SIKAIMOS 44
Drago le Devleske sa le bare giesa kai kidenpe le manush?
O Jehova kamel te avel amen iek shukar traio ai te kidas amen te avas veselime. Numa drago le Devleske te kidas amen andel giesa kai si bare le manushenge? Sar te keras te na dukhavas les ai te sikavas leske kamlimos?
1. Sostar chi plachan ka o Jehova uni anda gadala giesa kai si bare le manushenge?
Shai avela chi zhanesas ke but anda gadala giesa chi aven katar e Biblia. Aven katar le religionuria jojamne, keren te pashuvas kal dujuria chorhe vai sikaven ke o dujo le manushesko chi merel. Uni anda gadala giesa keren te pakian ande magia vai andel prame kai anen lenge baj (Isaías 65:11). Pala godia, o Jehova phenel ka peske servitori te durion ai te na azban khanchi kai nai vuzho (2 Korintiana 6:17). a
2. So gindil o Jehova pal giesa kai thon te bariaren le manushen?
O Jehova phenel amenge ke chi trobus te pakias “andel manush” ke godo shai peravel amen (chito Jeremías 17:5). Le manush thon giesa te bariaren kal amperaturia vai godolen kai nirisarde iek marimos ai univar vazden giesa te den barimos le themes vai te luvudin les (1 Iovano 5:21). Aver thon giesa te sikaven sar trobul te ningerelpe o them vai te sikaven te aven mishto le manush. So gindis, sar sas te aliarelpe o Del te avela thas partia iekhe manusheske vai aver organizacion kai chi kerel e voia le Devleski?
3. Save prame shai keren te na kidas amen avrentsa?
Ande Biblia phenelpe ke si griatsa le Devleske kana le manush kidenpe te phen but ai chi len sama so keren (1 Petri 4:3). Univar kana le manush kidenpe bistren so si vorta ai nai lenge lazhau anda khanchestar. Te na mekas te avas amiguria katar o Jehova trobus te duriuvas katar sa le prame bimalade.
TE MAI SIKIOS
Aida dikhas sar te alosares mishto ai te veselis ka o Jehova kana si iek gies baro kai kidenpe le manush.
4. Na kide tu andel giesa kai nai drago le Devleske
Chiton Efesios 5:10 [NWT] ai den duma pa:
-
So trobus te las sama mai anglal te zhas vai nichi kana si iek baro gies le manushenge?
-
Ande save giesa bare kidenpe le manush kai tu beshes?
-
Gindis ke o Jehova dikhel mishto godola giesa?
Pushlian tu ka iek data so gindil o Del pa kana le manush seren o gies kai pherdion borsh? E Biblia chi del duma pa chi iek servitori le Devlesko kai kerenas godo, numa phenel amenge pa dui manush kai nas vorta angla le iakha le Devleske kai kerenas godo. Chiton Génesis 40:20-22 ai Mateo 14:6-10 [NWT]. Polme den duma pa:
-
Ande soste mianpe kakala dui prame kai chitosardiam?
-
Polme kai chitosardiam so gindis, sar dikhel o Jehova sa gado?
Makar dikhliam sa kako shai avela pushes tu, “Chachimasa o Jehova lel sama te zhava kana pherdiol borsh varekon vai te kidau man kana thon iek gies baro kai chi malavel la Bibliasa?”. Chiton Éxodo 32:1-8. Polme dikhen o VIDEO ai den duma pa:
-
Sostar trobus te las sama save si le prame kai drago le Devleske?
-
Sar te keras godo?
Sar te zhanas ke o Del dikhel mishto godo gies?
-
Sikavel e Biblia kako? Te zhanes, rode katar avel godo gies.
-
Del barimos le manushes, kal organizasionuria vai le themes? Amen numa das barimos ka o Jehova ai pakias ande leste ke si te lasharel sa le bedi la lumiake.
-
So kerelpe kotse? Malavel la Bibliasa? Sa so keras trobul te avel vuzho angla le iakha le Devleske.
5. Tho tutar te respetin le kolaver so pakias
Univar nai vushoro te phenas ke chi si te zhas kana akharen amen ka iek baro gies kai o Del chi dikhel mishto. Sikau respeto kana phenesa sostar alosardian te na zhas. Te zhanes so shai keres, dikhen o VIDEO.
Chiton Mateo 7:12 [NWT] ai den duma pa:
-
Pa so mothol kako verseto, trobus te phenes ka iek niamo so trobul te kerel kana chi pakial sar tute?
-
Sar shai sikaves kamlimos ka kiri familia makar andel bare giesa chi san lentsa?
6. O Jehova kamel te avas veselime
Ka o Jehova plachal les te kidas amen ai te avas veselime amara familiasa ai amigonentsa. Chiton Eclesiastés 8:15 ai den duma pa:
-
Sar sikavel kako verseto ke o Jehova kamel te avas veselime?
O Jehova kamel te kidenpe ai te aven veselime leske servitori. Dikhen o VIDEO te zhanes sar si kako ande suako Baro Chidimos amaro.
Chiton Gálatas 6:10 [NWT] ai den duma pa:
-
Musai te avel iek baro gies te keras vareso lasho avreske?
-
So plachal tu mai, te avel iek gies kai trobus te des vareso vai te des ilesa kana tu kamesa?
-
Butivar le marturia le Jehovaske lasharen vareso shukar penge shavenge. Te avela tu shave, save prame shukar shai keres pala lende?
UNI MANUSH PHENEN: “Nai musai te zhanas katar avel godo gies baro. E prama mai bari si, te avas la familiasa ai le amigonentsa”.
-
So sas te mothos?
SO DIKHLIAM
O Jehova kamel te avas veselime amara familiasa ai amigonentsa. Numa chi kamel te avas andel giesa kai si bare le manushenge kai nai leske drago.
So sas te mothos?
-
Sar te zhanes save bare giesa si drago le Devleske vai nichi?
-
Sar te phenas amara familiake ai amiguria ke chi si te avas lentsa kana kidenape ande uni giesa?
-
Sar zhanas ke o Jehova kamel te avas veselime?
SHAI DIKHES VARESO MAI
Chito pa uni bare giesa ke le kristianuria chi kidenpe.
“Sostar le marturia le Jehovaske chi kidenpe ande uni bare giesa?” (Artikulo anda jw.org)
Dikhta shtar prame kai sikaven ke nai drago le Devleske te kidas amen kana iek manush pherdiol borsh.
“Sostar le marturia le Jehovaske chi kidenpe kana iek manush pherdiol borsh?” (Artikulo anda jw.org)
Dikhta sar shai veselin ka o Jehova le tsinorhe kai kamen les kana si bare giesa kai kidenpe le manush
But kristianuria chi kidenpe ando krechuno. Veselime le pa so alosarde?
“Arakhle vareso mai shukar” (La Atalaya, 1 anda o diciembre, 2012)
Shai avela plachal tu
SO SHAI PUSHES TU
Sar sikaven le marturia le Jehovaske pa e Biblia?
Gadia sar sikaven le marturia le Jehovaske, tu shai les e Biblia kai tu kamesa. Ai Shai akhares sa cha familia vai le amiguria kai kamesa.
