یہوواہ خدا چاہندا اے کہ اَسی زندگی دا مزہ لئیے تے کدی کدار اپنے دوستاں تے رشتے‌داراں نال مِل کے جشن منائیے۔ پر کیہہ اوہنوں ہر طرحاں دے جشن تے تہوار پسند نیں؟ ایس معاملے چ اَسی یہوواہ خدا لئی عزت تے پیار کیویں وکھا سکنے آں؟‏

1.‏ یہوواہ خدا نُوں بوہت سارے تہوار پسند کیوں نئیں؟‏

توانوں شاید ایہہ سُن کے حیرانی ہوئے کہ بوہت سارے تہوار جھوٹھے مذہباں چوں نکلے نیں یاں فیر ایہناں دا تعلق ایہو جہے عقیدیاں نال اے جیہڑے بائبل دے خلاف نیں۔ مثال لئی، کجھ تہواراں تے جیہڑیاں رسماں ہوندیاں نیں اوہناں دا تعلق بُرے فرشتیاں نال اے۔ کجھ تہواراں دا تعلق ایس عقیدے نال اے کہ انسان دے مرن توں بعد اوہدی روح زندہ رہندی اے یاں فیر ایس عقیدے نال کہ انسان دی قسمت پہلے توں لکھ دِتی گئی اے۔ (‏یسعیاہ 65:‏11‏)‏ پر یہوواہ خدا اپنے کلام چ نصیحت کردا اے کہ ناپاک چیز توں دُور رہوو تے ایہنوں بالکل ہتھ نہ لاؤ۔‏‏—‏2-‏کُرنتھیوں 6:‏17‏۔‏ a

2.‏ اوہناں تہواراں بارے یہوواہ دی سوچ کیہہ اے جنہاں چ انساناں نُوں بوہت زیادہ عزت دِتی جاندی اے؟‏

یہوواہ نے سانوں خبردار کیتا اے کہ اَسی انساناں تے بھروسا نہ کرئیے۔ (‏یرمیاہ 17:‏5 نُوں پڑھو۔)‏ کجھ تہوار حکمراناں تے فوجیاں دی وڈیائی کرن لئی منائے جاندے نیں۔ کجھ تہواراں تے قومی جھنڈے یاں دُوجے قومی نشاناں دی عزت کیتی جاندی اے جد کہ کجھ تہوار تے رسماں آزادی دا جشن منان لئی بنائیاں گئیاں نیں۔ (‏1-‏یوحنا 5:‏21‏)‏ ایہو جہے تہوار وی ہے نیں جنہاں چ سیاسی یاں انساناں دی بھلائی لئی کم کرن والیاں تنظیماں دی وڈیائی کیتی جاندی اے۔ ذرا سوچو کہ جدوں اَسی کسے انسان یاں تنظیم دی وڈیائی کرنے آں تے یہوواہ خدا نُوں کیہو جیہا محسوس ہوندا ہوئے گا خاص کر اوہدوں جدوں اَسی کسے ایہو جہے انسان یاں تنظیم نُوں عزت دینے آں جیہڑی خدا دے مقصد دے خلاف کم کر رہی اے۔‏

3.‏ کجھ تہواراں تے کیہڑے کم ہوندے نیں جنہاں دی وجہ توں سانوں اوہ تہوار نئیں منانے چاہی دے؟‏

بائبل چ حد توں زیادہ شراب پین، نامناسب دعوتاں تے شراباں دِیاں محفلاں چ شریک ہون توں منع کیتا گیا اے۔ (‏1-‏پطرس 4:‏3‏)‏ کجھ تہواراں تے لوک قابو توں باہر ہو جاندے نیں تے پٹھیاں سدھیاں حرکتاں کردے نیں۔ سانوں ایہو جہے کماں توں دُور رہنا چاہی دا اے تاکہ یہوواہ نال ساڈی دوستی قائم رہوے۔‏

 ہور سوچ‌وچار لئی

 5.‏ بڑے احترام نال دُوجیاں نُوں دَسو کہ تُسی فلاں تہوار کیوں نئیں مناندے

6.‏ یہوواہ خدا چاہندا اے کہ اَسی خوش رہیے

یہوواہ چاہندا اے کہ اَسی اپنے دوستاں تے رشتے‌داراں نال زندگی دا مزہ لئیے۔‏واعظ 8:‏15 نُوں پڑھو تے فیر ایس سوال تے گل بات کرو:‏

• ایس ایت توں کیویں پتہ چلدا اے کہ یہوواہ سانوں خوش ویکھنا چاہندا اے؟‏

یہوواہ چاہندا اے کہ اوہدے بندے اپنی زندگی دا مزہ لین تے آپس چ چنگا وقت گزارن۔ ایس گل دی زندہ مثال ویکھن لئی ایہہ ویڈیو چلاؤ‏۔‏

گلتیوں 6:‏10 نُوں پڑھو تے فیر ایہناں سوالاں تے گل بات کرو:‏

• کیہہ کسے نال بھلائی کرن لئی کوئی تہوار منانا لازمی اے؟‏

• توانوں کدوں زیادہ خوشی ہوئے گی، اوہدوں جدوں تُسی کسے نُوں کوئی تحفہ کسے تہوار تے فرض سمجھ کے دَوو گے یاں فیر اوہدوں جدوں تُسی کسے وی ویلے اپنی مرضی نال دَوو گے؟‏

• بوہت سارے یہوواہ دے گواہ اپنے بچیاں نُوں تحفے دیندے رہندے نیں تے اوہناں نُوں خوش کرن لئی کوئی نہ کوئی تفریح دا پروگرام بناندے رہندے نیں۔ جے تواڈے بچے ہے نیں تے تُسی اوہناں نُوں خوش کرن لئی کیہڑے خاص پروگرام بنا سکدے او؟‏

 خلاصہ

یہوواہ خدا چاہندا اے کہ اَسی زندگی دا مزہ لئیے تے اپنے دوستاں تے رشتے‌داراں نال مِل کے جشن منائیے۔ پر اوہ ایہہ وی چاہندا اے کہ اَسی اوہ تہوار نہ منائیے جیہڑے اوہنوں پسند نئیں۔‏

دہرائی

• کیہڑے سوالاں تے غور کر کے اَسی ایہہ پتہ لا سکنے آں کہ یہوواہ خدا نُوں کیہڑا تہوار پسند اے تے کیہڑا نئیں؟‏

• اَسی اپنے دوستاں تے گھر والیاں نُوں کیویں سمجھا سکنے آں کہ اَسی فلاں تہوار کیوں نئیں مناندے؟‏

• سانوں ایہہ کیویں پتہ اے کہ یہوواہ خدا سانوں خوش ویکھنا چاہندا اے؟‏