የሆዋ ብህይወትና ኽንሕጐስን ንሓጐስና ዚገልጽ ጽምብል ክንገብርን ይደልየና እዩ። ኰይኑ ግና፡ ኵሉ በዓላት ንዕኡ ባህ የብሎ ድዩ፧ ኣብዚ ጕዳይ እዚ፡ ንዕኡ ዘላትና ፍቕሪ ብኸመይ ከነርኢ ንኽእል፧

1. ብዙሕ በዓላት ንየሆዋ ባህ ዘየብሎ ስለምንታይ እዩ፧

ብዙሕ በዓላት ኣብ ዘይቅዱስ ጽሑፋዊ ትምህርትታት ወይ ኣብ ኣረማዊ መበቈል እተመስረተ ምዃኑ ይገርመካ ይኸውን። እዚ በዓላት እዚ ምስ ናይ ሓሶት ሃይማኖት እተተሓሓዘ ኪኸውን ይኽእል እዩ። ምስ መናፍስትነት እተኣሳሰረ ወይ ኣብ ኢመዋትነት ነፍሲ እተመስረተ ኪኸውን ይኽእል እዩ። ገሊኡ በዓላት ኣብ ማሪታዊ እምነት ወይ ኣብ እምነት ዕድል እተመስረተ እዩ። (ኢሳይያስ 65:11) የሆዋ ንኣምለኽቱ፡ “ካብ መንጎኦም ውጹን ተፈለዩን . . . ርኹስ እውን ደጊም ኣይትተንክዩ” ኢሉ ኣጠንቂቕዎም እዩ።—2 ቈረንቶስ 6:17 a

2. የሆዋ ብዛዕባ እቲ ንሰባት ዘይግባእ ክብሪ ዚህብ በዓላት ከመይ ይስምዖ፧

“ብሰብ ዚእመን” ኣብ ሓደጋ ስለ ዚወድቕ፡ የሆዋ ኸምኡ ኸይንገብር የጠንቅቐና እዩ። (ኤርምያስ 17:5 ኣንብብ።) ገሊኡ በዓላት ንኽብሪ ገዛእቲ ወይ ንኽብሪ ወተሃደራት እዩ ዚብዓል። ገሊኡ ኸኣ ንኽብሪ ሃገራዊ ኣርማታት ወይ ንኽብሪ ናጽነት እዩ ዚብዓል። (1 ዮሃንስ 5:21) ገሊኡ ድማ ንፖለቲካዊ ወይ ንማሕበራዊ ምንቅስቓስ ክብሪ ዚህብ እዩ። እሞ ደኣ ንሰብ ወይ ንውድብ ዘይግባእ ክብሪ እንተ ሂብና፡ የሆዋ እንታይ ይስምዖ፧ ምናዳ ኸኣ ምስ ዕላማኡ ንዚጻረር ሓሳብ ንዜስፋሕፍሕ ዘበለ ኽብሪ እንተ ሂብና እንታይ ይስምዖ፧

3. እንታይ ጠባያት እዩ ንበዓላት ዘይቅቡል ኪገብሮ ዚኽእል፧

መጽሓፍ ቅዱስ፡ ‘ስኽራን፡ ፈንጠዝያ፡ ብመስተ ምውድዳር’ ይዅንን እዩ። (1 ጴጥሮስ 4:3) ኣብ ገሊኡ በዓላት፡ ቀይዲ በተኽነትን ርኹስ ተግባራትን ይርአ እዩ። ኣዕሩኽ የሆዋ ኽንከውን እንተ ዄንና፡ ካብዚ ስነ ምግባራዊ ርኽሰት ክንርሕቕ ኣሎና።

 ኣዕሚቝካ ዅዓት

 5. ሰባት ንእምነትካ ኬኽብሩልካ ሓግዞም

6. የሆዋ ኽንሕጐስ ይደልየና

የሆዋ ምስ ስድራ ቤትናን ፈተውትናን ክንሕጐስ ይደልየና እዩ። መክብብ 8:15 ኣንብብ፡ ድሕሪኡ በዚ ሕቶ ተመያየጡ፦

• እዛ ፍቕዲ እዚኣ፡ የሆዋ ኽንሕጐስ ከም ዚደልየና እተርኢ ብኸመይ እያ፧

የሆዋ ንህዝቡ ደስ ኪብሎምን ጽቡቕ ግዜ ኼሕልፉን ይደልዮም እዩ። እዚ ኣብ ኣህጉራዊ ኣኼባታት ብኸመይ ብንጹር ከም ዚንጸባረቕ ንምርኣይ፡ ቪድዮ ኣጻውት።

ገላትያ 6:10 ኣንብብ፡ ድሕሪኡ በዚ ሕቶታት ተመያየጡ፦

• ንኻልኦት “ሰናይ” ክንገብር ኢልና በዓላት ከነብዕልሲ ግቡእ ድዩ፧

• እንታይ ዓይነት ምሃብ እዩ ዜሐጕሰካ—ግዴታ ዀይኑካ ናይ በዓል ህያብ ምሃብዶ ወይስ ብፍታውካ ምሃብ፧

• ብዙሓት ናይ የሆዋ መሰኻኽር ንደቆም ፍሉይ ኣጋጣሚታት የዳልዉሎም፡ ህያባት እውን ይህብዎም እዮም። ውሉዳት እንተ ኣልዮምኻ፡ እንታይ ፍሉይ ነገራት ክትገብረሎም ትኽእል፧

 ጽማቝ

የሆዋ ምስ ስድራ ቤትናን ምስ ፈተውትናን ጽቡቕ ግዜ ኸነሕልፍ ይደልየና እዩ። ኰይኑ ግና፡ ንዕኡ ኻብ ዜጕህዮ በዓላት ክንርሕቕ እውን ይደልየና እዩ።

ክለሳ

• ሓደ በዓል ንየሆዋ ዜጕህዮ እንተ ዀይኑ ንምፍላጥ፡ እንታይ ሕቶታት ክንሓትት ንኽእል፧

• ስድራ ቤትናን ፈተውትናን ነቲ ብዛዕባ በዓላት ዝገበርናዮ ውሳነታት ምእንቲ ኺርድኡልና ብኸመይ ክንሕግዞም ንኽእል፧

• የሆዋ ኽንሕጐስን ደስ ኪብለናን ከም ዚደሊ፡ ከመይ ጌርካ ትፈልጥ፧