44 YACHACHIKUY
¿Llapallan fiestakunachu Diospa agradonpaq?
Diosqa unanchawarqanchik kusisqa kawsakunapaqmi, chaymi munan kusirikunanchikta. Chaywanpas, ¿llapallan fiestakunachu agradonpaq? ¿Imaynatam paypa agradonpaq hina imatapas ruwachwan?
1. ¿Imanasqataq Diospaqqa wakin fiestakunaqa mana allinchu?
Runakunapa fiesta ruwasqankuqa Diostam piñachin bibliapi yachachikuykunawan mana tupasqanrayku. Chay fiestakunataqa Diosmanta mana yachaq runakunam ñawpaq tiempopi qallarichirqaku. Chaymi wakin fiestakunaqa taytacha-mamachata yupaychanankupaq, wañusqakunata yuyarinankupaq, hinaspa animalninkuwan mikuyninku achka kananpaq chaynataq suerteyuq kanankupaq (Isaias 65:11). Chaykunaqa manam Diospa munasqanman hinachu, chayraykum Diosqa niwanchik chayna ruwaq runakunamanta rakikunanchikpaq (2 Corintios 6:17). a
2. ¿Diospaqqa allinchu runata utaq nacionkunata hatunchanankupaq fiesta ruwasqanku?
Jehova Diosmi bibliapi niwanchik runakunapi hapipakuyqa yanqapaq kasqanta (leey Jeremias 17:5). Chaymi guerrapi wañuq runakunata hatunchanankupaq hinaspa nacionninchikta utaq banderata hatunchanankupaq fiestakunapiqa mana chaqrukunchikchu (1 Juan 5:21). Kantaqmi mana allinkunata chinkachiyta munaspanku autoridadkunapa contranpi sayariqkunapas, Diosta qipanchaspa paykunaman sayapakuptinchikqa, ¿imaynataq Jehova Dios tarikunman?
3. Kusirikunanchikpaq fiestata ruwaspapas ¿imakunatataq mana ruwananchikchu?
Cuidakunanchikmi sinkanakama mana tomanapaq hinaspa pinqaypaq kaqkunata mana ruwanapaq (1 Pedro 4:3). Diosta mana riqsiq runakunaqa fiestata ruwaspankum tomakunku hinaspam pinqaypaq kaqkunata ruwanku. Ñuqanchikqa manam paykuna hinaqa kananchikchu.
ASTAWAN YACHAYKUSUN
Kaypim yachaykusunchik runakunapa fiestakuna ruwasqankupi mana chaqrukunamanta, chaynapi Jehova Diosta kusichinapaq.
4. Jehova Diospa mana munasqan fiestakunamantayá karunchakusun
Leeychik Efesios 5:10 hinaspa qatiqninmanta rimariychik:
-
Ima fiestatapas festejanapaq tantiaspaqa ¿imatam yuyarinanchik?
-
¿Ima fiestakunatataq llaqtaykipi ruwanku?
-
¿Llaqtaykipi fiestakunaqa Jehova Diospa agradonpaqchu kanman?
¿Diospaqqa allinchu kanman santokuy? Ñawpaq tiempopi Diosta yupaychaq runakunaqa manam santokurqakuchu. Bibliapiqa willawanchik Diosta mana yupaychaq iskay runakunapa santokusqallankumantam. Leeychik Genesis 40:20-22 hinaspa Mateo 14:6-10, chaymantañataq qatiqninmanta rimariychik:
-
¿Imakunam pasakurqa chay iskay runakunapa santokusqankupi?
-
Leesqanchikman hinaqa, ¿Dios allinpaqchu qawan santokuyta?
Chaynaqa, ¿Jehova Diosqa imaynataq tarikunman santokuptinchik utaq runakunapa ruwasqanku fiestakunaman riptinchik? Leeychik Exodo 32:1-8. Chaymantañataq VIDEOTA qawaykuychik hinaspa qatiqninmanta rimariychik:
-
¿Imanasqataq sapa kuti piensananchik imapas ruwasqanchikwan Jehova Dios imayna tarikunanpi?
-
¿Imaynatam yachachwan Diospaq imakuna agradonpaq kasqanta?
¿Imaynatam yachachwan ima fiestakuna mana allin kasqanta?
-
Chaypaqqa yachananchikmi chay fiesta imayna qallarisqanmanta. Chaymi piensarinanchik: “¿Bibliapi yachachisqanwanqa tupanchu?”, nispa.
-
Chay fiestawanqa ¿runakunatachu utaq nacionkunatachu hatunchanku? Ñuqanchikqa Diosllapim hapipakunchik, chaymi tukuy imata paylla allichananta suyachkanchik.
-
Chay fiestapiqa, ¿mana allinkunatachu ruwanku? Ñuqanchikqa munanchik Dios kasukuytam.
5. Wakin fiestakunata imanasqa mana ruwasqanchikmanta sumaqllata willakuy
Wakinpiqa ayllunchikwan riqsisqanchikkunam hikutawachwan fiestakuna ruwasqankupi paykunawan kuska kanapaq. ¿Imaynatam sumaqllata paykunaman willachwan imanasqa chay fiestakunata mana festejasqanchikmanta? VIDEOTA qawaykuychik.
Leeychik Mateo 7:12 hinaspa qatiqninmanta rimariychik:
-
Leesqanchikman hinaqa, ¿Jehova Diosta mana yupaychaq ayllunchikta nichwanchu “kay fiestataqa ama festejaychu” nispa?
-
Diosta mana yupaychaq aylluykiwan fiestakuna ruwasqankupi mana kaspaykipas ¿imakunatam paykunapaq ruwawaq ancha kuyasqaykita yachanankupaq?
6. Jehova Diosqa munan kusisqa kananchiktam
Jehova Diosqa munan ayllunchikwanpas chaynataq amistadninchikkunawanpas kusisqa kananchiktam. Leeychik Eclesiastes 8:15 hinaspa qatiqninmanta rimariychik:
-
¿Imaynatam yachanchik kusisqa kawsakunanchikta Jehova Dios munasqanta?
Diosqa munanmi yupaychaqninkuna kusirikunanchikta. Hatun huñunakuy kaptin iñiqmasinchikkuna imayna tupaykusqankumanta VIDEOTA qawaykuychik.
Leeychik Galatas 6:10 hinaspa qatiqninmanta rimariychik:
-
¿Fiestataraqchu ruwananchik runamasinchikkunawan kusirikunapaq?
-
¿Imataq aswan allin kanman? ¿Pimanpas santon kasqanraykulla, navidad kasqanraykulla utaq imapas kaptillan imatapas quychu icha sunqumanta quykuychu?
-
Diosta serviqkunaqa munankum wawa-churinku kusisqa kanankuta, chaymi ima punchawpipas imatapas rantiykapunku. Qampas wawaykipaq utaq churikipaq, ¿imatam ruwawaq?
WAKIN RUNAKUNAM NINKU: “Ayllunchikwan kuska kananchikpaq ima fiestapiña kaptinchikpas Diosqa manam piñakunchu”, nispanku.
-
Qamqa ¿ima ninkitaq?
YUYARIYKUSUN
Jehova Diosqa munanmi ayllunchikkunawan chaynataq amistadninchikkunawan kusirikunanchikta, ichaqa manam munanchu chiqnisqan fiestakunata ruwananchiktaqa.
¿Ima niwaqtaq?
-
¿Imaynatam yachachwan ima fiestakuna mana allin kasqanta?
-
¿Imaynatam ayllunchikman hinaspa riqsisqanchikkunaman nichwan wakin fiestakunaqa Diospa mana agradonpaq kasqanta?
-
¿Imaynatam yachanchik Jehova Diosqa kusirikunanchikta munasqanta?
ASTAWAN YACHANAYKIPAQ
Diosta serviqkunaqa, ¿ima fiestakunatataq mana ruwanchikchu? Chaymanta kaypi yachaykuy.
¿Imanasqataq Diosqa mana munanchu santokunanchikta? Chaymanta kaypi yachaykuy.
“¿Imanasqataq Jehova Diospa testigonkunaqa mana santokunkuchu?” (Tarinkim jw.org nisqanpi)
¿Imaynatam Diosta kuyaq warmachakuna Diosta kusichinku wakinkuna fiestakunata ruwaptinku? Chaypaq videota qawaykuy.
Diosta yupaychaqkunaqa manam navidad fiestataqa ruwankuchu, chaywanpas kusisqam kawsakunku. Chaymanta kaypi leeykuy.
“Navidadmantaqa ¿imataq aswan sumaq kanman?” (Willakuq, diciembre 2012)
a Wakinpim patronninchik, ayllunchik utaq riqsisqanchikkuna fiestakuna kaptin imatapas quyta munawasun utaq paykunawan kuska kananchikta munanqaku. Hinaptinqa, ¿imapaqtaq tantiakuchwan? Chaypaq 5 willakuyta qawaykuy kay libropa tukupayninpi.
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
