LECCIÓN 44
¿Tucui istauna Diospa ñaupai alichu an?
Jehová munanmi ñucanchi cushi causanuchu shinallara huaquimbi istaras ruranuchu. Shina nishas Yaya Dios ¿alichu ricun tucui tunu istaunara? ¿Imasnara Jehová Diosta llaquishcara pai ima sintishcara valichishcaras ricuchina ushanchi?
1. ¿Imarasha Jehová mana tucui istaunara ali ricun?
Huaquin istauna panda religiongunamanda shamushcara yachasha can manzharinguichari. Cai istauna Biblia mana yachachishcasna sagrauna rurashcaunahua, alma causasha catin nishcahua masarishca an. Randi, shuj istauna yanga quirishcaunahua, lichangaj ruraigunahuas masarishca an (Isaías 65:11). Chiraigu Jehová casna camachin paita sirvijcunara: “Paigunamanda anzhurichi, [...] irusta ama llangaichichu” (2 Corintios 6:17). a
2. ¿Imara Jehová Dios iyan runaunara atunyachingaj ista ruranamanda?
Jehová camachin “runaunallai quirij runa” cuinta ama tucuichu nisha, cai shu tujlla cuinta ashcamanda (leai Jeremías 17:5). Huaquin istauna mandajcunara atunyachingaj rurashcaunami. Randi, shuj istaunai banderagunara atunyachingaj, shu llactamanda llushpirishca punzhara iyaringahuas an (1 Juan 5:21). Shinallara shuj istauna politicogunara o politicamanda campaña rurasha istaunara ruranun. Diosta atunyachina randi, shu runara o shu organizacionda yapajta atunyachijpi ¿imasnara Jehová Dios sintiringa?
3. ¿Imarasha shu istai huaquin ruranauna Diospa ñaupai mana ali tucunga?
Biblia uchami nin “tragura yapajta upisha, manali istaunara rasha, upingahualla istaunara rasha” causana (1 Pedro 4:3, TNM). Huaquin istaunai runauna iyaira chingachinun, chiraigu irus ruranara ruranun. Diospa amigo tucusha catingaj munashaga, mundu causana irus ranamanda caruyashca ana anchi.
MAS YACHAI
Ricushun ima istama rina ashcara o mana rina ashcara. Can alira ajllasha Jehová Diosta cushiyachingui.
4. Jehová Diosta respetura mana ricuchij istaunama ama ringuichu
Leaichi Efesios 5:10, huasha catij tapuigunamanda rimaichi:
-
Shu istara rurangarausha ¿imai iyarina anchi?
-
¿Ima istaunara ruranun can causashca lugarbi?
-
¿Imasnara cai istaunara Jehová ricun?
¿Shu cutillas tapurishcanguichu cumpleaños ruranamanda Jehová ima iyashcara? Intiru Bibliai mana ninzhu Diosta sirvijcuna cumpleaños ruranushca nisha, shinajpis Biblia ninmi paita mana adurajcuna ishqui cumpleaños ruranushca nisha. Leaichi Génesis 40:20-22; Mateo 14:6-10. Huasha catij tapuigunamanda rimaichi:
-
¿Imara tucuca cai ishqui cumpleaños istaunai?
-
Cai textogunamanda leashca huasha ¿imara Jehová iyan cumpleaños istaunamanda?
Cuna tapuringuima “Ñuca cumpleaños istara rurajpi o Bibliai mana rimashca istama rijpi ¿imasnara Jehová Dios sintirinma?”. Leaichi Éxodo 32:1-8. Cai VIDEORA ricuichi, huasha catij tapuigunamanda rimaichi:
-
¿Imarasha ali riparana anchi maican istaunara Jehová chasquishcara o mana chasquishcara?
-
¿Imasnara caita yachana ushanchi?
¿Imasnara yachashun ima istara Jehová chasquishcara o mana chasquishcara?
-
¿Biblia cai istara rurana mana ali an ninzhu? Yachangahua cai ista imamanda tiai callarishcara yachai.
-
¿Cai ista organizaciongunara, runaunara, bandera, escudo nishcaras astaun mas atunyachinzhu? Imaunaras ñucanchi atunyachina randi, Jehová Diosta ahuayachinchi shinallara mundui tiaj problemagunara pai tucuchingaraushcaras quirinchi.
-
¿Biblia cai istaibi ruranara mana ali an ninzhu? Ucha ranaunai mana masarina anchichu.
5. Shujcuna can quirishcaunara respetachu yanapai
Jehová mana gustashca istama shujcuna acu nijpi, “mana” ningahua shinzhi angami. Mana piñarishcahua respetuhua ali intindichi. Casna tunu pasashcamanda yachangahua cai VIDEORA ricuichi.
Leaichi Mateo 7:12, huasha catij tapuigunamanda rimaichi:
-
Cai versículo rimashca shina ¿mana quirij ailluunara ni ushanguichu cai istara ama ruraichu nisha?
-
Mana camba ailluunahua chi istaunara rurashas ¿imasnara paigunara llaquishcara respetashcaras ricuchina ushangui?
6. Jehová munanmi ñucanchi cushi anuchu
Jehová Dios munanmi ñucanchi ailluunahua, amigogunahua ali pasachu. Leaichi Eclesiastés 8:15, huasha catij tapuimanda rimaichi:
-
¿Imasnara cai texto ricuchin Jehová Dios ñucanchi cushiyachu munashcara?
Jehová shinallara munanmi paita sirvijcuna pariju gustu pasanuchu cushilla causanuchumbas. Ñucanchi asambleagunai huauqui paniuna casna cushilla pasashcara yachangahua cai VIDEORA ricuichi.
Leaichi Gálatas 6:10, huasha catij tapuigunamanda rimaichi:
-
¿Huaquin istauna rurana ministirinzhu shujcunara yanapangahua?
-
Cuyanara munasha ¿istaunallai cuyana anchichu? o ¿munashca huras shungumanda cuyana anchichu?
-
Ashca Testigoguna huaquimbi paiguna huahuauna ali pasanuchu istaunara ruranun shinallara usharijpi cuyanaunaras cuyanun. Can huahuaunara charishaga ¿imara rurana ushanguima paiguna cushi sintinuchu?
RUNAUNA CASNA NINUJPI: “Mana imaschu cai ista imamanda tiai callarishcara ricuna, randi mas valinmi ailluunahua amigogunahua ali pasana”.
-
Can ¿imara ninguima?
IMARA YACHASHCANGUI
Jehová Dios munanmi familiahua, amigogunahua ali pasachu shinajpis Dios mana munanzhu pai mana gustashca istaunai satirichu.
Iyaringaj
-
¿Ima tunu tapuigunara rurana anchi yachangahua shu istara Jehová chasquishcara o mana chasquishcara?
-
Huaquin istaunara ñucanchi mana rurangaj ajllashcara ¿imasnara yanapana ushanchi ailluunara, amigogunara ñucanchi ima iyashcara intindinuchu?
-
¿Imasnara yachanchi Jehová Dios ñucanchi pariju gustu pasanuchu cushilla causanuchumbas munashcara?
RICUNGUI
Jesusta catijcuna huaquin istaunara mana rurashcara leai.
“¿Imarasha Jehovahuaj testigoguna huaquin istaunara mana ruranun?” (jw.org partii tiaj tema)
Cumpleaños istaunara ruranara Dios mana munanzhu. Caimanda chuscu puntogunara yachai.
“¿Imarasha Jehovahuaj testigoguna cumpleaños istara mana ruranun?” (jw.org partii tiaj tema)
Ricui imasna shu huanra Jehová Diosta casuna ushan istauna tiashcai.
Huaranga huaranga Diosta sirvijcuna Navidad istara mana ruranun ¿casna mana rurashcamanda cushi sintinunzhu?
“Ali ruranara sintichijtas tupanuca” (La Atalaya, 1 de diciembre de 2012)
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
