Jehovah laekem iumi for enjoyim laef and for samfala taem enjoyim tu samfala celebration. Bat hao, God hapi lo evri celebration and olketa holiday? Wat nao iumi savve duim for showim iumi lovem Jehovah saed lo diswan?

1. Why nao Jehovah no hapi lo staka celebration?

Maet bae iu sapraes for savve staka celebration hem base lo olketa teaching wea no kam from Bible and olketa false religion. Olketa celebration olsem maet join witim spiritism or idea wea sei soul blo man no savve dae. Samfala celebration kam from olketa laea biliv and for biliv lo gud luck. (Aesaea 65:11) Jehovah sei lo olketa wea worshipim hem: “Iufala mas . . . no stap witim olketa moa. No tasim samting wea no klin.”​—2 Corinth 6:17. a

2. Hao nao tingting blo Jehovah abaotem olketa celebration wea mekhae lo olketa man?

Jehovah warnim iumi for no foldaon lo trap for “trastem man.” (Readim Jeremaea 17:5.) Samfala holiday hem mekhae lo olketa man wea rul and olketa hero lo taem blo war. Olketa narawan celebratem independence and symbol blo kantri, olsem olketa flag. (1 John 5:21) Lo olketa nara holiday pipol celebratem olketa politikol and social organization. If iumi mekhae lo eni man or organization, especially wan wea mekhae lo olketa idea wea difren from tingting blo Jehovah, hao nao bae Hem ting lo datwan?

3. Wat nao pipol savve duim lo wanfala celebration wea mekem God no hapi lo datfala celebration?

Bible stopem wei for “ova tumas for drink . . . join insaed olketa wild party, [and] drunk olowe.” (1 Peter 4:3) Lo samfala celebration pipol no savve kontrolem olketa seleva and duim olketa nogud samting. Iumi mas stay aot from olketa nogud samting olsem mekem iumi gohed fren gud witim Jehovah.

 DIG GO MOA

 5. Helpem olketa narawan for respectim biliv blo iu

6. Jehovah laekem iumi for hapi

Jehovah laekem iumi for enjoyim taem witim famili and olketa fren. Readim Eklesiastes 8:15, then discussim tugeta kwestin hia:

• Wat nao disfala verse talem wea showim Jehovah laekem iumi for hapi?

Jehovah laekem pipol blo hem for hapi and enjoyim taem tugeta. Pleim VIDEO for lukim hao diswan happen lo taem blo olketa international convention.

Readim Galatia 6:10, then discussim tugeta olketa kwestin hia:

• Hao, iumi mas celebratem holiday wea evriwan celebratem mekem iumi duim ‘gud samting’ for nara pipol?

• Wat nao bae mekem iu hapi: For iu mas givim samting lo taem blo wanfala holiday, or for givim samting lo enitaem nomoa wea iu laek for give?

• Samfala taem, staka Witness savve organizem samfala spesol samting for pikinini enjoyim and givim present tu lo taem wea pikinini no expectim. If iu garem pikinini, wat nao samfala spesol samting wea iu savve duim for olketa?

 MAIN POINT

Jehovah laekem iumi for enjoyim taem witim famili and olketa fren blo iumi. Bat hem laekem iumi tu for no joinim olketa celebration wea hem no hapi lo hem.

Review

• Wat nao samfala kwestin for ting raonem for luksavve if Jehovah no hapi lo wanfala celebration?

• Hao nao iumi savve helpem famili and olketa fren for minim why iumi disaed for no celebratem samfala holiday?

• Hao nao iu savve Jehovah laekem iumi for hapi and enjoyim laef?