CHILAYIJO 44
Imhembelelo Jose Chinoshantisa Mwali Na?
Jehova unoda kuti tinakilwe nobupenyu akale unoda kuti tipembelele panomwe unshaji. Koga imhembelelo namaholideyi ose anonshantisa na? Tingatondejela chini kuti tonda Jehova penyaya yeyi?
1. Neni imhembelelo jinji jisinoshantisa Jehova?
Zungakuchemisa kuziba kuti imhembelelo jinji ajitokwendelana nozumomumakwalo kana kuti zwakatangwa nabanhu basijakabenamata Mwali. Imhembelelo yeji jinobakabhatana nokunamata kwamanyepwa. Jinokwanisa kubakabhatana nozwechidimoni kana kuti nendayijo yokuti umpepo awutofa. Jimwe mhembelelo jakava pakudimbwa zunu zwemhazha. (Izaya 65:11) Jehova umulimukisa banonamata kuti: “Bhudani pakati pabo muzupalajanise nabo . . . akale musibhate zunu zusilochena.”—2 BaKolinte 6:17. a
2. Jehova unowha chini nemhembelelo jinokuja banhu?
Jehova unotichenjeja kuti “tisibimbe nomwe unhu.” (Balani Jelemiya 17:5.) Jimwe imhembelelo jinokuja batongi kana masoja. Jimwe jinopembelela izhuba lyokuwana butongi bwenyika. (1 Johani 5:21) Kusikota jimwe jinokoshesa kuchincha zunu mundawu. Jehova unowha chini tingokuja unhu kana ishangano linota zunu zusinokwendelana nokuda kukwe?
3. Ndizupi zuto zunotiwa zungata kuti imhembelelo jisitambulike?
IBhayibhili linolambija “kunwa zulopindilija, mizano mibi ilopindilija [akale] nokunwa masukwa.” (1 Pita 4:3) Kune jimwe imhembelelo banhu abatozubhata banota zunosheshemisa. Kana tida kuba bakwayina baJehova tokwelela kusiyana nozunu yozu.
FUNDA ZUNJI
Bona zwawungate kuti ushaluje nobuchenjeli penyaya jemhembelelo namaholideyi kutila kuti ushantise Jehova.
4. Siyana nemhembelelo jisinokuja Jehova
Balani BaEfesu 5:10, akale kwejisani nemibhuzo yeyi:
-
Ini zwatinokwelela kuyeya nozwazwo kana tisanu tashaluja kupembelela iholideyi ?
-
Ngaapi maholideyi anozibikanwa kwawunogala?
-
Ubweni sokuti maholideyi yaya anokuja Jehova?
Wakaba zubhuza na kuti Jehova unotini nokupembelela izhuba lyokuzwalwa? Akuna unamati waJehova unolebekwa nozuzwe mubhayibhili wakabepembelela izhuba lyokuzwalwa koga linotibuja nabanhu babili basijakabenamata Jehova bakapembelela izhuba lyokuzwalwa. Balani Matangisilo 40:20-22 na Mateu 14:6-10. Akale kwejisani nemibhuzo yeyi:
-
Ini zunokwendelana zwakatikana pemhembelelo yeji?
-
Mawhililano nenyaya yeji jimomuBhayibhili, ubweni sokuti Jehova unowha chini nokupembelela mazhuba okuzwalwa?
Koga ungazubhuza kuti, ‘Zulokosha na kuna Jehova kuti ndapembelela izhuba lyokuzwalwa kana kuti jimwe imhembelelo?’ Balani Kubhuda 32:1-8. Akale, yebani iVIDIYO akale kwejisani nemibhuzo inotobela.
-
Neni tikwelela kuba nechokomende nozunu zunotambulika kuna Jehova?
-
Tingazuta chini yozu?
Tingaziba chini kuti imhembelelo yeyi ayitoshantisa Mwali
-
Yakatangila pendayijo isimo mumakwalo na? Kuti uwane inshandulo tokoloja kuti yakatanga chini.
-
Jinopa lukujo lusinokwelela kubanhu, kumashangano kana kuti kuzutondejelo zwenyika na? Tokwelela kukuja Jehova kupinda zunu zwose akale nokubimba kuti ndiye ega uchoopeja bukukutu bose bumomunyika.
-
Zunotiwa pemhembelelo jadeni zunokwendelana na nozunolebwa neBhayibhili? Tokwelela kugala tikazubhata zubhodo.
5. Bhancha bamwe kuti belemekeje zwawunodimbwa
Zulemu kulamba yopo bamwe pabanokukombeleja kuti upembelele imhembelelo jisinoshantisa Jehova. Babhawunulile nenzila inabuchenjeli akale uzute nomoyo ndefu. Kuti ubone kuti ungazuta chini, yebani iVIDIYO.
Balani Mateu 7:12, akale kwejisani nemibhuzo yeyi:
-
Ushingisa ivesi yeyi, unokwelela kulambija makamu awo asinonamata kupembelela iholideyi na?
-
Ungata chini kuti utondejele bomumhuli iyo kuti kojoba usinopembelela pamwempela nabo unobada akale unobakoshesa?
6. Jehova unoda kuti tishante
Jehova unoda kuti tiwane unshaji umbuyanana nobomumhuli nabakwayina. Balani Mbaunuli 8:15, akale kwejisani nombuzo yoyu:
-
Ivesi yeyi inotondeja chini kuti Jehova unoda kuti tishante?
Jehova unoda kuti banhu banonamata beshante belipamwempela. Yebani iVIDIYO inotendeja zunotikana pamakubungano enyika jose.
Balani BaGalatiya 6:10, akale kwejisani nemibhuzo yeyi:
-
Tokwelela kupembelela maholideyi anozibikanwa kuti “tishantise bamwe” na?
-
Kupa kupi kunota kuti ushantilwe, kupa kokuti iholideyi na kana kuti kupa zuva pomoyo?
-
BaSumikiji banji banosobambanyila zwabangatile bana babo kuti beshantilwe kana kubapa zupo besakalingilila. Kana ulinabana ndizupi zunu zunoshantisa zwawunokwanisa kubatila?
BAMWE BANOTI: “Zwokuti iholideyi yakatanga chini azujilokosha. Zulokosha ndizokungonakilwa chete namakamu nabakwayina.”
-
Ani iwi unotini?
INI ZWAWAFUNDA
Jehova unoda kuti tibe nonshaji umbuyanana namakamu nabakwayina. Koga unoda kuti tisipembelele imhembelelo jisinonshantisa .
Kubwilulula
-
Mibhuzo ipi yawungazubhuze kuti uzibe kuti imhembelelo yeyi inoshantisa Jehova?
-
Tingababhancha chini makamu nabakwayina kuti bewhisisise zushalujo zwatinota namaholideyi?
-
Unoziva chini kuti Jehova unoda kuti tishante akale tinakilwe?
PAMIJA PANA ZWAWAWANA
Bala uwhe naamwe maholideyi asinokwelela kupembelelwa namaKristo.
“Kungani OFakazi BakaJehova Bengananzi Amaholideyi?” (Inyaya ipo peintaneti)
Bona zuzatu zuna zunota kuti titi Jehova aatoshantiswa nokupembelela mazhuba okuzwalwa.
“Kungani OFakazi BakaJehova Bengananzi Izinsuku Zokuzalwa?” (Inyaya ipo peintaneti)
Bona kuti umwe uchinokubuka wakata chini yopo paakasekwa kuchikolo nokuti aatopembelela iKrisimasi.
Mamiliyoni amaKristo akashaluja kusopembelela iKrisimasi. Banowha chini nechishalujo chabakata?
“Akulanto Eyabalahlekelayo” (INqabayokulinda, December 1, 2012)
a LingaMawhi Apopokupejeleja 5 kuti ubone zwawungate kana bamwe bepembelela maholideyi.
