44. KAPITEL
Jefaulen Gott aule Heljedoag?
Jehova well, daut wie een scheenet Läwen haben un uk, daut wie eenjemol een Fast haben. Oba jefaulen am aule Heljedoag un Fasten? Woo kjenn wie en disen Stekj onse Leew fa Jehova wiesen?
1. Wuarom jefaulen Jehova väl Heljedoag nich?
Du woascht die veleicht wundren, daut een deel Heljedoag nich biblisch sent ooda daut dee von faulsche Gloowes häakomen. Dee haben veleicht met Zaubarie to doonen ooda met de Iedee, daut de Seel onstoaflich es. Eenje Heljedoag staumen von Äwagloowes häa ooda von dän Gloowen aun daut Jlekj (Jesaja 65:11, NW). Jehova sajcht to siene Deena: “Velot an ... Habt nuscht met orreinet to doonen” (2. Korinta 6:17). a
2. Woo denkjt Jehova äwa Fasten, wua Menschen äwamotich sea jeieet woat?
Jehova well nich haben, daut eena “sikj opp Menschen velat” (läs Jeremia 17:5). Eenje Heljedoag sent toom Harscha ooda Soldoten ieren. Aundre Fasten sent fa Laundestieekjens ooda wichtje Laundesdoag (1. Johanes 5:21). Wada aundre Fasten sent fa de Politikj ooda fa Gruppen, waut fa de Menschen strieden. Woo wudd Jehova sikj feelen, wan wie irjentwäm äwamotich ieeden; besonda soone, waut fa Sachen strieden, waut jäajen sienen Wellen sent?
3. Waut von Vehoolen opp een Fast wudd Gott verheipts nich jleichen?
De Schreft talt soone Fasten fa schlajcht, wua se “fräten, [un] supen” (1. Petrus 4:3). Bie eenje Fasten loten de Menschen daut gaunz utjieren un haben een orreinet Vehoolen. Wan wie wellen met Jehova Frind bliewen, dan mott wie von aul soont wiet wajchbliewen.
DOLLA UNJASTONEN
Lia, woo du kaust Jehova jefaulen un goode Entscheidungen moaken, wan daut om Heljedoag un Fasten jeit.
4. Bliew von soone Fasten wajch, waut Schaund opp Jehova brinjen
Läst Efeesa 5:10 un dan got toop dise Froagen derch:
-
Waut mott wie ons unjastonen toom seenen, aus wie eenen Heljedach fieren ooda nich?
-
Waut vonne Heljedoag sent doa Mood, wua du wonst?
-
Jleefst du, Jehova jefaulen dee Heljedoag?
Hast du doa biejlikj mol äwa nojedocht, waut Gott äwa Jeburtsdach fieren denkjt? De Schreft rät nich doavon, daut Jehova siene Deena Jeburtsdach fieeden, oba dee rät von twee Jeburtsdoag, waut soone Menschen fieeden, waut am nich deenden. Läst 1. Mose 40:20-22 un Matäus 14:6-10. Dan got toop dise Froagen derch:
-
Waut wia bie dise beid Jeburtsdoag äwareen?
-
Wan du aun dise Jeschichten denkjst, waut jleefst du, woo denkjt Jehova äwa Jeburtsdach fieren?
Oba veleicht wundascht du noch: “Jeft Jehova doa werkjlich soo väl om rom, aus ekj bie eenen Jeburtsdach ooda een aundret Fast metmoak, waut nich biblisch es?” Läst 2. Mose 32:1-8. Dan kjikjt daut VIDEO un got toop de Froagen derch, waut hia aunjejäft sent.
-
Woosoo mott wie ons daut unjastonen, waut Jehova fa rajcht talt?
-
Woo kjenn wie daut doonen?
Woo wie weeten kjennen, aus Jehova een Fast nich jefelt
-
Stett sikj daut opp Lieren, waut nich biblisch sent? Toom daut weeten, unjasto die daut, wua daut häakjemt.
-
Woat doa Menschen, Gruppen ooda Laundestieekjens too sea jeieet? Wie ieren Jehova äwa aules un vetruen doaropp, daut hee de Trubbels oppe Welt fiksen woat.
-
Woaren doa Sachen jedonen, waut jäajen de Schreft sent? Wie sellen en aules rein bliewen.
5. Moak aundre daut leichta, dienen Gloowen to respakjten
Daut kaun schwoa sennen, nä to sajen, wan aundre die beräden wellen, bie Fasten mettomoaken, waut Jehova nich jefaulen. Saj an leeftolich un jeduldich, to waut du die best eenich jeworden. Toom een Biespel seenen, woo eena daut doonen kaun, kjikjt daut VIDEO.
Läst Matäus 7:12 un dan got toop dise Froagen derch:
-
Wurscht du diene Famielje, waut eenen aundren Gloowen haft, daut sellen aufsajen, eenen Heljedach to fieren, no disen Varsch no?
-
Woo kaust du diene Famielje wiesen, daut du an väl räakjenst, wan du uk nich bie een Fast metmoakst?
6. Jehova well haben, daut wie schaftich sent
Jehova well haben, daut wie met de Famielje un Frind sellen toopkomen un daut ons daut scheen jeit. Läst Liera 8:15 un dan got toop dise Froag derch:
-
Woo wiest dis Varsch, daut Jehova haben well, daut wie schaftich sent?
Jehova well haben, daut siene Deena toop kjennen Scheengonen haben. Kjikjt daut VIDEO toom seenen, woo dit opp de internazionale Kongressen to seenen es.
Läst Galata 6:10 un dan got toop dise Froagen derch:
-
Mott wie Heljedoag fieren toom aundre “goodet doonen”?
-
Waut wudd die schaftja moaken, wan du bemott wieescht, wäm aun eenen Heljedach waut to jäwen, ooda wan du friewellich irjentwanea wäm waut jäwen kust?
-
Väl Jehova siene Zeijen plonen eenjemol waut besondret fa äare Kjinja un jäwen dee uk onverhofs Jeschenkja. Wan jie Kjinja haben, waut fa besondret wudd jie fa dee kjennen doonen?
WAUT EENJE SAJEN: “Daut es endoont, wua een Heljedach häakjemt. Waut doa talt es, daut wie met de Famielje un Frind toop Scheengonen haben.”
-
Waut wurscht du dan sajen?
KAPITEL TOOPJEFOT
Jehova well haben, daut wie met onse Frind un Famielje toop Scheengonen haben. Oba hee well nich, daut wie bie soone Fasten metmoaken, waut am nich jefaulen.
Waut hast du jelieet?
-
Waut mott wie äwalajen toom seenen, aus Jehova een Fast jefelt?
-
Woo kjenn wie onse Famielje un Frind halpen vestonen, daut wie bie Heljedoag nich metmoaken?
-
Woo weetst du daut, daut Jehova well haben, daut wie schaftich sent un daut ons daut scheen jeit?
MEA NOSIEEKJEN
Unjasto die een poa Heljedoag, waut Christen nich fieren.
“Wuarom fieren Jehova siene Zeijen eenje Heljedoag nich?” (Artikjel opp jw.org)
See veatlei, wuarom wie jleewen, daut Gott daut nich jefelt, Jeburtsdach to fieren.
“Wuarom doonen Jehova siene Zeijen nich Jeburtsdach fieren?” (Artikjel opp jw.org)
See, woo soone Kjinja, waut Jehova leewen, am schaftich moaken kjennen, wan de Heljedoag bat naun sent.
Millionende Christen sent sikj eenich jeworden, nich Wienachten to fieren. Waut sajen dee doaräwa?
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
