WEKELO 44
Fɛtɛ inkfumɔ nsasangɛka Ndjambe?
Yehova nkɔpaka dj’iso nsasanga la lowiko edjinge nanghaka fɛtɛ lá winá ɛmɔtshi. Ya fɛtɛ inkfumɔ ndoosasangɛka? Wopo wɔkɔnge w’okokaso nyɛnyɛ ngandji kɛso te Yehova lá nkambo djɛsɔ?
1. Ladjikɛnge fɛtɛ efula yopasasangɛ Yehova?
Mbala imɔtshi, wɛ nkoka nkamɔ djɛ ndjewa ente fɛtɛ efula yepaye má kɛnɛ kelekanyɛ Bible kana yeposaka me ampanghano. Fɛtɛ yɛsɔ nkoka ndjala la djokanelo l’ɛtɛmwɛlɔ w’engolo. Ikoka ndjala la djokanelo lonkina la wayi w’ɛdjɛngɛ kana mpikama lá ikanyi y’ente anyima apavu. Fɛtɛ imɔtshi yepika edjwe lá nkakanyi y’anto kana lá tokanyi tɔ epoma (kana shansɛ). (Izaya 65:11) Djɛkondeke Yehova ewoyɛnde enkambi wɛnde ante: ‘Nyowangɔ . . . edjinge nyotakotake ekete kɛ mbindo.’—2 Kɔrɛtɔ 6:17. a
2. Wopo wɔkɔnge Yehova ɔsakande wa fɛtɛ y’olumɛwɔ anto?
Yehova atewola ante alekɔ mbalaka ‘ndjilela wɔna onto w’anyanya oloko.’ (Wala Jɛrɛmi 17:5, NWT-F.) Fɛtɛ imɔtshi numɛka ewandji wɛ pɔlitikɛ kana angala. Inkina numɛka ɛndɛpandansɛ kana kolumɛwɔ ekete kɛmɔtshi kel’owila. (1 Djɔanɛ 5:21) Fɛtɛ imɔtshi lonkina numɛka wayi wa pɔlitikɛ kana eloyi ɛmɔtshi. Wopo wɔkɔnge Yehova ndongoka ntsha iso mpɛyɛ onto kana olonghanyelo ɔmɔtshi lomo lɔ yopakoke ndjala la lɔkɔ, pekapeka ntsha fɛtɛ yɛkɔ yekembɛ tokanyi totshikitanyi la ikanyi Yɛnde?
3. Nangedji djɛkɔnge djekoka ndjila fɛtɛ nyɛtshi?
Bible ntonaka ‘ɔnwɛlɔ wɔ waná w’indeko, . . . fɛtɛ yelekɔ́ la wayi watamba elelo, . . . [la] yɛ ovwelo wɔ waná.’ (1 Pɛtɛlɔ 4:3) Lá fɛtɛ imɔtshi, anto wangosambake ndákota la wangonanghake akambo wa mbindo. Djɛ ntshikalá ilongo la Yehova, iso ladjɛ ntona akambo ankfumɔ wakoka ntila mbindo lá nanghedji.
TSHIMOLA
Lenda wopo w’okokaso nsasangɛ Yehova winá wɔsaso akano wa wɔlɔ lá nkambo djɛ wa fɛtɛ.
4. Tona fɛtɛ yepasasangɛ Yehova
Wala Ɛfɛsɛ 5:10, ko kadjimola lá weepó wɛnɛ:
-
Akambo wakɔnge w’oyɛso ladjɛ nshishima lá ntondo kɛ ndɔsa nkano djɛ nangha fɛtɛ?
-
Fɛtɛ yɛkɔnge yeleka nanghema l’edjena k’oyalɛ?
-
Ɔngɛnake ente fɛtɛ isɔ nsasangɛka Yehova?
Ndjɔmbɔmba, wɛ ongoyawopolake djɛ ndjewa ikanyi yɛ Ndjambe lá nkambo djɛ fɛtɛ yɛ botshɔ? Lako kaanga djamba mmɔ lá Bible djɛnyɛ djɛ ɔntɛmɔdji wɔ Yehova ɔmɔtshi ananghaka fɛtɛ kɛ botshɔ, koko ntepela djɛ fɛtɛ yɛ botshɔ ape yenanghemisá me anto watakambelaki Yehova. Wala Ewangelo 40:20-22 edjinge Mateo 14:6-10. Ko kadjimola lá weepó wɛnɛ:
-
Nkambo djɛkɔnge mɔtshi djenanghemisá lá fɛtɛ yɛkɔ ipe?
-
Lá nkilika avɛrse wanɛ, wopo wɔkɔnge Yehova ɔsande fɛtɛ yɛ botshɔ?
Wɛ nkoka ndawopola ente: ‘Ntsha lemi ntshɔ tá fɛtɛ yɛ botshɔ kana fɛtɛ inkina yɛ Bible ndopakɔpɛ, Yehova ndongoyawoka mo?’ Wala Eposelo 32:1-8. Ndeke, lenda VIDEO ko kadjimola lá weepó wel’anse.
-
Lamo oyɛwɔ wɔlɔ nkɔmɛ ntsha nkambo kampanda djesasangɛ Yehova?
-
Wopo wɔkɔnge w’okokaso nangha nkambo djɛsɔ?
Wopo w’okokaso ndembetela ntsha fɛtɛ kepasasangɛ Ndjambe
-
Fɛtɛ kɛkɔ kelekɔ l’elakanyelo wepaye má Bible? Djɛ ndjewa nkambo djɛsɔ, hona djɛ ndjewa ikɔkɔ yɛ fɛtɛ kɛkɔ.
-
Fɛtɛ kɛkɔ mpɛyɛka anto, elonghanyelo kana nkete mɔtshi djel’owila lomo lɔ yopakoke ndjala la lɔkɔ? Iso numɛka ngo Yehova toko la ndáwɛkɛka ngo te nde ladjikɛnde ngo nde ndeke longoshiyɛ ekakasano wel’andja.
-
Nanghedji djɛkɔ la akambo welá fɛtɛ kɛnɛ nanyɛka tɔkfɔ telá Bible? Iso ladjɛ ntshikala piyɔɔ lá tokanyi edjinge lá nanghedji.
5. Kotshɛ́ anto ankina dj’iwɔ nɛmɛyɛ akambo wako w’awolɛ
Nkoka ndjalá okakasano djɛ ntona ntsha anto amɔtshi wakotshinda djɛ nangha fɛtɛ yepasasangɛ Yehova. Lá winá wɔsɔ, yala la balentshitshi edjinge l’etepela wɛ wɔlɔ winá washimelɛ nkano djɛ ngɔmbɔsa. Djɛ nyɛna ndjɔmbɔmba kɛ wopo w’okokɛ nangha nkambo djɛsɔ, lenda VIDEO.
Wala Mateo 7:12, ko kadjimola lá weepó wɛnɛ:
-
Lá nkilika vɛrse djɛnɛ, wɛ ladjɛ mpekala ase nkfumbo kɛko wapatɛmɔla Yehova djepa nangha fɛtɛ kɛmɔtshi?
-
Wopo wɔkɔnge w’okokɛ nyɛnyɛ ase nkfumbo kɛko ente wɛ ndakɔpaka la ndawɔsaka l’odjito kaanga ngopananghe fɛtɛ esanga nyawɔ?
6. Yehova nkɔpaka dj’iso ndjalá l’osasa
Yehova nkɔpaka dj’iso mpetshɛ winá esanga l’ase nkfumbo edjinge la tolongo tɔso. Wala Losanghanyɛ 8:15, ko kadjimola lá woopó wɔnɛ:
-
Wopo wɔkɔnge vɛrse djɛnɛ ɔtɛnyɛnde djɛ Yehova nkɔpaka dj’iso ndjalá l’osasa?
Yehova nkɔpaka dj’enkambi wɛnde ndjalá l’osasa edjinge mpetshɛ winá wɛ wɔlɔ esanga. Lenda VIDEO djɛ nyɛna wopo wonanghema nkambo ntshɔ papoo lá nsanghanyɛ yɛso y’ewila efula.
Wala Ngalatiya 6:10, ko kadjimola lá weepó wɛnɛ:
-
Alekɔ wɔlɔ dj’iso nangha fɛtɛ yenangha anto ankfumɔ djɛ ‘nsasangɛ anto ankina?’
-
Opapɛyɛ wɔkɔnge wokosasangɛ, oyɛwɔnde wokotshindawɔ la wolo djɛ mpɛyɛ lá fɛtɛ kɛmɔtshi, ndo koko opapɛyɛ w’ɔpɛyɛ l’ɛkɔpa?
-
Ewakɛ wɛ Yehova efula nonghanyɛka fɛtɛ lá nkambo djɛ wana wawɔ edjinge ndapɛyɛka epapɛyɛ. Ntsha wɛ olekɔ la wana, wayi wakɔnge amɔtshi w’okokɛ ndananghela djɛ ndasasangɛ?
ANTO EFULA NTEPELAKA AMBƆ: “Lako djonyi ndjewa ikɔkɔ yɛ fɛtɛ. Nkambo deka djonyi nde mpetshɛ winá esanga l’ase nkfumbo kana la tolongo tɔmi.”
-
Wɛ okokɛ nkadjimola ente mo?
LÁ YOPASƐ
Yehova nkɔpaka dj’iso mpetshɛ winá wɛ wɔlɔ esanga l’ase nkfumbo edjinge la tolongo tɔso. Koko nde nkɔpaka dj’iso ntona fɛtɛ yeposasangɛ.
Mvungo
-
Weepó wɛkɔnge wekoka ntokotshɛ djɛ ndjewa ntsha fɛtɛ kɛmɔtshi kesasangɛ Yehova?
-
Wopo wɔkɔnge w’okokaso nkotshɛ́ ase nkfumbo edjinge tolongo tɔso dj’iwɔ nsipisoyɛ akano waso walendana la fɛtɛ?
-
Wopo wɔkɔnge w’ewɛ ente Yehova nkɔpaka dj’iso ntomba edjinge ndjalá l’osasa?
TOKANYI TONKINA
Lenda fɛtɛ imɔtshi y’Akristo yopananghe.
“Lamo Ewakɛ wɛ Yehova yopananghe fɛtɛ imɔtshi?” (Djamba djelá lá jw.org)
Lenda donga nɛyi djɛnyɛ ladjikɛnge fɛtɛ yɛ botshɔ yopasasangɛ Ndjambe.
“Lamo Ewakɛ wɛ Yehova yopananghe fɛtɛ yɛ botshɔ?” (Djamba djelá jw.org)
Lenda wopo wɔ olangala ɔmɔtshi w’Okristo ndananghe winá wɔ winande welá nkalasa yɔsɔkaka l’ɔtɛ w’akambo wa ndawolaká lá nkambo djɛ fɛtɛ kɛ Nɔɛlɛ.
Miliyɔ y’Ewakɛ wɛ Yehova wambɔsá nkano djepa nangha fɛtɛ kɛ Nɔɛlɛ. Wopo wɔkɔnge woyawokawɔ lá nkano djɛ yɔmbɔsa ntshɔ?
‘Iwɔ wawaka ekete kɛmɔtshi kɛ wɔlɔ efula’ (Etange k’Olami, Ngɔndɔ kɛ djomi l’ape 1, 2012 lá Lingala)
a Lenda Nɔtɛ kɛ l’ekomo 5 djɛ ndjewa wopo w’okokɛ nangha lá nkambo djɛ wepo ɛmɔtshi wɛ fɛtɛ.
