semi eliuistij uan auilnemij. Komo tiknekij tiksentokaskej kuali timouikaskej iuan Jiova moneki tikixtopeuaskej nochi tein pitsotik.
MAJ OKACHI TIMOMACHTIKAN
Maj tikitakan keniuj uelis tikonyolpaktis Jiova keman tikonixpejpenas ox tikonixtopeuas se iluit oso amo.
4. Xikonixtopeua iluimej tein amo kiueyitaliaj Jiova
Xikitakan Efesios 5:10 uan ika xitajtokan nejin:
-
¿Toni moneki tikitaskej achto ke tikixtaliskej ox tikchiuaskej se iluit oso amo?
-
¿Katiyejua iluimej mochiuaj kampa tionnemi?
-
¿Kiyolpaktiaj Jiova nejon iluimej?
¿Tionmotajtaniani keniuj kiita Dios maj iluichiuakan keman aksa xiuajsi? Biblia amo kijtoua maj se itekitikauj Jiova yani se iluit keman aksa xiuajsik, sayoj kijtoua ke omen iluichiujkej keman xiuajsikej akin amo kiueyichiuayaj Jiova. Xikitakan Génesis 40:20-22 uan Mateo 14:6-10, uan ika xitajtokan nejin:
-
¿Toni panok itech nejin ome iluimej?
-
Axkan ke tikonitakya tein mochiuak, ¿keniuj tikonnemilia ke Jiova kiita iluimej keman aksa xiuajsi?
Maski ijkon xa tejuatsin tionmotajtania “¿Yekmelauj kiyolkokos Jiova komo niiluiti keman aksa xiuajsi oso itech okse tein Biblia amo kijtoua?”. Xikitakan Éxodo 32:1-8, no xikitakan VIDEO uan ika xitajtokan nejin:
-
¿Keyej moneki tikyekitaskej tein kiyolpaktia Jiova?
-
¿Keniuj uelis tikchiuaskej?
Keniuj uelis tikmatiskej ox kiyolpaktia Dios se iluit
-
¿Ualeua itech okse tamachtilis uan amo itech Biblia? Para tikonmatis xikontemo keyej peuak kichiuaj nejon iluit.
-
¿Kiueyitalia aksa, kipaleuia kampa tayolchikauaj maj mochiua teisa oso tein kiixnextia se altepet, kemej bandera? Tejuan nochipa tikueyitaliaj Jiova uan amo okse taman, uan tikneltokaj ke sayoj yejuatsin kiyektalis kuejmolmej tein tikpanouaj.
-
¿Kiixnamiki tein tanauatia Biblia tein ompa mochiua? Moneki tichipaujkanemiskej.
5. Xikonchiua tein tapaleuis maj oksekin kipoujkaitakan tein tikonneltoka
Xa ouij techkisas tikixtopeuaskej se iluit tein amo kiyolpaktia Jiova keman oksekin techchikaujkauiskej maj tikchiuakan. Amo xionyolijsiui uan xiontapoujkaita keman tikonmelauas tein tikonixtalij. Para tikonmatis toni kichiuak aksa akin ijkon kipanok, xikitakan VIDEO.
Xikitakan Mateo 7:12 uan ika xitajtokan nejin:
-
Kemej kijtoua nejin texto, ¿uelis tikoniluis se mochankauj maj amo kichiuaok se iluit?
-
¿Keniuj uelis tikonnextilis mochankauan ke tikonpatiuita uan tikontasojta maski amo tioniluitis iniuan?
6. Jiova kineki maj tiyolpakikan
Jiova kineki maj tiyolpakikan keman tietoskej iniuan tochankauan uan akin kuali iniuan timouikaj. Xikitakan Eclesiastés 8:15 uan ika xitajtokan nejin:
-
¿Keniuj kinextia nejin texto ke Jiova kineki maj tiyolpakikan?
Jiova kineki maj itekitikauan yolpakikan keman senyetokej. Xikitakan VIDEO para nankiitaskej ke senkis ijkon mochiua itech uejueyi nechikolmej kampa mosentiliaj akin kayomej itech okseki altepemej.
Xikitakan Gálatas 6:10 uan ika xitajtokan nejin:
-
¿Moneki tikchiuaskej se iluit tein semi moixmati para tikchiuaskej tein kuali ininka oksekin?
-
¿Katiyejua netetayokolilmej okachi tikonuelita tikontemakas: tein se kitemaka itech se iluit tein ixyetokya oso keman se kineki se kitemakas?
-
Itaixpantijkauan Jiova kemansa kichiuaj teisa tein kualtsin para ininkoneuan, uan hasta kintayokoliaj teisa. Komo tejuatsin tikonpia mokoneuan, ¿toni tein kualtsin ueliskia tikonchiuas para yejuan?
TEIN SEKIN KIJTOUAJ: “Amo moneki se kimatis keyej peuak kichiuaj se iluit. Ta tein okachi moneki maj se yeto iniuan se ichankauan uan akin iniuan kuali se mouika”.
-
¿Toni tikonijtoskia?
TEIN TIKITAKEJ
Jiova kineki maj timoyolpaktikan iniuan tochankauan uan akin iniuan kuali timouikaj, sayoj ke no kineki maj tikixtopeuakan iluimej tein amo kiyolpaktiaj.
Maj tikelnamikikan
-
¿Katiyejua netajtanilmej moneki timochiuiliskej para tikmatiskej ox kiyolpaktia Jiova se iluit?
-
¿Keniuj uelis tikinpaleuiskej tochankauan uan akin iniuan kuali timouikaj maj kimatikan keyej amo tikchiuaj se iluit?
-
¿Keniuj tikmatij ke Jiova kineki maj tiyolpakikan uan maj timoyolpaktikan?
NO XIKONITA NEJIN
Xikonita kemanian amo iluitij akin kichiuaj kemej Cristo.
“¿Por qué los testigos de Jehová no celebran ciertas fiestas?” (Artículo de jw.org)
Xikonita naui taman keyej amo kiyolpaktia Dios maj iluichiuakan keman aksa xiuajsi.
“¿Keyej itaixpantijkauan Jiova amo iluichiuaj keman xiuajsij?” (tamachtilis itech jw.org/ncj)
Xikonita keniuj se telpoch kinpoujkaitak akin iniuan momachtiaya, maski kikejkelouayaj porin amo iluichiua itech Navidad.
Millones akin kichiuaj kemej Cristo amo iluichiuaj itech Navidad. ¿Yolpakij ika tein kiixtalijkej?
“Encontraron algo mejor” (La Atalaya, 1 de diciembre de 2012)
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
