Jeobá ko nakí japi ta kanílipo alí japi niwabo fiesta isini kaachi. Nalí, ¿achi galé Onorúami suwaba echi fiestas alí omáwili japi nirú? ¿Chúriká ta néwariwélitipo Jeobá japi ta we galé alí japi ta natéami niraa iné japi echi nili?

1. ¿Chúsiá Jeobá ke galé wiká fiestas?

Wiká fiestas niwárami nili pagótami jitra japi ke bichíyami nili Onorúami o jarecho fiestas nokiwá japi echi Biblia aní japi chati ju. A keʼré japi echoná fiestas nokiwá namuti japi bineri echi religión ke bichíwali o japi ocultismo níwala ju. O isimí japi bichíwipo japi echi suwíami a bijí bité alí ayénachó bichiwi echi namuti japi ke bichíwali ju (Isaías 65:11). Jiti bela Jeobá ko ané japi echi nijéwami ju: “Echoʼná abónichi jonsa waminá waná rojuasi” (2 Corintios 6:17). a

2. ¿Piri nata Jeobá echi fiestas jitra japi niwíliwa echi pagótami walubéala niraa inemia?

Jeobá tamó ané japi ta ke nipo japi riká echi pagótami japi we bichiwi jarecho pagótami, jiti echi ko ke aʼlá ju (leeri Jeremías 17:5). Jaré fiestas ko niwíliwa echi isélikami o echi pagótami we natéami jiti walubéala niraa iné (1 Juan 5:21). Isini kaachi niwáliwa fiestas jiti omáwima bilé namuti japi we natéami ju echoná país, ayénachó nirú fiestas japi noká echi política alí jarecho si namuti. Ata we natéami niraa inésaká bilé pagótami o bilé organización japi noká echi namuti japi Onorúami ke galé, ¿chu nílimiré Jeobá?

3. ¿Piri namuti isimí japi Jeobá ke galema bilé fiesta?

Echi Biblia aní japi we chati ju waʼlú bajiwa, omáwali japoná we cha nokiwá alí echi omáwali japi niwá bajimia bi (1 Pedro 4:3). A nirú fiestas japoná echi pagótami chuwé namuti noká japi we chati ju. Ata sinibí Jeobá amígowala nínalaká, ke ti nokisáré echi namuti japi echi kichí.

 AMINABI NATABO JAPI TA BINÉ

 5. Simá isí jiti jarecho riwíwima japi mi bichí

6. Jeobá ko nakí japi ta we kaníliami nipo

Jeobá ko nakí japi ta we kanila simáripo tamujé téemala yúa alí amigos. Leérisi Eclesiastés 8:15 alí raʼichasi jepuná jitra:

• ¿Chúriká néwariwéliti na versículo japi Jeobá nakí japi ta we kanílipo?

Jeobá ko nakí japi echi amígowala we kanílima japalí napawí jarecho yúa. Jiti mi machimea japi a echi riká noká japalí ju echi asambleas internacionales, inesi echi VIDEO.

Leérisi Gálatas 6:10 alí raʼichasi jepuná jitra:

• ¿Achi ta omawásaré jaré fiestas jiti ta kanílitipo jarecho?

• ¿Chúriká mi nijínali bilé regalo: iʼwérili niraa japalí ju bilé fecha o ami nijínali jiti mujé binoy echi riká nakí ne sulachí jonsa?

• Wiká testigos isini kaachi noká namuti we natéami echi kúchuwala yúa alí iyá regalos. Mujé ami kúchuwami nísaká, ¿piri mi namuti omero isiá echi jitra?

 JAPI MI BINELI

Jeobá ko nakí japi ta we kanila simáripo napawika tamujé téemala yúa alí amigos si, nalí echi ko ke nakí japi ta omawabo fiestas japi echi ke galé.

Piri mi animea

• ¿Chu iyiri preguntas ta nárika nokisáré jiti machiboa achi Jeobá galé bilé fiesta?

• ¿Chúriká ta omero ruyea tamujé téemala alí amigos si japi chúsiá ti ke omawi jaré fiestas?

• ¿Chúriká ta machí japi Jeobá ko nakí japi ta kaníliami nipo alí kanila simáripo?